原文章由 琋琋BB 於 08-8-25 10:37 發表
mclam謝謝妳的回覆
我都好想買L字頭果隻高速煲
但係想請問果d"吱吱"聲會響幾耐架?
係唔係好大聲架?我老公唔俾我買高速煲就係因為話"吱吱"好刺耳同埋高速煲好危險喎.............
妳可唔可以俾d意見我呢?
...
"L"字頭個隻我未用過, 因為真係好貴!! 你可以去睇下示範!!
"吱吱"聲, 會係當水滾之後, 開始"噴氣", 就會有"吱吱"聲, 當聽到"吱吱"聲, 就轉用小火黎煲, 呢種聲會一路響, 直至煲好熄火, 熄火之後, (唔好即刻打開個煲蓋)個煲會進行自動放氣, 大約15-20分鐘, 放完氣之後先好打開蓋。
"吱吱"聲唔係好刺耳, 因為隻隻高速煲都唔同, 你可以去睇示範, 聽下d 聲。國產高速煲就危險, "L"字頭個隻煲出左好耐, 我見有d 媽咪都話用左成10年。我老公開頭都勁反對我買高速煲, 佢話好危險, 我冇理佢, 買左返黎之後, 教識佢用, 佢家陣成日都用, 我就差唔多日日都用黎煲湯, (老火湯都係水滾之後, 吱吱聲計45-60分鐘就煲好, 滾湯15分鐘已經攪掂), 我仲會用黎蒸年糕、蘿蔔糕、烚糭、炆豬手(炆豬手噴15分鐘夠晒), 上次老公怕唔淋, 噴左20分鐘, 成隻豬手散晒!!
基本上高速煲(唔係國產), 如果正確使用, 係好安全既。
平時煲老火湯要3個鐘, 高速煲用一個鐘就攪掂(3份1時間), 同埋佢因為開始噴就轉細火, 慳左好多煤氣。
如果你係用電磁爐, 買煲個陣要留意, 睇下電磁爐岩唔岩用!!
謀事在人,成事在天,個天先係最終揸"fit"人!!
你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。