夫婦情感

收藏本版
發帖
返回列表
跳至頁

首頁
1234

尾頁
   0
janet61


洋房

積分: 297


1#
發表於 08-5-30 02:54 |只看該作者
你地老公會唔會咁?我C6返8:30收8:30,返到屋企都9:00,食完飯就睇電視,睇完電視就打機,好少理我同兩個仔, 每次都要我發脾氣佢先會唔打 我特登塞個細仔俾佢抱,等佢唔得閒,要佢理下我地 咪等佢以為湊仔好得閒
私人傳訊

moon_elf


複式洋房

積分: 488


2#
發表於 08-5-30 03:41 |只看該作者
　　有，我c6都係咁上下，佢日日放工番黎就同部電腦六神合體。
　　有時你同佢講嘢，佢好似聽唔到咁，當你發脾四再重覆時，佢就反應遲緩咁問你：「吓！你講咩話！」但果刻佢無拎個頭過黎，對眼仲係望住個mon。
　　年多前，我都好down，覺得佢同我無溝通，零交流，最利害我地試過幾日講嘢唔超五句。
　　但日子慢慢咁過，我由嬲變做傷心，然後想離婚，再之後就習慣咗......
　　其實都好無奈，因為c6佢唔出去四圍玩，乖乖咁留係屋企打機，唔同ｄ豬朋狗友風花雪月，我應該覺得安慰的，起碼佢個人同個心都係屋企。
　　然而呢種安逸感覺又要付出代價，就係佢繼續同部電腦六神合體。
　　唉！都係算吧！佢都有改，放假都會陪下我睇碟睇電視同埋出街食飯，有時候又陪我玩，亦會同我吹下水咁，基本嘢佢做足，我都懶得理佢，反正我都習慣咗，有時候亦落得清靜。
　　兩個人相處唔係你遷就我就係我遷就你，佢唯一娛樂就係打機，就俾佢打飽佢吧！人總需要娛樂和空間。
私人傳訊

yan0728


複式洋房

積分: 255


3#
發表於 08-5-30 03:47 |只看該作者
點解我屋企個件同妳地一樣既???
佢地識得架???
私人傳訊

janet61


洋房

積分: 297


4#
發表於 08-5-30 03:48 |只看該作者
咁又係既,但求佢唔出去搞搞陣已經好好,你c6同我c6一樣,同佢講野一定要重複講兩三次, 我都有叫過自己俾多啲娛樂佢,唔好搞到佢覺得我煩,但係有時見到真係眼火爆!!我講野佢永遠都唔會一次就聽到!!算喇~~鬼叫佢係我老公咩~~
原文章由 moon_elf 於 08-5-30 03:41 AM 發表
　　有，我c6都係咁上下，佢日日放工番黎就同部電腦六神合體。
　　有時你同佢講嘢，佢好似聽唔到咁，當你發脾四再重覆時，佢就反應遲緩咁問你：「吓！你講咩話！」但果刻佢無拎個頭過黎，對眼仲係望住個mon。
　　年多前，我都好down，覺 ...

私人傳訊

ahMeow


大宅

積分: 3375


5#
發表於 08-5-30 05:46 |只看該作者
samething here la, we are not even married yet, PS3 everynite
私人傳訊

prettysnow


男爵府

積分: 6132


6#
發表於 08-5-30 10:02 |只看該作者
原文章由 janet61 於 08-5-30 03:48 發表
咁又係既,但求佢唔出去搞搞陣已經好好,你c6同我c6一樣,同佢講野一定要重複講兩三次, 我都有叫過自己俾多啲娛樂佢,唔好搞到佢覺得我煩,但係有時見到真係眼火爆!!我講野佢永遠都唔會一次就聽到!!算喇~~鬼叫佢係 ...


我果個都係咁,講野至少要講3次,原來個個c6都差唔多
私人傳訊

kellyly


侯爵府

積分: 24623

好媽媽勳章 畀面勳章


7#
發表於 08-5-30 11:45 |只看該作者
我c6之前又係ka,打到痴線呀.
佢一番黎,如夜晚7點,佢一食飽飯(8點)就開始打,打到快既咪3-4點,早既朝早5-6點,之後咪瞓一陣就番工
放工番黎又打過
c6仲顛到有日佢部電腦short short地,佢即走去買過一部番黎打,都痴ka.
嗰時我無理佢ka,我直頭當佢透明.
之後佢要讀書先無再打ja.
私人傳訊

carrievic


男爵府

積分: 6943


8#
發表於 08-5-30 12:26 |只看該作者
原文章由 moon_elf 於 08-5-30 03:41 發表
　　有，我c6都係咁上下，佢日日放工番黎就同部電腦六神合體。
　　有時你同佢講嘢，佢好似聽唔到咁，當你發脾四再重覆時，佢就反應遲緩咁問你：「吓！你講咩話！」但果刻佢無拎個頭過黎，對眼仲係望住個mon。
　　年多前，我都好down，覺 ...

我同你的情況都有9成似,同佢講野無拎個頭過黎，對眼就住個mon,我都有兩個囝囝,他打機都好多年,d轉變過程真係同你好似,現在個大囝今年要讀小一了,細囝就剛剛1 歲,c6其實都改左好多,多左睇囝,會比多左時間兩個囝,其實過去這兩年開始我都冇乜同佢因打機而吵架！因已睇開左，佢亦有改善到，現在都幾好呀！

[ 本文章最後由 carrievic 於 08-5-30 12:29 編輯 ]
私人傳訊

jadepearl


侯爵府

積分: 22532

2024年龍年勳章


9#
發表於 08-5-30 12:38 |只看該作者
我C6都是甘, 以前一係對住TV, 跟住一段時候on line打麻雀. 現在掛住d魚 & on line.
甘多年都係這樣, 我地位仲底過d魚/電腦/電視. 我都好心淡
私人傳訊

AhHiLLmom


複式洋房

積分: 237


10#
發表於 08-5-30 13:58 |只看該作者
我C6都係咁, 每一晚返到屋企第一件事就係開電腦, 跟住就會同個電腦談戀愛, 直到瞓為止. 星期六/日更甚, 因為有波睇, 一路睇電視, 一路玩電腦既football game, 中場時就去睇佢缸魚. 我有次串佢 "電視又係波, 電腦又係波, 駛唔駛幫你開埋 PSP 玩埋波呀", 佢淨係識得笑. 我唯有入房睇電視, 佢都有入黎望下我既, 點解佢咁得閒入黎望我? 咪就因為中場無波睇law! 不過好快 (唔夠 1 分鐘) 就出番去, 因為仲要玩電腦個波game, 問你死未 !
我初初都好嬲ga, 我問佢點解咁鍾意打機 (不論電腦 or portable), 佢就話因為返工有壓力, 佢既減壓方法就係做佢最鍾意做既野, 即係打機. 結左婚就黎 6 年, 已經慣晒. 有時佢唔打機, 我反而有 d 唔慣, 因為佢阻住我睇電視.
私人傳訊

wingwantze


男爵府

積分: 6580


11#
發表於 08-5-30 14:34 |只看該作者
我C6都係放工一番黎就即刻開電腦OR打機,食飽飯立即回位,玩到訓覺,囡又唔理,罵佢就扮野抱佢一陣間而,家都廢是理佢廢是勞氣!
私人傳訊

jazzdawn


大宅

積分: 2240


12#
發表於 08-5-30 15:07 |只看該作者
我個C6又係呀!!一返到黎錫你一下,扮同你傾兩句,之後就即刻開PS3 ON LINE打機,打既時候同佢講咩都要講3次以上,只會係"死左等返生"嗰十秒睇一睇你,之後又繼續,試過我拖地行過個電視,佢仲夠膽死話我阻住佢添呀!!
私人傳訊

janet61


洋房

積分: 297


13#
發表於 08-5-30 15:12 |只看該作者
我c6好少睇波,佢只會去踢波,踼完就同波友去食飯,果晚唔過十二點都唔會返黎,我地結左婚都五年喇,我希望自己好似你咁睇開啲
原文章由 AhHiLLmom 於 08-5-30 01:58 PM 發表
我C6都係咁, 每一晚返到屋企第一件事就係開電腦, 跟住就會同個電腦談戀愛, 直到瞓為止. 星期六/日更甚, 因為有波睇, 一路睇電視, 一路玩電腦既football game, 中場時就去睇佢缸魚. 我有次串佢 "電視又係波, 電腦又係 ...
私人傳訊

moon_elf


複式洋房

積分: 488


14#
發表於 08-5-30 15:16 |只看該作者
原文章由 AhHiLLmom 於 08-5-30 13:58 發表
我C6都係咁, 每一晚返到屋企第一件事就係開電腦, 跟住就會同個電腦談戀愛, 直到瞓為止. 星期六/日更甚, 因為有波睇, 一路睇電視, 一路玩電腦既football game, 中場時就去睇佢缸魚. 我有次串佢 "電視又係波, 電腦又係 ...


係呀係呀！當習慣咗，佢唔打機我仲唔慣，因為已經適應咗佢成日打機呢個事實，哈！有時佢唔打機果日，成日煩住晒，我仲叫佢快ｄ去打機唔煩我。
私人傳訊

ahmo313


大宅

積分: 1001


15#
發表於 08-5-30 15:49 |只看該作者
原文章由 moon_elf 於 08-5-30 03:16 PM 發表


係呀係呀！當習慣咗，佢唔打機我仲唔慣，因為已經適應咗佢成日打機呢個事實，哈！有時佢唔打機果日，成日煩住晒，我仲叫佢快ｄ去打機唔煩我。 ...


你地唔好咁貪心啦, c6係屋企打機咪好彩囉, 最驚佢走咗出街唔粘家, 仲去搵女人你地知死, 做女人隻眼開隻眼閉啦!! 你地見到c6打機個樣時係咪覺得個c6越睇越q 呢!!
私人傳訊

琳-鋒靚媽


民房

積分: 29


16#
發表於 08-5-30 17:56 |只看該作者
我老公又係咁...朝早9:00幾出去返工.夜晚12:00幾先返到...一返黎,就即刻去開部xbox360...個"羅友"坐落張sofa,就唔識郁.. 攞啤酒,肚餓整野食都係叫我...同佢講野係冇反應...我唯有入房online同人傾計...
個仔成日冇見過daddy...都會自己走埋佢度,攬攬佢 ..點知佢同個仔講 : 去媽咪度呀.. 因為佢唔想個仔攪住佢 !!!
佢返工又長時間,放左工,又只係掛住打機..放假又話攰,唔想出街..成日就留起屋企打機... 我真係覺得好無奈..所以我有咩唔開心,佢係唔會知架
私人傳訊

myrali


大宅

積分: 3415


17#
發表於 08-5-31 17:21 |只看該作者
係咪所有c6都係咁, 不過我老公現在已經好些, 以前打機可打到3:00先去sleeping, 第二朝隻眼咪好似譚校長隻哥"半夢半醒"囉, 現在好些, 反到屋企洗完澡會同個仔玩下先去打機, 如果佢唔so我, 我會自己坐在佢大脾聯絡下感情 , 反而好似好啲.
有時好睇你自己點諗, 我老公初時都係架, 放假在家唔係打機就sleeping, 無話陪下你, 因佢覺得自己在家已經係叫做陪緊你, 所以星期日放假我會同我媽咪和屋企人去食午飯(因佢實起唔到身, 無理由在家白等), 之後回家咪打比佢問佢食什麼在樓下買.
私人傳訊

小_柔


複式洋房

積分: 372


18#
發表於 08-5-31 23:04 |只看該作者
我老公又係成日打機,一放工涼未沖就去打機,我照顧小朋友已經覺得好吃力,佢仲要打機,又話幫手照顧小朋友,都係得個講字,當自己到了某個難受的程度時,我就哭過不停,因為照顧小朋友真的很辛苦,想找個老公分擔下傾下,點知對牛彈琴的機會都沒有,真的哭了.......
私人傳訊

onon1022


子爵府

積分: 12543

好媽媽勳章


19#
發表於 08-5-31 23:15 |只看該作者
其實你可以同佢講...唔係唔比佢打機...但係打遲一陣...用少少時間陪下你同小朋友...



[url=http://lilypie.com][img]
私人傳訊

happyeveryday


子爵府

積分: 12538

畀面勳章


20#
發表於 08-6-1 05:49 |只看該作者
鍾意打機無得改o架,佢地對任何嘢都無反應,重覺得你同佢講嘢阻住哂添,嬲到震以前 為左打機鬧交鬧到我都覺得煩(鬧足幾年),咪睇下有勿咁好玩o羅 ,結果我自己都鍾意埋打機 ,亦明白左點解,因為當你好投入玩緊嗰陣係完全唔覺時間過得咁快亦不能一心二用,玩嗰時重好開心好想玩落去,打天光都無問題 我可以幾個月唔玩沈迷嘅時候可以玩足幾個禮拜
講左咁多其實想話嘅係,遊戲世界有好大嘅魔力,有時佢地身不由己(唔好鬧我,可能因為我無小朋友)想老公打機時停或者傾幾句,留意佢地save嘅畫面或者叫佢地快D save(有時唔係即刻得要等陣),save左之前玩左嘅所有嘢咪可以專心聽囉,依個方法對我老公work0架
私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見