我老公話San Leandro同Castro Valley都好熱,San Leandro近ocean好少少,但Castro Valley夏天超過100度,冇泠氣會幾難頂。屋價大約30萬起,比起Daly City同San Francisco真係平好多,Castro Valley都幾多唐人,校區OK,唔係最好,灣區最好校區係Pleasanton, Livermore, Dublin等,不就D屋就貴好多。Daly City 係幾大霧架,不過近海地區都係差不多,三藩市有D地區都大霧,例如Sunset。Mission 同Silver都要睇地段,唔係條條街都差,你要實地去睇下周圍環境先知架,如果D舖頭好早收,外面又鐡閘鐡枝咁,果個區好極有限,你又可以睇下周圍泊D咩車,好新定係又殘又花,後者多的話又係唔慌好,留意街上面D人係咩人,多唔多人係街度無所事事,你有小朋友要小心佢地安全。除咗黑人,墨西哥同中東及南亞都要留意下。
好難講要幾多,好多人嚟咗之後都發覺生活習慣要改嚟適應,例如香港以前唔興食唔晒打包,呢度就係人都咁做,好多仲爭住囉,打包埋白飯咁第日午餐就可以唔駛錢;用coupon、等sale先買嘢好普遍,仲唔止話貴嘢,連日常飲嘅奶食嘅蛋用嘅紙巾都唔例外。要記得三藩市的稅係高D架,相對最低工資都高少少。我估如果話要維持一家四口比較好的生活水平,睇怕都要有總共10萬稅前收入(以你有一架車,一間唔係太貴嘅屋嚟計)。
[ 本文章最後由 rose-mag 於 08-4-27 13:39 編輯 ]
花旗太太生活在花旗國,留意時差,你問我未必即時答到。