自由講場

跳至

首頁
12345...9

尾頁
   0


男爵府

積分: 6083


發表於 08-10-19 18:35 |顯示全部帖子
今日原本一家三口開開心心去街,飲茶時都好順利,佢好乖自己食我都覺得好欣慰(阿囡2歲7個月),之後就去咗宜家家俬行, c6自己行,我就同阿囡去兒童部玩,開頭玩得好開心,跟住開始同其他小朋友爭嘢玩,我就又探又講道又閙都係冇用(其實出門口時已同佢講明唔可以霸道,一爭嘢玩就立即返屋企),唯有話返屋企啦,跟住佢就發癲瞓落地下大聲尖叫.嚎哭 (已經玩咗成個鐘)係呢個時候我開始見到幾個家長用D好卑視眼光望住佢又望下我(真係想搵窿捐)mouth: 我就抱住佢去厠所(因佢已戎片)諗住等佢冷靜下&呵埋先返屋企,點知又再發癲 我又再次見到D卑視眼光,我想知係唔係個個小朋友都好乖,點解其他人會用D咁嘅眼光望我....我要點做呢?响屋企可以打佢,但出街可以點啊


侯爵府

積分: 22002


發表於 08-10-19 18:39 |顯示全部帖子
我想問,你同你先生係咪好寵囡囡?
之前係咪都試過好多次咁樣?
我都見過好多小朋友咁發癲,
但我唔會咁望囉,畢業小朋友扭計係唔講道理


男爵府

積分: 6946


發表於 08-10-19 18:43 |顯示全部帖子
2歲7個月已可以用說話簡單表達自己,佢ge語言發展如何?? 可以說出自己想點 或 明白你所說的意思??

因為你只提供了一個簡單的生活片段,好難講小朋友點解會咁~~~

佢有上學嗎?? 日常與人的社交如何??


水晶宮

積分: 51912


發表於 08-10-19 18:44 |顯示全部帖子
响街佢訓哂地發癲咪由得佢訓囉!等佢收哂聲至黎理佢再同佢講道理,我以前仲會直情行到去老遠頭也不回又唔望佢等我仔自己追番我求我原諒,千祈唔好扶佢或者捉走佢,如果唔係俾佢知道媽咪怕佢响街訓地,佢以後都會用呢招黎扭你計架喇!你要知道你依家係教緊自己個女,唔係虐待個女,外人D白鴿眼同說話你唔需要理會,教仔女唔係做騷俾人地睇你有幾好家教囉!所以唔好在意人地點睇你,個重點係教女,等個女奈你唔'何',俾佢知道就算佢响街點訓地點大喊大叫同扭,媽咪係唔怕亦唔怕醜既,佢自自然然唔再用呢招架喇!


男爵府

積分: 8185

BK Milk勳章 hashtag影視迷勳章


發表於 08-10-19 18:49 |顯示全部帖子
我仔上幼稚園後,有老師教就無呢D事發生,慢慢來唔好急,而當時一見佢唔聽話,都係抱佢離開現場先,要同佢獨處冷靜吓先


伯爵府

積分: 16036

好媽媽勳章 畀面勳章


發表於 08-10-19 18:51 |顯示全部帖子
我自己兩個小朋友由細到大都冇d咁嘅情況, 扭計會有, 但冇樓主小朋友咁厲害, 咁如果係街見到有小朋友係咁樣, 我都會好奇望吓....其實我真係好奇.....但在於對方眼中, 對方會覺得我係好奇眼光? 定係卑視眼光.....咁我就唔知......


大宅

積分: 2288


發表於 08-10-19 18:55 |顯示全部帖子
唔好氣餒呀, 佢地不斷在試探你底線, 你愈就佢, 佢就愈過份.
既然你講左, 扭計 霸道就要返屋企, 你就要做. 當然你要warn 佢先, 再拎佢去一個地方冷靜, 其實你都做啱架, 只不過你個女好介意人地望到佢喊, 佢落唔到台, 你咪拎佢去d 走火通道傾囉, 話比佢聽佢今日已經犯規, 現在比一次機會佢, 要佢立即收聲同say sorry to mon and dad, 做唔到就即走, 搭的士都要走 !!! 唔好比佢食住, 要比佢知道個大權係父母度, 你點扭計訓地都冇人怕你.
返到屋企或中途佢冷靜後, 你要同佢講返件事, 佢講左sorry 後, 比返個big hug佢,不過記住啊, 講左要點罰就要罰, 唔係佢就知你地耐佢唔何架喇. 小朋友好叻架, 你要想下, 佢兩歲幾咋, 現在唔要佢妥協, 佢再大d 你更加教唔到.

共勉之啊媽咪!!


水晶宮

積分: 51912


發表於 08-10-19 18:58 |顯示全部帖子
原文章由 咕b 於 08-10-19 18:51 發表
我自己兩個小朋友由細到大都冇d咁嘅情況, 扭計會有, 但冇樓主小朋友咁厲害, 咁如果係街見到有小朋友係咁樣, 我都會好奇望吓....其實我真係好奇.....但在於對方眼中, 對方會覺得我係好奇眼光? 定係卑視眼光.....咁我 ...


查實真係唔好望囉!始終d小朋友發癲扭計,個媽已經慌到嬲到想喊,再sense到俾成街人又望甚至指指點點咁,仲難堪囉!呢D真係好考亞媽EQ~始終外人唔知人地仔女本身有無問題或者因乜事而扭到咁行,所以寧願俾番個空間人地父母,可以冷靜又理性地處理仔女情緒問題...否則容乜易人地父母怕樣衰俾人望,索性一野星巴埋去直接要仔女完全收聲痛到無聲出架?所以都係唔好望亦唔好去干涉囉.人地父母見到自己仔女咁癲,已經夠哂唔開心同情緒緊張架喇.


超級版主

積分: 82932

超級版主


發表於 08-10-19 19:00 |顯示全部帖子
原文章由 ~仔仔媽咪~ 於 08-10-19 18:44 發表
响街佢訓哂地發癲咪由得佢訓囉!等佢收哂聲至黎理佢再同佢講道理,我以前仲會直情行到去老遠頭也不回又唔望佢等我仔自己追番我求我原諒,千祈唔好扶佢或者捉走佢,如果唔係俾佢知道媽咪怕佢响街訓地,佢以後都會用呢招黎 ...


100% AGREE


珍珠宮

積分: 44580


發表於 08-10-19 19:02 |顯示全部帖子
平時係屋企你地係咪經常大聲鬧佢來 stop 佢既行為 ?


侯爵府

積分: 22002


發表於 08-10-19 19:02 |顯示全部帖子
你唔怕有其他媽媽去八卦小朋友咩事,
之後就鬧你?

原文章由 ~仔仔媽咪~ 於 08-10-19 18:44 發表
响街佢訓哂地發癲咪由得佢訓囉!等佢收哂聲至黎理佢再同佢講道理,我以前仲會直情行到去老遠頭也不回又唔望佢等我仔自己追番我求我原諒,千祈唔好扶佢或者捉走佢,如果唔係俾佢知道媽咪怕佢响街訓地,佢以後都會用呢招黎 ...


子爵府

積分: 10870

好媽媽勳章 醒目開學勳章 畀面勳章


發表於 08-10-19 19:03 |顯示全部帖子
原文章由 ~仔仔媽咪~ 於 08-10-19 18:44 發表
响街佢訓哂地發癲咪由得佢訓囉!等佢收哂聲至黎理佢再同佢講道理,我以前仲會直情行到去老遠頭也不回又唔望佢等我仔自己追番我求我原諒,千祈唔好扶佢或者捉走佢,如果唔係俾佢知道媽咪怕佢响街訓地,佢以後都會用呢招黎 ...

me2 我都係 因為你愈係理佢佢只會發得更勁 由佢發完再同番佢講~~不過可惜只係我先得 到d 99 c6 我爸媽就 唉~~~~~~~~~~~~~~~~~~~~~~~~~~~~~~~~~~~~~~~~


水晶宮

積分: 51912


發表於 08-10-19 19:07 |顯示全部帖子
原文章由 bktcc 於 08-10-19 19:00 發表


100% AGREE


查實呢招係我仔個精神科醫生同心理學家教我架...我仔本身有自閉傾向,嗰時細個佢真係癲得好緊要...劑劑無故訓地,呢一秒同佢玩得好開心,下一秒佢可能因為表達唔到佢想講既野,講唔到野就好負面咁發癲喊又訓地,又好固執,講真我咁多年成日都俾人眼望望甚至走埋黎話我虐兒話我咁樣會嚇親個仔云云...跟住個精神科定心理學家都教我話,如果我仔响街訓地扭計,叫我直行直過唔好回頭望番佢,由佢自己追番我求我原諒,我嗰時真係次次都施施然但又行得好快咁行咗去,去到下一個街口轉彎角至呢埋偷睇我仔有無追黎~!初時佢好精架!邊訓地邊喊眼尾昅下亞媽有無回頭望佢,佢見我無番黎佢就自己即刻收聲,追上前搵我架喇...結果,用咗呢個方法後,我仔嗰隻訓地扭計自動消失囉...當然,佢唔訓地都會有其他招數黎挑戰我底線啦!扮跌扮要伸隻手入煲度...真係想C~~~


水晶宮

積分: 51912


發表於 08-10-19 19:11 |顯示全部帖子
原文章由 rilley 於 08-10-19 19:02 發表
你唔怕有其他媽媽去八卦小朋友咩事,
之後就鬧你?


就係有D八卦外人走黎話我囉!又話我虐兒,又話我咁樣會嚇親個仔之類...我一律都唔理,頂多遇着我真係崩潰,我會直接同佢地講我仔有自閉傾向,個方法係醫生教架囉!無計架!無理由怕人地指指點點而唔去教個仔囉!可能外人眼中我D教仔方法好另類,但我知道嗰D方法係專家教我既,而對我仔又WORK既,又做乜因為怕人地話我鬧我而唔去用呢?我會咁提醒自己囉...不過我都有撐唔住既時候,嗰時頂多咪攬住老公喊或者對住朋友同社工喊囉!喊完又無野架喇...mouth: mouth: mouth: 我係喊包黎!


禁止訪問

積分: 93097


發表於 08-10-19 19:14 |顯示全部帖子
提示: 作者被禁止或刪除 內容自動屏蔽


子爵府

積分: 10870

好媽媽勳章 醒目開學勳章 畀面勳章


發表於 08-10-19 19:15 |顯示全部帖子
原文章由 ~仔仔媽咪~ 於 08-10-19 19:11 發表


就係有D八卦外人走黎話我囉!又話我虐兒,又話我咁樣會嚇親個仔之類...我一律都唔理,頂多遇着我真係崩潰,我會直接同佢地講我仔有自閉傾向,個方法係醫生教架囉!無計架!無理由怕人地指指點點而唔去教個仔囉!可能外人眼 ...

十分同意


水晶宮

積分: 51912


發表於 08-10-19 19:16 |顯示全部帖子
原文章由 無眼睇 於 08-10-19 19:03 發表

me2 我都係 因為你愈係理佢佢只會發得更勁 由佢發完再同番佢講~~不過可惜只係我先得 到d 99 c6 我爸媽就 唉~~~~~~~~~~~~~~~~~~~~~~~~~~~~~~~~~~~~~~~~


係咁架喇!講真D老人家係肉痛D小朋友多架喇!D小朋友扭親計又喊得咁淒涼,同埋老人家多數要面子多,有時個孫嘈成咁癲成咁,多數會話咗個孫乖先,然後用盡方法去冧個孫等佢唔再大喊大叫又訓地架喇...以前我成日為呢D野同我老豆&奶奶嘈架...

至於我老公又唔會咁,但佢係無EQ,試過有次我仔又係突然當街訓地扭計喊,仲要响好多人既食肆度咁扭喊,我老公嗰次真係癲埋一份,一野捉咗我仔出街,一野除咗我仔對鞋丟埋一邊,然後唔理個仔自己好嬲咁行咗去,到我俾完飯錢出門口時,已經見住我仔無着鞋又喊得好傷心咁追住爸爸....我都係執番我仔對鞋仔然後追住呢兩仔爺咋~~!!!仲要响彌敦道...又係星期六日晚嗰D多人時段,真係全街人望住我地一家三口囉...講真,我都想喊啦...莫講話我仔同我老公(追上前見到我老公眼都紅埋唔出聲)


男爵府

積分: 8788


發表於 08-10-19 19:17 |顯示全部帖子
原文章由 boganwan 於 08-10-19 18:35 發表
今日原本一家三口開開心心去街,飲茶時都好順利,佢好乖自己食我都覺得好欣慰(阿囡2歲7個月),之後就去咗宜家家俬行, c6自己行,我就同阿囡去兒童部玩,開頭玩得好開心,跟住開始同其他小朋友爭嘢玩,我就又探又講道又閙都 ...

樓主....你有冇試過佢癲時吾理佢....
如果下次你知佢又想來時....你乜都吾好講....
一野捉左佢去冇乜人既地方先....
跟住比佢COOL DOWN
試得幾次....就會好少少....
吾好理D人既眼光...
我仔NOW3Y2個月之前...佢一想發脾氣...我會
叫佢吾好..吾聽的話...我會捉走佢....
NOW佢巳好好多....至多話我怒...吾采你...
慢慢來啦....嗰時攪到我...勁抆....同怕左佢
重好笑我媽怕我忍吾到打佢...比人影左...比人拉...
佢一見我就快想打佢時會話...好多人住我...
我話理得佢哋...未見過細路仔扭計呀...
至憎D人...係到叫D小朋友睇...你睇下XXXXXXX...
勁反感..心諗你嗰件...今次冇扭姐.....
所以我吾會理D人...佢多野講...我會咩下佢....
但至緊要都係攪掂D大哥大姐先...

[ 本文章最後由 小魚兒正正 於 08-10-19 19:22 編輯 ]
[


子爵府

積分: 10870

好媽媽勳章 醒目開學勳章 畀面勳章


發表於 08-10-19 19:19 |顯示全部帖子
原文章由 ~仔仔媽咪~ 於 08-10-19 19:16 發表


係咁架喇!講真D老人家係肉痛D小朋友多架喇!D小朋友扭親計又喊得咁淒涼,同埋老人家多數要面子多,有時個孫嘈成咁癲成咁,多數會話咗個孫乖先,然後用盡方法去冧個孫等佢唔再大喊大叫又訓地架喇...以前我成日為呢D野同 ...

哇~~~完全中晒我ga心聲~~~~


水晶宮

積分: 51912


發表於 08-10-19 19:20 |顯示全部帖子
原文章由 awah112 於 08-10-19 19:14 發表


我個大仔成日係咁

我仔都係...不過之後我都發現(查實都係專家同我講番多),小朋友咁細實玩到唔知時間架!如果仔女會係有咁既特性,寧願早少少同佢講玩埋少少(指明玩到去邊個位)就要走喇!等佢有番個心理準備,到咁上下時間就叫佢走,佢唔肯既都係同佢講道理,唔好即時掹佢走,咁突然佢實扭計喊架...好似氹雀咁氹番佢地走...亞媽成日變鵝都係呢個時候發揮作用架喇....一味重複咁講:"走喇...仔!玩夠喇....仔...(下刪廿幾次重複句子)..."

首頁
12345...9

尾頁

跳至