跳至

首頁
12

尾頁
   0


大宅

積分: 2563


發表於 08-5-24 18:06 |顯示全部帖子
今日去完健康院, 姑娘話我個囡2歲再番去做發展跟進呀! ,
我個囡唔喺好識講說話, 只喺常叫爸爸, 媽媽, 姐姐, 狗狗, 貓貓, 其他全部都喺太空話, 都唔知佢講咩

個囡因為喺比工人湊, 平時一至五都唔會落街, 而工人只識講英文, 唔知喺咪攪到亞囡唔多願學野同講野? 我放咗工都同佢喺屋企有親子, 而且每晚臨瞓前教佢唱"abc"既歌, 佢都識唱由"a-h", 今個月開始已經同佢上playgroup, 咁喺咪都唔足夠呀?
日頭佢對住個工人, 成日喺屋企, 喺咪應該叫工人帶下佢去公園玩下(如半小時)?

請問有冇人可以比d意見我呀? 謝謝!


大宅

積分: 1110


發表於 08-5-24 18:09 |顯示全部帖子
我個仔只係識講 "汪汪"....下個月16號先去健康院.....可能都要做發展跟進


珍珠宮

積分: 31232


發表於 08-5-24 20:28 |顯示全部帖子
原文章由 坤囡囡 於 08-5-24 18:06 發表
今日去完健康院, 姑娘話我個囡2歲再番去做發展跟進呀! ,
我個囡唔喺好識講說話, 只喺常叫爸爸, 媽媽, 姐姐, 狗狗, 貓貓, 其他全部都喺太空話, 都唔知佢講咩

個囡因為喺比工人湊, 平時一至五都 ...

我個仔連爸爸媽媽都係求救先講...但係你叫佢做野佢又明..


伯爵府

積分: 15594


發表於 08-5-24 21:44 |顯示全部帖子
DELETED ~~

[ 本文章最後由 YML 於 08-5-24 21:53 編輯 ]


大宅

積分: 2582


發表於 08-5-24 21:54 |顯示全部帖子
我個囡都只係識講"爸爸"、"姐姐"(工人),連"媽媽"都仲未識講呀,真係傷心,過幾日我都要返健康院,到時佢唔叫我check語言發展,我都會要求佢比我check。


別墅

積分: 904


發表於 08-5-24 23:44 |顯示全部帖子
我個仔都唔係識講好多野...
要佢叫媽媽,佢喊一個鐘都唔肯叫...
但"抹抹"、"munmun"佢又識講...

原文章由 yan321 於 08-5-24 21:54 發表
我個囡都只係識講"爸爸"、"姐姐"(工人),連"媽媽"都仲未識講呀,真係傷心,過幾日我都要返健康院,到時佢唔叫我check語言發展,我都會要求佢比我check。 ...


大宅

積分: 1485


發表於 08-5-25 03:15 |顯示全部帖子
原文章由 坤囡囡 於 08-5-24 18:06 發表
今日去完健康院, 姑娘話我個囡2歲再番去做發展跟進呀! ,
我個囡唔喺好識講說話, 只喺常叫爸爸, 媽媽, 姐姐, 狗狗, 貓貓, 其他全部都喺太空話, 都唔知佢講咩

個囡因為喺比工人湊, 平時一至五都 ...


我有幾個比工人湊bb嘅朋友,佢哋d小朋友都和你囡囡一樣,到歲幾都未識講嘢,剩係識講少少炸,可能比工人湊真係有影響,你試下比你囡囡返多d playgroup,(一星期返兩三堂)或睇多d碟,你放工返到屋企盡量花多些時間陪下囡囡傾計,希望佢會有進步.
至於你話叫工人帶bb落公園玩,睇下你點睇你工人啦,
其實帶囡囡出公園玩都好,起碼有多d小朋友聚埋玩下,
學嘢都快d,但最怕你工人落咗公園,唔係陪你囡囡玩,係陪咗自己同鄉工人傾計炸,因我見實在太多,係公園或會所,
好多工人聚埋傾計,都唔多理d小朋友,
有時小朋友跌倒都唔會知嘅,傾計傾都忘晒形,
所以呢一點你要自己考慮.


大宅

積分: 1364


發表於 08-5-25 10:48 |顯示全部帖子
我個囡都係要2歲再返健康院,佢又係識講好少嘢.

噚日上playgroup問老師,老師話唔緊要,最緊要佢明白你講甚麼,同埋會講太空話,佢話如果講太空話即代表佢可以發好多音,慢慢佢就會識講番出嚟,但一定要俾信心佢,要讚吓佢,自自然佢有信心就會講多啲,但千祈唔好迫佢講,老師話如果迫佢只會有反效果,令佢唔肯講嘢.

老師話同佢講說話時要慢慢講,等佢睇到你個口形,咁就ok喇,佢仲話唔需要咁心急,有啲小朋友係會遲啲架,重之唔洗咁擔心喎!

媽咪們,大家一齊努力啦!

[ 本文章最後由 巴比倫 於 08-5-25 10:49 編輯 ]


大宅

積分: 1364


發表於 08-5-25 11:08 |顯示全部帖子
有時我會諗,會唔會同出牙有關呀?因為阿囡到而家都係得上4隻,下2隻,有2隻準備出緊(真係唔明佢點解出得咁慢),可能咁樣會發音得唔好呀?(我自己白痴咁諗),你哋小朋友而家出咗幾多隻牙呀?

啲人成日話唔好比較,但有時係其他人去比較而令自己唔開心,好似阿囡個表妹,佢細阿囡幾日,但人哋一早就識行同好早出牙,而家仲識講好多嘢,佢啲行為一啲都唔似bb,而阿囡就樣樣都遲過人,又細粒過人,都唔明點解?啲人成日都話我個囡點解得咁少牙,又話阿囡唔知講甚麼,仲俾表妹成日叫我個囡做"妹妹",聽到都有啲唔開心.


別墅

積分: 904


發表於 08-5-25 15:12 |顯示全部帖子
我同你一樣,都覺得可能同出牙有關!
我個仔d牙又係出得較慢~
佢表哥以前好細個就出勁多牙,又係好快就識講野~


原文章由 巴比倫 於 08-5-25 11:08 發表
有時我會諗,會唔會同出牙有關呀?因為阿囡到而家都係得上4隻,下2隻,有2隻準備出緊(真係唔明佢點解出得咁慢),可能咁樣會發音得唔好呀?(我自己白痴咁諗),你哋小朋友而家出咗幾多隻牙呀?

啲人成日話唔好比較,但有時係其 ...


大宅

積分: 2563


發表於 08-5-25 19:39 |顯示全部帖子
唉! 原來大家都有這個問題!!!

但我諗同出牙冇咩關係吧! 我個囡依家上排同下排同各有6-7隻牙, 但佢都喺講太空話!

巴比倫:
我同你身同感受, 我個囡個姑媽成日話佢個囡8個月就喺網床爬黎, 1歲已經自己食飯, 又點叻點叻, 唓, 我依家又唔喺同你爭認第一, 你個點叻關我鬼事咩:;pppp:
尋日同佢地話健康院要亞囡做跟進, 佢地又話: "唓, 駛咩咁緊張喎, 佢地d姑娘"斷古"啫, 但你個囡又真喺講野同學野又喺慢咗d, 我覺得喺你既問題囉, 你又唔同佢講多野......................."

我當時真喺谷住條氣, 即刻話:我同佢講野你地知咩? 我同佢一齊唱歌你地又見咩? 咁你地成班日都咁講, 我要唔要辭咗份工黎湊佢呀!
我講完之後, 成班人即刻收口


珍珠宮

積分: 39057

好媽媽勳章


發表於 08-5-25 21:37 |顯示全部帖子
應該同出牙無關係,,
我囡囡到而家都仲係得7隻牙仔,,上4下3,,
不過就識講好多野,,
我有兩隻大小魔怪""


翡翠宮

積分: 90971

2024年龍年勳章 2018復活節勳章 畀面勳章


發表於 08-5-25 21:44 |顯示全部帖子
唔好太擔心啦...我成日覺得人生真係好似跑長跑...起步真係唔需要快...自己既小朋友要慢我會陪佢慢....你有同佢玩..有同佢唱歌...已經係一位好媽媽...人地點睇都唔會改變到你愛自己小朋友既心...我朗朗都唔講野...又得20LBS...但係佢又係一個好攪笑既BB....我只係睇到佢既優點...俾多D信心自己既小朋友...大家加油呀...




原文章由 坤囡囡 於 08-5-25 19:39 發表
唉! 原來大家都有這個問題!!!

但我諗同出牙冇咩關係吧! 我個囡依家上排同下排同各有6-7隻牙, 但佢都喺講太空話!

巴比倫:
我同你身同感受, 我個囡個姑媽成日話佢個囡8個月就喺網床爬黎, 1歲已經自 ...


大宅

積分: 1485


發表於 08-5-25 22:41 |顯示全部帖子
原文章由 littlecar 於 08-5-25 21:44 發表
唔好太擔心啦...我成日覺得人生真係好似跑長跑...起步真係唔需要快...自己既小朋友要慢我會陪佢慢....你有同佢玩..有同佢唱歌...已經係一位好媽媽...人地點睇都唔會改變到你愛自己小朋友既心...我朗朗都唔講野...又 ...


非常同意你的講法.
千祈唔好將自己小朋友和其他小朋友作比較,
小朋友乜都快過人唔代表將來就一定係個叻仔叻女嚟嘅,
只要自己努力教好自己小朋友,你已經是最叻最好的.
加油呀...我都會支持你的


水晶宮

積分: 70694

熱血勳章 好媽媽勳章 hashtag影視迷勳章


發表於 08-5-26 00:19 |顯示全部帖子
原文章由 坤囡囡 於 08-5-24 18:06 發表
今日去完健康院, 姑娘話我個囡2歲再番去做發展跟進呀! ,
我個囡唔喺好識講說話, 只喺常叫爸爸, 媽媽, 姐姐, 狗狗, 貓貓, 其他全部都喺太空話, 都唔知佢講咩
個囡因為喺比工人湊, 平時一至五都 ...


me 2 ~ 我個女29號去健康院,到時先再算!


男爵府

積分: 8970


發表於 08-5-27 17:15 |顯示全部帖子
我仔仔上星期都去完健康院, 兩歲都係要再番去做發展跟進, 因為佢全部都係講太空話, 除左叫
“daddy”.

同埋佢
d 牙都係出得比較慢, 而家上
4 ,
4 .

但係我
99 已經每日同佢去公園玩, 佢好細個已經接觸好多小朋友, 不過學講野都係咁慢, 真係唔知點解.

不過我就唔太擔心, 佢識得講太空話, 即係代表佢識發音啦.

大家一齊努力啦 !!!!


伯爵府

積分: 19211


發表於 08-5-27 20:26 |顯示全部帖子
唔洗太緊張啵~我個囡2歲都要再返去健康院呀...姑娘問我bb識講咩!?其實佢識講好多野喇...爸爸,媽媽,姐姐,婆婆,麻麻,阿e,哥哥,叔叔,bb,唔好,飲,街街,123,正,叻女,奶奶,餅餅,面面,水水,魚魚,阿"wu"(屋企隻狗)...其實都算多...不過姑娘話bb唔識眼耳口...所以要返去囉~我返到屋企先發現原來bb係識既...哈哈...不過唔緊要啦~返下去又可以check下bb既發展~我又覺得ok喎~


複式洋房

積分: 165


發表於 08-5-28 11:41 |顯示全部帖子
我個女已經去了健康院,姑娘話4歲先回去檢查. 佢識講好多單字 (Bye Bye, Hello, Ah Mi, 婆婆, 爸爸, ball, Mickey (bb), 奶奶, bird, no, yes, 姐, 哥, ABC , one two three four five six, please, see you, 靚靚, Tree, Boat, Ship, Harbour, 個個, 呢個, Daddy, Uncle , Auntie, 爺爺, 麻麻, 妹, Fish, Bus , Car ,咩事) , 已經出了15隻牙齒. 對於身體各部份,佢只識nose, head, ear...唔肯指eye, mouth and face....

其實我覺得個個bb都係獨立個體,有d野人地做到, 佢未做到,好正常; 因為好可能有d野你個bb做到,我個b未做到,每個b發展的方向唔同,所以唔好太擔心. 至於出牙,其實一樣,你想想會唔會有小朋友3歲都未出晒牙?其實唔會,都係快慢問題,既然遲早都會出晒,咁就唔駛擔心啦~

其實我覺得每個姑娘的鬆緊都唔同,我仲記幾個月時,見姑娘,姑娘問我佢識唔識自己梳頭,我話唔識,我都無俾佢試過, 跟住俾把梳我個女,叫佢梳,阿女當然唔識, 一來佢未試過, 二來我平日用brush, 佢都唔知個把係梳......佢再問,佢鍾唔鍾意玩車車, 我話我無俾佢玩過車車 (因為我個係女, 我覺得應該玩 女仔野),跟住姑娘就話佢唔合格,要再番來....其實,佢又唔知我個女識玩其他野 (因為佢無問), 所以都幾武斷.....今次1.5歲,見個另一個姑娘,佢明顯較鬆身,佢都無叫我個女示範眼耳口鼻,淨係問我, 我話yes, 佢就okay.

不過, 我唔覺得佢叻叻,因為佢現在一睡到深夜就狂哭,好似昨晚12時多哭得好大聲,晚晚如是, 我仲未知點解.......咁姑娘又唔重視下我個問題?


請問你的bb可以一覺睡天光嗎?有哭嗎?
mm


男爵府

積分: 8970


發表於 08-5-28 13:09 |顯示全部帖子
我仔仔通常都可以一覺睡天光既, 不過有時半夜都會 e..e..r..r.., 可能係發惡夢 (我覺得).


大宅

積分: 3707


發表於 08-5-28 23:04 |顯示全部帖子
坤囡囡, hehe, 有我囡囡陪LAR, 佢今日都去打針, 又係唔肯講野, 2YR要番去跟進~~~~


其實唔駛太介意健康院GE RESULT AR, 我地自己的小朋友自己最知佢的發展程度AR~~~~我囡囡平時都會BIRD, CAT, DOG, HAPPY個D, 但就睇心情先講

我係平時公公婆婆湊, WEEKEND先自己湊番, 我唔諗住特登TRAIN佢講野AR, 其實順其自然會好D, 到佢鐘意講佢自然就多野講LAR~~~~~~~~

首頁
12

尾頁

跳至