吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 問題在我的身上嗎?

夫婦情感今日: 29|主題: 42420

收藏本版

發帖

返回列表

跳至頁

查看: 2127 | 回覆: 16

問題在我的身上嗎? [複製鏈接]

kchy

複式洋房

積分: 418

1^#

發表於 08-5-23 07:27 |只看該作者 |倒序瀏覽 |打印

最近為了兩件事同老公冷戰中..
我想問問, 係我錯嗎??????

因為老公公司唔夠人手的關係, 佢叫我去幫佢手..
但我要照顧囡囡的關係而拒絕, 佢就話俾佢媽湊住..
我就係因為唔想俾佢湊, 如果係俾佢湊既話, 一早俾左..
唔使等個女20個月大先黎俾佢湊.. 好多野佢唔知..
我唔想將自己既責任去推俾人,
而且我一直都唔buy佢地湊bb既方法..
試問我又點放心放低個女俾佢地湊呢..
我之前都放低過, 但唔掂呢.. 最後又係攞我黎攪..
就係因為咁, 老公就唔同我講野..
就算我同佢講野, 佢都唔應我.. 咁就無講野兩日..
之後最後都有講返野.. 講返野第二日, 佢仲好難得咁放假添..
其實我寧願佢唔放假, 放左等於無放..
根本就唔係我地一家三口既時間..
每次都係咁, 我已經日日咁對住佢父母..
就連放假都要對住, 我真係覺得好無癮..
原來以為佢只會同我同囡囡去, 點知最後都係同埋佢父母..
食完野, 囡囡要訓覺, 佢就話返屋企定點..
我咪你仲想去邊, 佢就無出聲, 之後我話, 返屋企, 唔去喇..
呢d咁既放假, 倒不如唔好放, 我寧願同個女係屋企算~
都算啦.. 其實都預左.. 次次都係咁, 都唔爭在今次..

到前兩日, 咁我約左個朋友出去, 而呢個朋友佢未見過既..
其實我都唔係太熟, 只不過諗住同囡囡見下呢個朋友既囡囡..
行下街傾下計唔使咁悶.. 我已經出門口前打俾老公..
去到見到朋友, 咁食野啦.. 食食下老公打黎..
佢話, 你到左喇? 我話係呀, 岩岩食完,
佢就話, 你唔使打俾我架啦~ 之後我話, 下? 我唔知要打俾你嘛~
跟住佢就好惡咁話, 係咁! 就收左我線..
大佬呀, 平時我出街前打俾你, 去到都唔使打俾你..
點鬼知你忽然間要我去到都打俾你者.. 你又唔講~
係.. 或者你係擔心我見一個係未見過既朋友.. 但你都唔使咁講呀~
之後打返俾你又唔聽我電話, 以為你忙, 下晝連夜晚打俾你都4次..
你都唔聽, 咁即係唔想聽啦..
既然你唔想聽我電話, 我打俾你做乜~
野都唔使講啦~ 又發晒我脾氣.. 又係我錯?!

我係度無人無物, 你估我係香港呀, 我係度識既朋友全部都係你既朋友, 你叫我唔好corner自己去識其他人, 我而家識到喇, 你又話最好唔好去, 咁點者, 你想我點?! 成日話我唔放低下個女, 有邊個媽咪會願意放低自己小朋友而自己去玩? 許可的話, 我相信每個媽咪都寧願自己湊返自己小朋友而唔俾人湊.. 你又話我唔岩! 你每次都話係我唔岩, 我仲有咩可以講者~ 你自己返工又唔係成日對住你父母, 就要我陪佢地, 就連放假都要.. 我已經日日都係做同一樣野, 你就要我做更多, 我已經好辛苦架喇.. 想同你講搬屋, 你就話等個市低d先.. 都算喇, 咁等囉.. 公司唔夠人手, 你又發我脾氣, 我唔出聲你又話我發你脾氣, 我邊有.. 如果我真係發脾氣, 就唔會唔出聲對住你, 我都唔知我可以忍到幾多次.. 我真係好攰喇!! 我要既野其實好簡單, 只要一個自己既屋企者, 有幾難? 都3年幾喇.. 我淨係想黎緊既日子裡面, 有自己既家, 囡囡乖乖, 等佢返學時我就搵份part time做下者, 真係好高要求嗎??

sorry.. 要大家聽下呻.. 呻完, 舒服返d..

0 0 0

私人傳訊

一週年

民房

積分: 13

2^#

發表於 08-5-23 11:21 |只看該作者

無溝通，誤解，各執一詞．．．
真係好慘

私人傳訊

414928

水晶宮

積分: 61638

2024年龍年勳章 2024勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

3^#

發表於 08-5-23 11:49 |只看該作者

這都是溝通問題,其實每對夫婦結婚時都是想組織自己的小家庭,問題係現實總有現實問題,你們應該把問題拿出來好好傾下,小問題藏在心裡,日子耐左就會變成大問題,一對夫婦出現問題不會是一方面的,你們好像取不到共識,應加強溝通否則問題會不停出現。

私人傳訊

YUYANTHONY

別墅

積分: 596

4^#

發表於 08-5-23 11:59 |只看該作者

原文章由 kchy 於 08-5-23 07:27 發表
最近為了兩件事同老公冷戰中..
我想問問, 係我錯嗎??????

因為老公公司唔夠人手的關係, 佢叫我去幫佢手..
但我要照顧囡囡的關係而拒絕, 佢就話俾佢媽湊住..
我就係因為唔想俾佢湊, 如果係俾佢湊既話, 一早俾左..
唔 ...

其實,我覺得係你老公小氣囉,又有啲大男人,好多時反而係我嬲會唔聽我老公電話,但男人之家咁做就.......我都明始終要和父母住係會有問題出現,但因你老公一直同佢地同住所以感覺問題唔大,而佢都係佢父母淚湊大,當然會覺得你女女比99湊係無問題,這方面一定要傾得到共識,我湊我女女都唔係百分百好好,但好多時我就分析啲問題比我c6我比証明佢睇,咁大家都有眼睇係咪,兩個人溝通好重要,閙交和冷戰只會傷感情~

私人傳訊

juicypig

珍珠宮

積分: 30278

環保接龍勳章 hashtag影視迷勳章

5^#

發表於 08-5-23 12:31 |只看該作者

可能你老公比較大男人

一個人之所以快樂,不是因為她擁有得多, 而是因為她計較得少

私人傳訊

cindybaby

大宅

積分: 1552

6^#

發表於 08-5-23 14:06 |只看該作者

其實考慮下俾99揍囉...
我之前都好5中意
又5認同99揍的方法
但現在開始接受
有咩唔妥咪同老公講
等佢話俾99知
下次就唔好啦 ~~
咁咪無事囉 ~~~
事實老公都係99揍大
我都睇到99真係真心幫我揍仔
現代醫學進步
難免有地方佢地老一代做法無咁好
溝通多d就大家就下囉 !!!!
99揍孫幾好呀 !!!

私人傳訊

ChristieMing

侯爵府

積分: 20768

好媽媽勳章畀面勳章

7^#

發表於 08-5-23 14:08 |只看該作者

我個人認為，有第二件事發生，係因為第一件事尚未完結，我o既意思係，你老公仲未妥協，當個佢心仲有條刺時，對於你o既行為，就會好挑剔。

兩公婆，溝通真係好重要，你有咩唔滿意o既、唔開心o既、屋企o既事令你擔心o既等等，都要同老公傾，你要佢明白，點解你唔放心交個囡比99湊，佢一日唔明白你，呢o的事仲會發生。

你地結婚前，你係咪都知道，要同埋6299住？
如果係，你應該一早明白呢個係事實，好難改變，
好難要求佢搬出去住。

你呻呢番說話，有冇同老公講？
佢唔係你身體o既一部份，佢唔會知道你諗乜、擔心o的乜。
而且，大部份男人都係需要好長時間先會明白女人的！
就等如，我地好難理解男人o既想法一樣！

你要同佢傾，傾到直至大家有共識為止。

私人傳訊

choleliu

男爵府

積分: 5415

開心吸收勳章好媽媽勳章醒目開學勳章畀面勳章

8^#

發表於 08-5-23 14:58 |只看該作者

1. 去老公公司幫手
好老實咁講，佢公司真係唔夠人手先會出聲叫你，我都知6299真係唔識湊，馬c落地行都要ga la，你又想要錢又要囡囡﹐邊有咁著數。你咁樣隨時老公都無埋﹗請多個人又要比人工，你係佢老婆點都要幫，最多你話伴做半日睇下得唔得囉﹗

2. 去街
我都覺得你地少溝通，既然你都覺得佢關心你，下次出街到左、食完野、返屋企都講聲佢知，等佢無籍口發痺氣﹗

3. 既然你等你囡囡返學做part time，倒不如你同你老公講，囡囡返學後去你公司幫你，亦可以大家有共同話題溝通下，何樂而不為呢？

唔岩聽唔好鬧我﹗

私人傳訊

onon1022

子爵府

積分: 12519

好媽媽勳章

9^#

發表於 08-5-23 17:44 |只看該作者

其實試下同你老公溝通多d...講出你既感受...亦都聽下佢既感受...大家搵個共識...係你老公角度黎睇...佢都係佢父母一手湊大...無佢父母...就唔會有佢...佢唔會覺得個女比佢父母湊係一個問題...佢只係覺得你唔鍾意佢父母...所以唔鍾意佢湊小朋友既方法...佢覺得佢公司需要人手...佢係你老公...理應你會幫佢...但係你因為小朋友而拒絕佢...佢覺得係你心目中...小朋友重要過佢...

[url=http://lilypie.com][img]

私人傳訊

bktcc

超級版主

積分: 83010

超級版主

10^#

發表於 08-5-23 20:40 |只看該作者

睇落應該係你老公有問題多d

1.係咪自己開既公司?唔夠人用,咪請人,有乜難,最怕是小生意,請唔起外人,先要你出馬

2.唔聽電話小氣,非做大事既人所為

3.唔適變通,同父母住,多數有婆媳問題,做夾心人應該盡量疏通一下,大家食完中午,就應該自由活動

4.無氣量,我最睇唔起係出面對朋友同事好好,但返到屋企對家人差既人

你係加拿大?係咪有d叫做unit屋,一塊地起兩間屋,一前一後,面積細過獨立屋????

私人傳訊

bktcc

超級版主

積分: 83010

超級版主

11^#

發表於 08-5-23 20:51 |只看該作者

佢父母有無朋友,身處外地,如果唔識英文,又無乜社交活動,可能真係只能依靠自己個仔,e點你都要同佢(你老公)諗下

私人傳訊

vet

水晶宮

積分: 52879

好媽媽勳章畀面勳章

12^#

發表於 08-5-24 00:50 |只看該作者

唔開心上嚟呻吓law
好少事啫

私人傳訊

E@V

大宅

積分: 1312

13^#

發表於 08-5-24 01:42 |只看該作者

你老公都幾小氣..
不過你試下考慮去佢公司幫下身..一來真係幫到佢, 二來你可以同老公多d 溝通..係好事呀!
俾99 湊下先..如果發現有乜唔妥, 同時你老公都會睇到, 唔到佢反對你自己湊返喇~

私人傳訊

JFL

伯爵府

積分: 17155

14^#

發表於 08-5-24 02:52 |只看該作者

原文章由 choleliu 於 08-5-23 14:58 發表
1. 去老公公司幫手
好老實咁講，佢公司真係唔夠人手先會出聲叫你，我都知6299真係唔識湊，馬c落地行都要ga la，你又想要錢又要囡囡﹐邊有咁著數。你咁樣隨時老公都無埋﹗請多個人又要比人工，你係佢老婆點都要幫，最多你話伴做半日睇 ...

我同意choleliu嘅講法,如果老公公司真係唔夠人手,你咪去幫住佢先囉,等到佢請到人,你咪又返屋企揍ＢＢ囉,而家就比６２９９揍佢先,有家人揍哽好過拎去托兒所嫁或比Ｄ３９唔識７嘅人揍.有時同埋６２９９住就系煩Ｄ,不過你諗下行出行入都有人幫你睇下ＢＢ唔駛去边都要"稱"埋佢一起去.你一個人在外地我都明白好想有多個朋友,至於同朋友出街咪話聲比老公聽,有乜咁大不了都係講低聲啫,如果你老公同人出去,你都想佢話低你知架?!大家多Ｄ溝通就唔會有咁多誤會架嘞!

[ 本文章最後由 JFL 於 08-5-24 02:55 編輯 ]

私人傳訊

yoko_hau

男爵府

積分: 7835

15^#

發表於 08-5-24 04:00 |只看該作者

其實我覺得你老公搵你出公司幫手都係好事 , 起碼公司唔夠人手都諗起個老婆先 , 唔通你想請過後生又靚既女仔幫手咩?
至於湊bb ,比99湊 ,夜晚自己湊返囉 ,如果99湊得唔好就同老公講 , 有咩問題 , 等你老公出聲教99 , 又可以同老公多d話題。

因為我自己都係咁諗 , 想自己湊bb , 但公司真係需要我幫手 , 最後我都選擇左出公司幫手 ,比bb99湊 , 咁我開頭都好擔心 , 此終而家同以前湊bb方法真係好唔同 , 我只有向老公度講99湊bb既問題 ,由老公出面同99講 , 教99正確湊bb既方法 , 咁6299都係鍚個孫 , 所以而家都放心比99湊^^

因為我覺得因為愛老公才會生bb , 生完bb , 有咩理由唔理個老公?

多d講出自己既感受 , 大家一齊商量 ,總有解決既方法既

私人傳訊

poopoobe

複式洋房

積分: 390

16^#

發表於 08-5-24 08:56 |只看該作者

Hi kchy,
你都係响外地, 我都係, 我响澳洲....
我同你情況調轉, 我出去做野, 老公响屋企照顧 bb, 我 bb 同你嘅一樣 age, 老公都有返過 part-time, 不過唔係成日有工開, 因為佢果份工係土地測量員助理, 睇天氣食飯!! 我係一個 kitchen hand work in the chinese restaurant, c6 成日 complain, 我無時間陪個仔, 我夠想啦, 佢份工唔係成日有工開, 如果淨係靠政府嘅 payment 2 個禮拜, 600 幾蚊, 邊度夠呀, 又要買野, 又要交 bill, 天氣凍又要買衫比 bb, 錢呢??

c6 話佢放棄唔返工, 係因為我唔識點安排個仔嘅瞓覺時間, 佢要求 bb 每晚 8點至 8:30 要瞓覺, 如果唔係第二日 bb 會好扭計......咁有時我放工夜咗, 個仔都係想同我玩下啫, 唔通要我一放工返嚟, 就餵佢食飯, 之後沖埋涼, 同佢去瞓覺, 呢 d 我全部做齊啦, 做齊之後, 又 complain 我無時間陪佢, 大佬呀, 我傷風咗成 2 個禮拜, 又要返工, 又要煮飯比你兩仔爺食, 仲想我點呀? sex?? 我都差唔多散晒咁滯, 仲要有 sex, 你自己都話攰啦!!

我放工返嚟煮飯, 洗碗, 都係想減輕佢嘅工作量, 等佢可以淨係睇住 bb 唔使做咁多野......佢反而話我, 搵野嚟做避開同個仔相處嘅時間?!

尋晚同佢個 friend 出去飲野, 飲多咗, 就响度 complain 我呢樣, 果樣, 仲話我如果唔鍾意住响度, 叫我走喎, 佢會搞掂喎.....

咁你攞咗 d 政府 payment 去賭, 我有無 complain 你呀, 你反而叫我幫你戒賭, support 你, 我一路都 support 你, 你就不斷 complain 我, 我唔知我可以頂得幾耐, 唯一, 一個目標係, 努力搵錢, 搵到機票錢就走.....但一走了知, 係咪解決到事情呢!!!

kchy, 我好認同你嘅講法, 邊個唔想自己湊返自己個小朋友呀, 你還好, 幾難頂都仲有你 6299, 我無架, 62响第二個埠度住, 仲要返工, 我媽响 hk, 一年先嚟一次 (新年), 佢都要返工架......
好啦, 我要同 bb 出去, 下次再傾啦, bye bye

原文章由 kchy 於 08-5-23 09:27 發表
最近為了兩件事同老公冷戰中..
我想問問, 係我錯嗎??????

因為老公公司唔夠人手的關係, 佢叫我去幫佢手..
但我要照顧囡囡的關係而拒絕, 佢就話俾佢媽湊住..
我就係因為唔想俾佢湊, 如果係俾佢湊既話, 一早俾左..
唔 ...