大仔大女媽媽會 今日: 0 | 主題: 177860

積分: 5736

1^#

發表於 08-3-23 14:54 |只看該作者 |倒序瀏覽 |打印

我餵左臭b1年多d, 今次都會餵細b
應該都係around1年咁上下啦

0 0 0

私人傳訊

Hibiki

積分: 572

2^#

發表於 08-3-23 16:27 |只看該作者

原文章由 cherrian 於 08-3-23 14:54 發表
我餵左臭b1年多d, 今次都會餵細b
應該都係around1年咁上下啦

我係第一胎, 都打算比BB食人奶, 可否分享下心得? THANKS

私人傳訊

ho_yan2406

積分: 9392

3^#

發表於 08-3-23 20:27 |只看該作者

我有呢個打算..但我想問最長可以餵到幾時?

私人傳訊

Deneve

積分: 616

4^#

發表於 08-3-23 23:15 |只看該作者

我都有諗住餵人奶呀... 但餵到咁大麻唔麻煩呢? 可否分享多D俾我地聽呀?

私人傳訊

積分: 5736

5^#

發表於 08-3-24 00:03 |只看該作者

我講下上胎經驗先xdddd
我諗我唔係天生奶媽類, 因為我要到生完第7日先叫完全上到奶(即係有谷奶情況出現), 不過之前因為做過少少功課, 知道要刺激造奶一定要比bb埋身食, 同埋唔駛擔心bb唔夠飽, 因為bb頭幾日就算唔食野都ok, even輕左磅, 都係正常o既, 所以我一d奶粉都冇補到, bb喊就比佢食, 結果我臭b第一個月體重已經超標, 重左1.22kg(姑娘話重到0.5kg係合格, 1kg已經幾好)..
如果話最大可以食到幾大, 其實係冇o既, 只要媽媽覺得ok, 餵幾耐都得, 但最好頭6個月都係全人奶, 我就真係到臭b6個月大先開始比果蓉同粥仔的, 餵到大最怕就係佢出牙會咬, 不過我又好彩wor, 臭b一次都冇咬過我, 而我自己揀1歲左右同臭b介人奶係因為我想生第2胎, 想自己肥返少少先, 我陀臭b肥左60磅, 但剩係靠餵人奶我瘦返哂有突, 仲瘦過未生之前..
太長了, 分開第2個post先

私人傳訊

積分: 5736

6^#

發表於 08-3-24 00:09 |只看該作者

餵人奶的產前準備
1. 同老公洗腦
揀餵人奶, 一定預左有好多說話聽, 例如話食人奶bb冇咁肥, 食人奶好痴身, 又會不停比人質疑唔夠奶, 但係只要係老公十卜, 我覺得其他人點講我都冇所謂..仲有就係希望老公可以分擔餵奶以外o既工作, 例如換片, 掃風等等, 因為餵人奶o既媽媽要休息多d先可以造多d奶, 所以最好就係除左食同餵奶之外就訓多d

2. 做定notes, 生完唔好食回奶野
有d野, 食左會收奶的, 例如淡豆鼓, 乳鴿, 豬潤, 咁記住唔好食呢d

3. 買定餵母乳用品
我自己因為決心好大, 所以買定左奶pump, breast pad, 餵奶bra同餵奶衫, 仲一can 奶粉都冇買到(當然比我媽同我99話我痴線, 但我o個時諗, 如果有奶粉我實動搖)

私人傳訊

積分: 5736

7^#

發表於 08-3-24 00:17 |只看該作者

生完之後要點呢?

如果可以的話, 生完就盡快比bb啜, 開刀媽媽就自己就住身體狀況, 如果想快d成功, 最好唔好補奶粉, o個時我o係e院比姑娘話, 你都冇奶, 比咩bb食呀..但其實, 我的產科e生話, 其實bb頭幾日, 完全唔食野都冇問題的, 所以我都冇理到姑娘, 照樣不停咁餵, 但我o係e院o個幾日明顯地係餵得唔夠的, 因為應該2.5hr就要餵一次, 但c+ e院做唔到呢個安排, 所以我第一晚接臭b返屋企就天昏地暗咁餵..經過1,2日o既努力就會上奶了, 如果媽媽真係唔放心好想補奶粉的話, 最好唔好每餐補, 寧願搵一餐成餐skip左佢, 否則bb埋身食會求其d, 佢地會覺得橫掂我食完阿媽都有奶樽食, 我唔駛咁落力食了, 因為埋身食, 佢地要幾用力的, 而用奶樽就係咁2都食到了...而補奶粉o個餐最好安排o係日間, 因為晚上係造奶最好o既時機, 所以要把握機會多d埋身餵..

要知道bb食唔食得夠, 好多媽媽會揀pump奶出黎睇下pump到幾多安, 但其實, pump到幾多並唔=bb食到幾多, 我頭一個月pump親都係pump空氣的, 一d都pump唔到咁滯, 但臭b又超標wor, 咁即係其實佢食得好多啦..其實只要留意以下幾樣野就ok了
1. bb有冇足夠o既尿尿(姑娘話有6條以上的片片就ok了)
2. 重量如何, 之前講過, 1個月重到0.5kg叫合格

私人傳訊

積分: 5736

8^#

發表於 08-3-24 00:23 |只看該作者

餵奶o既時候有咩要注意
初生bb好爛訓的, 所以成日會食食下訓左, 於是可能都未食到飽好快又再喊, 媽媽又以為自己唔夠奶了, 其實餵人奶真係要對自己信心大d先得, 唔好成日諗唔夠奶, 咁就會夠的了..我o個時每餐大約餵臭b30min, 咁就可以食到足夠o既前奶(水份為主, 可以即時頂到肚餓)同後奶(營養為主, 可以kum飽), 如果bb真係食左冇耐就訓, 就要用盡方法整醒佢

bb黃..點算好
黃係好common的現象, 而餵人奶o既bb一般退黃會退得慢d, 我當時都有試過因為呢樣野差d想補奶粉, 但姑娘又鼓勵我wor, 話其實繼續餵都ok, 餵密d就可以了..結果我臭b都黃左個幾月先退, 期間都要去健康院mon住, 講返轉頭, 我當時都成日喊o既, 覺得臭b好慘咁..成日要去健康院, 但其實依家諗返都好似冇乜大不了..

好似打左好多野了, 打住咁多先
xdddd

私人傳訊

celeo

積分: 992

9^#

發表於 08-3-24 00:24 |只看該作者

請問咁你返工時點留奶比bb呢？

私人傳訊

積分: 5736

10^#

發表於 08-3-24 00:40 |只看該作者

好..講埋儲奶問題先xddddd忍唔住

我自己好彩d, 我其實唔駛出去做野o既, 我係home office, 但都有固定o既schedule, 做緊野o既時候就要閉關咁..但我自己就可以就返d時間3個鐘度就break一break可以出黎餵下奶咁..不過我都有唔少係在職o既朋友一樣可以餵到奶...佢地一般係咁o既:

放緊產假期間, 臨返工前2星期開始儲奶, 最方便o既儲法係邊餵邊pump, 因為會慳好多時間, 即係話餵緊一邊o既時候就順手pump另一邊, 我當時都用呢個方法, 2星期之間儲左幾十安奶

到正式返工o既時間, 朝早臨出門口又黎邊餵邊pump, 返工時就lunch hour pump一pump, 如果係早收工, 又唔駛搭好耐車o既, 可以放工即返屋企又邊餵邊pump, 咁樣應該可以足夠bb第2日食的, 如果唔可以早收工, 或者搭好耐車先返到屋企, 就臨放工pump多一次先走..

pump左出黎o既奶要keep o係fridge o既, 最好入freezer tim, 有一樣野叫fridge 2 go, 係一個類似冰袋o既物體, 但唔駛用冰種o既, 呢個袋就可以用黎裝住pump左出黎o既奶拎返屋企啦, 我見d 媽媽用luncheon 呢個model就可以裝到一個pump同2個樽, o岩o岩就係差唔多一日要用o既野啦..

儲奶, 可以用奶樽, 奶杯或者奶袋, 如果唔係要大量儲o既, 我覺得用奶樽都ok, 但如果儲儲下儲左好多奶(我o個時最勁有4xx安奶放左o係freezer), 就用奶袋慳位d

pump出黎o既奶, 如果室溫就可keep6-8hr, 雪柜下格最高層就24hr, freezer 就2個月(最好自己再check下, 我呢d係大約o既數字黎je), bb要食時就坐返熱佢, 可以用熱水/暖奶器..

儲奶, 寧多勿少, 因為有時bb嘔奶, 或者玩野, 暖左食唔哂, 都會side左d奶, 為免有奶荒, 最好長期keep返少少stock o係freezer

私人傳訊

celeo

積分: 992

11^#

發表於 08-3-24 01:07 |只看該作者

wa~謝謝你的分享~到時真係要喂人奶的時候再請教你~~~

私人傳訊

qqlee88

複式洋房

積分: 489

好媽媽勳章

12^#

發表於 08-3-24 01:12 |只看該作者

其實我唔係好識的, 可唔可以又比人奶又比奶粉bb食的呢.

私人傳訊

積分: 5736

13^#

發表於 08-3-24 01:26 |只看該作者

原文章由 qqlee88 於 08-3-24 01:12 發表
其實我唔係好識的, 可唔可以又比人奶又比奶粉bb食的呢.

都冇話唔得, 不過其實會有d實行上o既問題
例如我之前講, bb食慣左奶樽可能唔願再埋身(因為奶樽易食d), 咁因為bb少埋身, 你自己身體會覺得bb唔需要食咁多奶, 就造少d, 久而久之就會放棄餵人奶變左餵奶粉了
我其實都唔算最熱衷o個種奶媽, 但我o個時真係覺得上天生我係女人, 我自然就應該係餵到奶的(呢個諗法一路支持住我餵人奶架)
送一張臭b細個o既肥仔相比大家睇, 唔好以為人奶bb一定好un, 臭b頭6個月都係全人奶, 但佢一路都冇un過
http://www.babyhome.com.tw/album.php?op=view3&mid=130729&page=1&folderid=752015&fid=17680220&z=F

私人傳訊

積分: 5736

14^#

發表於 08-3-24 01:29 |只看該作者

原文章由 celeo 於 08-3-24 01:07 發表
wa~謝謝你的分享~到時真係要喂人奶的時候再請教你~~~

唔好話請教, 大家分享下啦, 我講o既野都唔係絕對, 只係我自己餵左一年o既經驗黎je

私人傳訊

Timothy_mama

大宅

積分: 2959

認識瑞士牛牛第一回

15^#

發表於 08-3-24 08:40 |只看該作者

你就好啦，我個囝一開始就唔肯出力食，我自己又緊張，最後無辨法唯由泵出嚟餵。

不過，我食次都會再接再厲。

其實，有無啲咩方法可以通吓乳呢？

原文章由 cherrian 於 08-3-24 01:29 發表

唔好話請教, 大家分享下啦, 我講o既野都唔係絕對, 只係我自己餵左一年o既經驗黎je

教育便是一輩子的承諾

私人傳訊

積分: 5736

16^#

發表於 08-3-24 11:03 |只看該作者

今次講幫助上奶o既方法

其實最大o既原則係"供求平衡", 我地身體好得意的, 佢會自己調節要造幾多奶出黎比bb食, 所以最好o既上奶方法, 就係bb一要食就比佢食, 1,2日之後, 自不然奶量就會提升, 相反, 如果唔能夠跟到bb個schedule就會越黎越少奶, 做全pump媽媽唔係唔得, 但我自己就覺得pump奶對造奶o既刺激遠比bb埋身啜得少, 所以做全pump媽追奶量會高得幾辛苦下

不過, 都有d 外在野可以幫下上奶o既, 飲木瓜魚湯可以上奶, 好多媽媽都知, 不過都有試過有朋友話飲左都唔work, 我自己o既經驗, 飲湯唔係話一日一兩碗就ok, 我要飲好大量先work, 頭一個月, 我每次餵奶之前同之後都飲2碗, 自己食飯又飲2碗, 餵奶又一定拎住樽水, 一路餵一路又飲水, 我o個時試過朝早煲左一煲湯, 夜晚餐飯已經飲哂, 要漏夜再煲過...我煲湯o既材料如下:
1. 木瓜, 要用綠皮白肉o個隻
2. 魚, 我落3條細o既紅3魚
3. 章魚一隻
4. 瘦肉
5. 通草(藥材舖有得買, 10蚊有一大包, 我分3次煲)

另外, 我覺得食得有營養d都好似有d幫助, 可能好多媽媽怕肥所以坐月或者餵緊奶時都唔夠膽食咁多, 但係呢, 我自己o個時就照食o既, 冇減過食, 坐月時我仲有食多一餐5更飯tim(即係半夜4,5點食飯, 我通常係4點幾餵完餐奶就食炒飯), 坐月時我餐餐都食雞, 雖然係悶d, 但阿媽話食多d雞, 身體有營養d造出黎d奶都靚d....丫..我o個時仲有飲到organic mothers' milk, 係d 茶包黎o既, for me唔算太work, 不過當水咁飲下又無妨, 但我有聽過有d 媽媽話好work

頭先講過只要大腦覺得你bb係要食多d奶, 你身體自然就會造多d奶, 所以pump多d奶都會幫到手, 我o個時每一餐我都餵一邊pump一邊, 咁我身體咪長期都覺得我要造好多奶lor, 不過呢個方法可能有d媽媽會覺得好攰, 自己就住身體狀況去做啦..

頭一個月, 得閒就搵熱毛巾full下乳房, 乳線通d都可以幫到手的

私人傳訊

積分: 5736

17^#

發表於 08-3-24 11:12 |只看該作者

餵唔到o既原因

我未生臭b之前都有問過e生, 會唔會冇奶/唔夠奶, e生話: 除非食左回奶野, 或者e生話自己身體/bb身體唔適合, 否則絕大部份香港女士都應該係可以餵到奶的, 咁點解又有好多媽媽唔可以成功餵到母乳呢?

根據我自己朋友o既經驗, 其實多數都係覺得自己唔得, 多過真係唔得的, 有時係餵bb食奶o既姿勢唔o岩, bb吸啜時唔係幾食到, 於是重得唔好, 就覺得自己係唔夠奶, 有關餵奶姿勢o既問題其實可以去健康院搵姑娘睇, 佢地好好, 教到好多實戰野的, 因為佢係單對單咁教, 媽媽又唔會話覺得咁尷尬, 同埋姑娘真係可以根據媽媽個別情況去比意見, 我都去過3,4次, highly recommend

另外呢, 有d媽媽開頭餵得好好, 但餵到某d 時間忽然又會覺得bb好似食極唔夠, 係咁扭計, 又開始懷疑自己了, 其實bb扭計唔一定係肚餓o既, 有時可能係有肚風, 肚仔痛就喊了, 仲有一個原因就係"猛長期", 有關猛長期係乜, 可以睇下以下呢段文章, 必睇呀!!
http://forum.baby-kingdom.com/viewthread.php?tid=141185&extra=page%3D1&page=7

仲有就係頂唔順d3姑6婆o既說話啦, 唔知點解呢, 有d人一聽到你話餵人奶就當你係怪人咁, 我99問過我係咪冇錢買奶粉timxdddd, 不過做得奶媽就預左要借左龍耳陳對耳, 因為聽得多又放o係心上, 心情又唔靚, 放鬆心情都可以造奶造得好d架..有咩事, 叫老公擋左佢啦xddddd

私人傳訊