自由講場 今日: 899 | 主題: 1303857

積分: 15067

1^#

發表於 08-8-27 16:14 |只看該作者 |倒序瀏覽 |打印

我老豆8 月頭時睇醫生, 及後去左照X-RAY 証實係肺癌, 再照左CT-SCAN 証明係第4 期, 睇過一個私家醫生, 佢過老豆的壽命係以月去計算, 叫我地做化療。今日去左 QEH 見醫生, 佢話建議佢做化療同電療, 因為上次 CT-SCAN 見到骨都有, 今天照左X-RAY 睇下其餘骨重有無, 至於個腦就9 月尾照多次, 睇下有無。而家屋企有不同聲音, 有人認為唔好做化療, 因為太辛苦, 唔想佢太辛苦, 至於我老豆都想做化療, 並在QEH 自費去做, 約7000/次, 需要做3 次再做評估是否需要再做多 3 次, 我地都知道做化療係好辛苦, 已經同兩老講定會點辛苦, 我重有D咩幫到佢? 有無D咩建議俾我? 化療其間點樣幫佢減低辛苦? 可以食D咩? 我老豆一向唔食煙, 連醫生都無睇開, 所以一睇就話係肺癌 4 期大家都好傷心, 昨晚同佢食飯慶祝60歲, 大家都有說不出的感覺。

而家我每次都陪佢睇醫生, 盡量記低晒所有野

真係說不出的傷心

0 0 0

私人傳訊

jsmleetse

大宅

積分: 2994

2^#

發表於 08-8-27 16:23 |只看該作者

我老豆在年頭也証實有肺癌, QEH 話 80幾歲不做化療, 只電左7次幫助止血, 現在一路睇廣華中醫, 都ok, 年紀大受唔到藥物化療, 只活多少就多少啦.
最重要大家唔好覺有病, 開心d.

原文章由安安於 08-8-27 16:14 發表
我老豆8 月頭時睇醫生, 及後去左照X-RAY 証實係肺癌, 再照左CT-SCAN 証明係第4 期, 睇過一個私家醫生, 佢過老豆的壽命係以月去計算, 叫我地做化療。今日去左 QEH 見醫生, 佢話建議佢做化療同電療, 因為上次 CT-SCA ...

私人傳訊

咕怪媽媽

男爵府

積分: 7836

3^#

發表於 08-8-27 16:26 |只看該作者

我老板個老豆早兩年肺癌, 切左, 依家80 幾仲好壯健 (當然冇病前咁中氣十足).

當時佢又係做左兩次化療之後太辛苦, 唔肯再去, 幾乎係要屋企人夾硬挾佢去.

當時我老板買左好多"速癒素", 見說明書介紹可幫助癌症病人減低不適. 屈人寺, 萬0, x 健坊都有得賣.

私人傳訊

jsmleetse

大宅

積分: 2994

4^#

發表於 08-8-27 16:28 |只看該作者

都有好多健康食品, 專幫助化療病人的舞茸精, 價錢貴, 我聽過講座, 有d病人食左話身體舒服.

私人傳訊

積分: 15067

5^#

發表於 08-8-27 19:06 |只看該作者

原文章由 jsmleetse 於 08-8-27 16:23 發表
我老豆在年頭也証實有肺癌, QEH 話 80幾歲不做化療, 只電左7次幫助止血, 現在一路睇廣華中醫, 都ok, 年紀大受唔到藥物化療, 只活多少就多少啦.
最重要大家唔好覺有病, 開心d.

...

我見QEH 都幾多講座,我報左星期六, 中醫都會睇, 希望幫到佢唔太辛苦, 唔辛苦就係呃佢, 我俾決定心理準備佢阿阿媽, 我老豆60歲, 而家都要博一博, 希望繼續延長佢既壽命

私人傳訊

積分: 15067

6^#

發表於 08-8-27 19:07 |只看該作者

原文章由 咕怪媽媽 於 08-8-27 16:26 發表
我老板個老豆早兩年肺癌, 切左, 依家80 幾仲好壯健 (當然冇病前咁中氣十足).

當時佢又係做左兩次化療之後太辛苦, 唔肯再去, 幾乎係要屋企人夾硬挾佢去.

當時我老板買左好多"速癒素", 見說明書介紹可幫助癌症病人減 ...

我老豆兩邊肺都有, 已經佈滿了, 不可能切.. 等我搵多D資料, 希望減佢既痛苦

私人傳訊

積分: 16818

7^#

發表於 08-8-27 20:21 |只看該作者

我奶奶77歲都係今年4月証實有肺癌, 佢係由腸癌(佢四年前已經做左手術)轉移到肺既, 我地都係在QE睇, 我地岩岩同去排左期做七次電療, 今日打左電話問應該九月可以做, 同時我地係浸大同佢睇緊中醫, 一個星期睇一七, 扲一個星期藥

我想問, 你老豆係第幾期? 佢做完電療有什麼副作用 ?

你有無租氧氣機呀 ?

原文章由 jsmleetse 於 08-8-27 16:23 發表
我老豆在年頭也証實有肺癌, QEH 話 80幾歲不做化療, 只電左7次幫助止血, 現在一路睇廣華中醫, 都ok, 年紀大受唔到藥物化療, 只活多少就多少啦.
最重要大家唔好覺有病, 開心d.

...

私人傳訊

積分: 15067

8^#

發表於 08-8-27 20:37 |只看該作者

原文章由 kennis_t 於 08-8-27 20:21 發表
我奶奶77歲都係今年4月証實有肺癌, 佢係由腸癌(佢四年前已經做左手術)轉移到肺既, 我地都係在QE睇, 我地岩岩同去排左期做七次電療, 今日打左電話問應該九月可以做, 同時我地係浸大同佢睇緊中醫, 一個星期睇一七, 扲 ...

我老豆既肺係原發性, 所以証實係肺癌, 佢係第四期, 請問你奶奶做完電療後有咩唔舒服? 我都想安排佢睇中醫, 請問你奶奶睇中醫有咩幫助? 每次睇中醫有咩葯食? 係唔係做完電療睇中醫會舒服D? 我老豆未做任何治療, 佢安排左9 月6 日做第一次

氧氣機有咩用途? 點租? 需要自己要求嗎?

私人傳訊

積分: 16818

9^#

發表於 08-8-27 20:56 |只看該作者

原發性 >> 即係由頭到未都係由肺出現 ?
我係轉移, 醫生話已經無得講係第幾期, 因為已經擴散左, 如果要講就係未期

依家一個星期去浸會睇一次中醫, 中醫會預備一個星期既藥比你番屋企, 早晚一包, 每星期八百幾蚊, 飲左好似都係咩變化, 都係成日咳, 我地安慰自己, 可能唔飲仲差呢 ?

佢依家未開始做電療, 不過已經做左設計, 未排到期, 不過佢地話係九月頭

我想問你有無印象幾時去做設計架 ? 我地係八月七日

因為我地有個親戚係醫生(普通果D), 佢建議我地租個氧氣機, 吸左透氣會順D, 部機好似空氣清新機咁大既, 另外仲有一個好似細滅火筒SIZE既用黎出街用, 租金6XX蚊一個月, 你可以問下QE既醫生, 佢寫紙比我地租既

原文章由安安於 08-8-27 20:37 發表

我老豆既肺係原發性, 所以証實係肺癌, 佢係第四期, 請問你奶奶做完電療後有咩唔舒服? 我都想安排佢睇中醫, 請問你奶奶睇中醫有咩幫助? 每次睇中醫有咩葯食? 係唔係做完電療睇中醫會舒服D? 我老豆未做任何治療 ...

私人傳訊

酸棗仁

積分: 15770

10^#

發表於 08-8-27 20:58 |只看該作者

原文章由安安於 08-8-27 20:37 發表

我老豆既肺係原發性, 所以証實係肺癌, 佢係第四期, 請問你奶奶做完電療後有咩唔舒服? 我都想安排佢睇中醫, 請問你奶奶睇中醫有咩幫助? 每次睇中醫有咩葯食? 係唔係做完電療睇中醫會舒服D? 我老豆未做任何治療 ...

中醫的確可以幫助病人在做化療時的不良症狀.

有d政府醫院, 有中醫的腫瘤科, 百二蚊一次, 包兩劑藥. 另外, 可考慮泰山功德會.

至於舞茸/雲芝/靈芝/精華等, 我就唔會買, 寧願買舞茸(20蚊都有一兩)來煲; 將d錢留翻買蟲草, 日日燉幾條食 (余仁生最幼身的, 計落每條20蚊).

以下可供參考:-
http://www.shen-nong.com/chi/exam/specialties_cancer.html

私人傳訊

積分: 15067

11^#

發表於 08-8-27 21:05 |只看該作者

原文章由 kennis_t 於 08-8-27 20:56 發表
原發性 >> 即係由頭到未都係由肺出現 ?
我係轉移, 醫生話已經無得講係第幾期, 因為已經擴散左, 如果要講就係未期

依家一個星期去浸會睇一次中醫, 中醫會預備一個星期既藥比你番屋企, 早晚一包, 每星期八百幾蚊, 飲 ...

做設計係咩黎架？　　可否告知？

原發性即係個ＣＡＮＣＥＲ　係由開始再擴散至骨，　而家最驚係已經擴散到腦，　因為呢幾日老豆話頭痛

我自己都忍唔住，　今日都喊左２　次，　我盡量係陪佢地睇醫生，　將睇完醫生既野寫一份出黎備份，　寫清楚下次見醫生時間，　要帶Ｄ咩去，　希望有用。

我有問醫生去到第四期其實係咪可以唔攪佢，　因為化療好辛苦，　唔想佢太辛苦，　但醫生係覺得應該要醫，　這點我都十分明白，　我地係界乎於唔想佢辛苦，　但唔理佢又做唔出，　好難過，　好難過

私人傳訊

積分: 15067

12^#

發表於 08-8-27 21:08 |只看該作者

原文章由 酸棗仁 於 08-8-27 20:58 發表

中醫的確可以幫助病人在做化療時的不良症狀.

有d政府醫院, 有中醫的腫瘤科, 百二蚊一次, 包兩劑藥. 另外, 可考慮泰山功德會.

至於舞茸/雲芝/靈芝/精華等, 我就唔會買, 寧願買舞茸(20蚊都有一兩)來煲; 將d錢留翻 ...

我見政府醫院既中醫平好多，　我想明天會搵多Ｄ門路，　減輕兩老的痛苦。　多謝你的網頁，　我在睇

私人傳訊

fionacat

子爵府

積分: 12372

13^#

發表於 08-8-27 21:17 |只看該作者

安安：

我媽咪雖然唔係肺癌，但佢喺7月時証實有淋巴癌，末期，又係喺QE醫。

佢而家已經做咗兩次化療，身體狀況OK，暫時冇見過佢嘔，只係在化療後一至兩星期會好倦，全身乏力；而且一CHECK到血色素唔夠就要輸血。醫生話而家D止嘔藥都好靚，所以化療嘅副作用減少咗好多。

其實如果醫生建議做，佢又想做，咁就鼓勵佢努力對抗癌病，畢竟你爸爸仲後生(60歲唔算老啊)，KEEP住心境開朗，只要食得瞓得，對佢病情好有幫助的。

你哋都要KEEP住心情，我明白剛剛知道至親有病時會好DOWN，但都要接受事實，好好照顧佢。

你哋自費$7000嘅應該係標靶藥，對病情有一定嘅幫助，咁你哋決定咗做未呀？

另外，速癒素係俾癌症病人食嘅營養粉，因為我媽咪有糖尿，所以醫生唔建議佢食。呢樣嘢據聞唔錯的。

至於應唔應該中西醫合併治療，我媽個QE醫生就唔太主張，因為佢話怕中藥會擾亂肝功能，但佢都認為打晒化療後可以食中藥，而且飲多D湯水都是好的。你可以搵吓資料，睇吓中藥喺肺癌上嘅療效。

另外，醫生應該有同你講，唔好食醃製、喺雪櫃攞出嚟嘅食物(會煮熟除外)。

私人傳訊

積分: 15067

14^#

發表於 08-8-27 21:25 |只看該作者

原文章由 fionacat 於 08-8-27 21:17 發表
安安：

我媽咪雖然唔係肺癌，但佢喺7月時証實有淋巴癌，末期，又係喺QE醫。

佢而家已經做咗兩次化療，身體狀況OK，暫時冇見過佢嘔，只係在化療後一至兩星期會好倦，全身乏力；而且一CHECK到血色素唔夠就要輸血。醫生話而家D止嘔藥都 ...

醫生都有講話而家D止嘔葯或7000蚊那種化療既副作用低好多, 但畢竟應該有心理準備. 我地決定左星期五會話俾醫生聽安排做7000蚊既自費化療

我老豆聽我講完好多辛苦既副作用, 佢都決定去做, 所以我都尊重佢。標靶葯係口服葯物, 而家首先係化療, 電療, 最後先係標靶, 標靶價錢係 HKD12K-HKD18K 左右/一個月

我今日重覆又重覆叫我媽煮新鮮又簡單的食物俾佢, 頭先問佢, 佢話明天煲皮蛋瘦肉, 我叫佢唔好再煮呢D野俾老豆食, 佢自己食都OK, 總之要魚, 新鮮的蔬果, 湯, 同多做運動。

私人傳訊

積分: 15067

15^#

發表於 08-8-27 21:26 |只看該作者

原文章由 fionacat 於 08-8-27 21:17 發表
安安：

我媽咪雖然唔係肺癌，但佢喺7月時証實有淋巴癌，末期，又係喺QE醫。

佢而家已經做咗兩次化療，身體狀況OK，暫時冇見過佢嘔，只係在化療後一至兩星期會好倦，全身乏力；而且一CHECK到血色素唔夠就要輸血。醫生話而家D止嘔藥都 ...

你有無陪媽媽去QEH 睇醫生? 今日去等左好耐, 10點幾去, 2 點幾走....

私人傳訊

d2343130

子爵府

積分: 10033

16^#

發表於 08-8-27 22:46 |只看該作者

只是多口講一句! 沒有一個西醫會同意病人去看中醫來互補不足!
如果有日佢地同你改口風, 你就要驚,因以佢地所知的已無嘢幫到你,咁你就去試吓中醫啦.....佢地意思即等死!!

我不鼓勵病人只睇西醫, 西醫的頭痛醫頭,腳痛醫腳,仲有主觀;呢D病係佢地心目中同大部份病人同家屬都認為中醫無用.....但對於要即時有效來說,中醫係比唔到你, 佢地係慢調慢理....

可惜,就算西醫對未期病人所用的方法有效都只係一時半刻,快即幾個月癌腫又會再發. 你要只找西醫醫時,你要的必定條件是病人的癌腫是可以切除再化同電,否則都係浪費時間身體同錢.....最慘是病人以為仲有救到頭來由希望轉為失望仲係無望時, 佢有的時間就好快蒸發...

如果身體心理狀況好, 去看中醫調理同以食療方向改善生活形式,香港防癌會有郭林氣功學去病者身體有幫助; 如咳血多或無力氣則要量力而為倏運動!! 不過有一點要提提的就是做了西醫的抽活細胞(針剌),可能已突破了癌腫作微形的擴散, 故西醫(尤其私家)會叫你盡快做化電療.....

化療令白血球下降, 肝同腎功能受損故必定要留24小時尿睇變化, 白血球一低過介線,療程又要改期,有時甚至打唔到; 另不要以為化療打過可以再打相同藥, 其實一開始用最新的藥如無效,之後的藥都是盡管一試當然副作用也提升!! 電療就如BBQ, 所指的範圍外4-10CM的地方都受影響, 對日後的骨痛也慘烈!!

如果我知自己有癌症而已到未期做唔到手術, 我一定唔會比西醫醫的, 因成功率只有可能10%尤其是肺癌就更低! 我就當是怕辛苦, 我不會化及電更不要口服劑來拖長存活率那一頭半個月....我會好好的生活下去, 至少要痛,好痛,非常痛,都唔要在明知醫唔到又要攞自己來辛苦之後醫生先同你講你番發,無咩計-即等死啦你!! 一場歡喜一場空之後先再痛上痛.....自己認為唔值!

勞民傷財傷心, 到頭來都要入土為安的話, 我情願將識行識走的時間去做自己可以做的事, 以我僅有的財物去留給在世的人或辦喪事,都唔會用在白費心機時機身心的地方..

呢D純個人體會, 我老爸同我哥已於今年二月先後因肺癌病逝於QE,分別享年62及41!

原文章由安安於 08-8-27 21:26 發表

你有無陪媽媽去QEH 睇醫生? 今日去等左好耐, 10點幾去, 2 點幾走....

[ 本文章最後由 d2343130 於 08-8-27 23:00 編輯 ]

私人傳訊

積分: 16818

17^#

發表於 08-8-27 22:49 |只看該作者

因為我奶奶好老喇, 唔可以做傳統既化療, 所以我地試左同佢電療先, 睇下有無反應再去做標靶, 因為佢係由腸癌轉移, 所以標靶藥頸一個月要五萬, 第二個月四萬, 好貴...

設計就係做電療前先畫定位

其實每次上去見到我奶奶好辛苦, 身體越黎越差

無人煲湯比佢飲, 佢依家好少食野, 每個星期都瘦幾磅

唔記得講, 我地同佢去浸會睇中醫係在浸會大學, 而唔係浸會醫院

原發性即係個ＣＡＮＣＥＲ　係由開始再擴散至骨，　而家最驚係已經擴散到腦，　因為呢幾日老豆話頭痛

我自己都忍唔住，　今日都喊左２　次，　我盡量係陪佢地睇醫生，　將睇完醫生既野寫一份出黎備份，　寫清楚下次見醫生時間，　要帶Ｄ咩去，　希望有用。

我有問醫生去到第四期其實係咪可以唔攪佢，　因為化療好辛苦，　唔想佢太辛苦，　但醫生係覺得應該要醫，　這點我都十分明白，　我地係界乎於唔想佢辛苦，　但唔理佢又做唔出，　好難過，　好難過

私人傳訊

d2343130

子爵府

積分: 10033

18^#

發表於 08-8-27 22:58 |只看該作者

尊重病者意願, 保持心境平靜!!

平常心, 接受你改變唔到的....

原文章由 kennis_t 於 08-8-27 22:49 發表
因為我奶奶好老喇, 唔可以做傳統既化療, 所以我地試左同佢電療先, 睇下有無反應再去做標靶, 因為佢係由腸癌轉移, 所以標靶藥頸一個月要五萬, 第二個月四萬, 好貴...

設計就係做電療前先畫定位

其實每次上去見到我 ...

私人傳訊