我經常見到大家討論泵奶既問題,好多時媽媽又會俾自己泵出來既奶量(通常係太少)嚇到,我依家餵了36個月,做左全泵30個月,相信可以給大家一點經驗參考 -
開始時 – 全埋身刺激造奶
- 開頭一定要俾BB啜,刺激造奶,除非好谷阿B又食唔晒,先好泵走D 奶
- 唔好成日諗住要知佢食左幾多安,要Feed on demand,總之一日有6條以上濕片侯OK,唔好擔心太多
- 相信自己同BB。其實開頭啜係比泵多D的,同埋BB頭一,二星期唔使食好多奶的。有好多媽媽浪費時間去泵,泵得一安半安以為自己唔夠奶,嚇死自己走去補奶粉,惡性循環從此開始 : 補奶粉 -->啜少左-->奶少左-->補奶粉
- 如果奶量真係唔夠,例如冇咩谷奶feel,可以每次埋身後再係同一邊乳房泵清(even冇奶出都照泵),咁慢慢話俾身體知唔夠食,刺激製造多D奶。(我自己就因為太谷驚死塞同發炎,每次埋身後都泵清唔打唔撞下攪到愈來愈多奶)
泵奶可維持奶量到幾時 ?
我是5個月時局住(因為工人搶住餵阿仔同埋我返工時間同阿仔起身唔夾,攪到佢食得奶樽太多)做全泵的,在奶量穩定後泵係絕對可以維持的甚至多過全埋身媽媽.................就我仔看來食人奶真係健康D,2歲幾都只試過一次支氣管炎同2-3次發燒(發燒其實唔算病,係身體同病毒打仗啫),依家返左幼兒院成個月都冇話病。身邊冇食人奶既BB都唔知病左N次了,因為咁好我先仲堅持唔食A貨(奶粉),一日泵2至3次。
不過,我勸各全泵/半泵奶媽趁BB仲細時訓練返佢多點埋身唔好做全泵奶媽 -
全泵有咩唔好 ?
- 昨日實例 :
我去同BB親戚度去夜左冇帶奶,阿仔喊住要奶奶,奶媽係樹都餵唔到佢,要趕回家飲泵奶,幾悲哀 - 其實全泵浪費了我好多親子時間, 本來埋身可以埋身Sweet sweet.........
昨日實例 :
一早掛住泵奶(30分鐘),阿仔同C6,工人一齊落街食早餐,唔等我............... - 第三,因為係在職媽媽,工人湊仔,親子時間少,阿仔"痴"工人多過痴我.............我只係"奶廠"。如果係有埋身好似其他奶媽咁就算要返工阿B俾人湊,母子bonding都好好。
- 仲有只要掌握技巧,埋身其實超方便、省時、環保、安全、新鮮呢,去街咩都唔使帶。
[ 本帖最後由 Jojolaw99 於 09-8-13 22:12 編輯 ]
[url=http://lilypie.com][img]http://lilypie.com/pic/080130/QHJc.jpg[/img