我從來都冇同99打過牌, 因為99唔止係唔打, 而係勁憎打牌既女人!! (只限女人!)
佢話識打牌既女人, 一律都唔會係好老婆, 好新抱, 好阿媽! 所以我地妯娌私底下約打牌, 都唔會比佢知!!
反而我同我屋企人打多d, 我地打得真係好細, 最多幾十蚊上落, 志在陪下d老人家, 打得多牌唔會老人痴呆丫麻~~
但試過有次同細妹個男友打, 就真係好冇引, 明知我少打牌, 唔好講話比牌, 幾乎鋪鋪都係佢贏! 喂大佬, 知你好叻啦, 咁叻唔見你出去麻雀館搵錢返黎養家?! 話晒我將來都會係你姨仔, 同場仲有我細佬, 佢都未出身, 你洗唔洗下下贏到盡呀!!!(我細佬一星期只有幾百蚊零用錢, 佢最後輸突仲要問我借!)
最衰最衰就係, 我未落場之前, 係我細佬女友打既, 佢直頭開到聲同我講 "大家姐(佢跟我細佬叫), 我輸晒d錢啦, 你幫我打好冇?!" 人地細路女黎架咋, 幾鋪你就贏晒人地d錢, 到我落場仲好似"湯"魚腩咁"湯"!! 仲係咪男人黎架你!! 冇d風度!!
我同老公講呀, 以後有佢落場, 唔洗旨意我會打, d錢我寧願比我細佬同女友洗, 好過比佢贏!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!