呢個係我第2個工人, 來左4個月, 對我個仔好, 肯教肯玩, 煮食一流, 清潔ok, 朋友見到都話好, 仲未駁咀黑面借錢遲到等問題.
話說今日中午佢切到手指, 仲要係無左半只手指甲, 流左好多血, 都無同我講, 我沖水飲時見到佢自己包緊就立即同佢包紮傷口, 之後叫佢唔好再煮, 我落街買止血藥俾佢搽(因為十幾年都無人傷過), 咁上來時見佢炸緊春捲.....叫佢唔好做, 佢仲話無問題, 之後食完o野同佢再包紮時, 仲流緊血(幾多下), 叫佢去醫院又唔去, 叫佢唔好再洗碗休息下又話無問題, 叫左好多次才唔再洗碗, 不過佢怕細菌感染, 想食抗生素, 我又叫佢去醫院, 佢又死都唔去, 咁就唯有去有"R"字的藥房買啦. 買完食個tea之後就回家. 回家後佢又立即洗碗. 回到家後我同老公都諗住今晚叫外賣, 點知佢走出來話今晚煮雞食, 我話:你仲煮, 唔好啦, 休息下啦, 佢仲話無問題, 我cut左一只手指, 仲有4只, 無影響mouth:. 咁之後佢就乜家務都好似平時咁做晒, 只不過係我幫仔仔沖涼同佢沬唔到地咋......成日叫佢休息下都唔聽, 都唔成機偷懶拿正牌唔做o野.......我真係好多謝有咁的好工人啊
[ 本文章最後由 fion2504 於 08-4-2 22:38 編輯 ]
小叭係06年12月5日出世時重3.23kgs,1個月4.55kgs,2個月6.40kgs,3個月7.72kgs,4個月8.20kgs,5個月8.80kgs, 6個月10.00kgs, 7個月9.55kgs, 8個月10.00kgs, 9個月10.16kgs, 10個月10.45kgs, 11個月10.91kgs
(4個月第一次反身, 5個月坐, 8個半月爬, 9個半月出牙(上面兩只),10個月出牙(上面兩只)12個月7只牙, 11.81 kgs
細叭係09年1月26日出世, 體重6磅半.
4個半月轉身, 5個月識坐, 7個半月出第一只牙(下面)