原文章由 AKLAMY 於 08-2-13 00:13 發表
老師 “It is because he took naked photos of people and put them onthe internet for people to look at”
首先,我覺得你仔仔個老師講錯野,因為相並唔係陳生放上去,而係有人偷左佢電腦入面既資料。如果我仔仔遇到同你小朋友一樣既事,我會話佢知,陳生係一個公眾人物,影左呢d相而又比人偷左出黎先至會有咁多既報導。但係唔代表陳生錯哂,所以佢唔應該為此唔開心。
但係每個人都有權選擇佢既生活方式,例如會唔會影呢d相,要唔要做一個公眾人物...等等,每一個決定都會影響到自己往後行既路。
你仔仔讀緊p.1,話大唔大,話細唔細,做父母都要話比佢知個人價值觀。佢地就係由細就睇住父母,大d就睇朋輩,之後又會迷idol....所以今次件事至會引起極大爭議。
我都有錯,而我既錯有可能會影響我既家人。但數埋數埋都係唔多個一百個。但係今次所有事主既支持者,遠遠比我既家人多,佢地既過錯自然比人放大黎睇。
作為一個公眾人物,係唔係唔應該影呢d相呢? 有冇考慮過存放相片既安全性呢? 會唔會流出黎呢? 要做一個公眾人物,當然要放棄某些事情,他們一開始,就應該要唸到呢樣野。
拉唔拉陳生,我覺得唔應該因為佢"影"左呢d相而拉佢,係因為佢"管有淫穢物品,可供發報用途"而拉。英皇亦都要拉,因為佢地"報假案"。每個人做錯係應該寬恕,但亦要得到應有既刑罰。法官都唔係聖人,一樣都會做錯,難道唔可以定人罪嗎?
至於話相中人淫,姣....等等字眼,我都唔認同,因為每個人對住愛人既時候 (又或者做緊果樣野既時候),都會係同一個樣。我只會覺得佢地蠢!!!
希望你仔仔可以快d解開呢個困擾。如可以,應該同佢老師傾一傾,大家同一口吻,令仔仔可以放低件事。
http://www.edu-kingdom.com/?10928
教育王國個人空間