我個bun來了6個月, 佢煮食好好, 對bb好好, 但最近d清潔就真係開始好偷懶下, 之前都好少少, 現在呢個月好dirty下, 所以我今晚出糧時終於忍唔住要話個工人最近清潔得唔夠好了(不過都係平心靜氣咁講) .
事情係咁, 首先我解釋俾佢知道原來5月12日佛誕係唔係勞工假, easter都唔係, 仲拿了勞工處的資料俾佢睇. 不過我話唔緊要, 我都係朋友話俾我知唔係佢地d假期, 叫我check下, 咁我check左又真係唔係喎, 不過我同啊sir都傾過, 話佢都做得ok, 咁我地都照俾佢, 我仲同佢講左已mark低晒係日曆到等佢知道邊d係, 邊d唔係, 因為唔係全陪紅日都係勞工假o架 . 咁佢就話佢問左好多朋友, 佢地都有得放, 我話呢到寫明你地只得12日勞工假, 僱主俾係當賞金俾你, 唔放俾你係合理的. 不過有一點要注意就係你最近d清潔, 啊sir同我講話張飯桌成日都有污漬, 我剛才又見到, 所以係廚房都拿了條毛巾來沬左去, 佢仲話每日都有沬, 不過我叫佢沬完之後係燈光下就會睇到仲有無漬o架啦. 仲有兩張茶几, 同鞋櫃面成日都有d茶漬, 幾日都仲係到, 叫佢好好保護啊, 因為啊sir好緊張呢d o野o架, 好貴o架. 最後同佢講明就係一定要每日沬窗台同窗花, 因為bb成日都走去窗邊睇bird, 所以一定要日日沬o架 . 不過之後都同佢講左佢基本上都好, 好有心機照顧bb, bb都好鍾意佢, 不過只係要注意番清潔問題. 其實我呢一個星期已經每日少少少少咁叫佢做番好呢d o野o架了, 前兩日d窗台係一沬就有一呎塵跌左落地 , 廁所抽氣機又係好dirty, d桌永遠都好似無沬咁, 只係每日個地, 廚房同廁所個馬桶同浴缸位有洗, 叫做乾淨, 其他又係麻麻地........不過都無辦法, 話唔到太多細少的地方, 有時候都會自己沬下.
我希望今次講完佢可以keep住做番啦. 如果唔係又要成日同佢講, 大家心情都攪到唔好就煩了 .
小叭係06年12月5日出世時重3.23kgs,1個月4.55kgs,2個月6.40kgs,3個月7.72kgs,4個月8.20kgs,5個月8.80kgs, 6個月10.00kgs, 7個月9.55kgs, 8個月10.00kgs, 9個月10.16kgs, 10個月10.45kgs, 11個月10.91kgs
(4個月第一次反身, 5個月坐, 8個半月爬, 9個半月出牙(上面兩只),10個月出牙(上面兩只)12個月7只牙, 11.81 kgs
細叭係09年1月26日出世, 體重6磅半.
4個半月轉身, 5個月識坐, 7個半月出第一只牙(下面)