婆媳關係

跳至

首頁

尾頁
   0


珍珠宮

積分: 48082

2018母親節勳章 2018復活節勳章 開心吸收勳章 畀面勳章 hashtag影視迷勳章


發表於 09-3-9 10:41 |顯示全部帖子
幾年唻,我都發覺一件事....

每當我收工返到屋企去澡涼時,無論係返到去即刻澡,定係抖一陣9點幾10點先澡,99都會喺我開熱水爐澡涼時,喺廚房開水洗碗... 佢好早食飯架,我收工返到屋企大約都係 7 點,佢已經食飽飽睇緊電視架喇!一個星期七晚,有五晚都係咁... 成日澡涼啲水都忽冷忽熱,我唔敢直接同佢講,因為... 佢係嗰啲舊派99,就算我平心情氣同佢講,只要係佢唔啱聽,佢都會即時唔高興黑面,之後我老公返唻,就同講故仔架喇。我同老公講,老公叫我忍吓又或者再夜啲先澡,我哦多衰佬幾次,佢先同99講。但係... 只係講完之後幾日唔會再咁做,但之後又故態復萌。幾年唻講咗幾十次喇!我試過好多次冷傷風,辛苦到返唔到工,99仲要話我懶,唔願返工!

之前曾經試過忍到11點幾先澡,99見我咁夜都未去澡涼,佢10點幾11點就會洗碗。但係咁樣... 澡完涼鬼咁精神,瞓唔著覺,第二朝又要6點起身返工,搞到成日都日都唔夠瞓!

如果你哋都遇到哩啲情況,你哋會點呢??? 99得一女一仔,我姑奶又唔願同佢住,仲要搬到老遠日日都要搭船嘅地方,咁... 佢得我老公一個仔,所以... 無得唔同佢住囉!


伯爵府

積分: 16607


發表於 09-3-9 10:46 |顯示全部帖子
下次試下扮沖涼, 拎d衫褲入去, 開花灑.
如果你聽到佢洗碗, 跟住出番去睇1陣電視, 等佢洗完先沖.


大宅

積分: 3035

有「營」勳章 好媽媽勳章


發表於 09-3-9 10:48 |顯示全部帖子
咁樣囉~你等佢/c6沖涼既時候又咁做囉~佢地實出黎問做咩d水咁凍~咁你咪同佢講""我頭先去廚房洗手囉~開好細水咋喎~(*其實就扭晒去熱水果邊,凍死佢)平時我都係咁一路沖涼你一路洗碗~""
又或者你沖涼前關左通熱水去廚房果個水制,佢問做咩冇熱水你咪同佢講呢排凍,再沖忽冷忽熱既水會病



大宅

積分: 1690


發表於 09-3-9 10:53 |顯示全部帖子
點解你仲可以忍到幾年,比我就立即大叫,叫矩立即關水喉.


珍珠宮

積分: 48082

2018母親節勳章 2018復活節勳章 開心吸收勳章 畀面勳章 hashtag影視迷勳章


發表於 09-3-9 10:56 |顯示全部帖子
原帖由 123!@# 於 09-3-9 10:46 發表
下次試下扮沖涼, 拎d衫褲入去, 開花灑.
如果你聽到佢洗碗, 跟住出番去睇1陣電視, 等佢洗完先沖.

佢精甩尾呀... 佢唔係我一入去就即刻洗架,佢要過一段時間先去洗... 我無理由開花灑開咁耐,嘥水又要交多啲水費架嘛...


伯爵府

積分: 16607


發表於 09-3-9 10:59 |顯示全部帖子
原帖由 baby_chu 於 09-3-9 10:56 發表

佢精甩尾呀... 佢唔係我一入去就即刻洗架,佢要過一段時間先去洗... 我無理由開花灑開咁耐,嘥水又要交多啲水費架嘛...


咁佢係有心玩你喎.
咁通常佢洗幾耐架? 如果太長時間, 真係要同佢傾傾,
或者學其他bk媽媽講, "以其人之道, 還以其人之身" 囉.


珍珠宮

積分: 48082

2018母親節勳章 2018復活節勳章 開心吸收勳章 畀面勳章 hashtag影視迷勳章


發表於 09-3-9 11:02 |顯示全部帖子
原帖由 mi1660 於 09-3-9 10:48 發表
咁樣囉~你等佢/c6沖涼既時候又咁做囉~佢地實出黎問做咩d水咁凍~咁你咪同佢講""我頭先去廚房洗手囉~開好細水咋喎~(*其實就扭晒去熱水果邊,凍死佢)平時我都係咁一路沖涼你一路洗碗~""
又或者你沖涼前關左通熱水去廚房 ...


嗯... 我都有諗過,但係... 咁樣我都會病,99咪仲容易病囉... 佢病咗咪又係要我請假陪佢睇 e生... 好搵自己笨架!

乜有個咁嘅水制架咩??? 我一直都唔知有架,我今晚吓老公先~~~

多謝多謝~~~


大宅

積分: 3035

有「營」勳章 好媽媽勳章


發表於 09-3-9 11:04 |顯示全部帖子
原帖由 123!@# 於 09-3-9 10:59 發表


咁佢係有心玩你喎.
咁通常佢洗幾耐架? 如果太長時間, 真係要同佢傾傾,
或者學其他bk媽媽講, "以其人之道, 還以其人之身" 囉.


記得開水每5秒左右就要停,再得10零20秒度先再開,如是者來回幾次,凍到佢瓜為止.要比佢有"冰火五重天"既感覺



珍珠宮

積分: 48082

2018母親節勳章 2018復活節勳章 開心吸收勳章 畀面勳章 hashtag影視迷勳章


發表於 09-3-9 11:06 |顯示全部帖子
原帖由 pennykwan77 於 09-3-9 10:53 發表
點解你仲可以忍到幾年,比我就立即大叫,叫矩立即關水喉.


無用架... 佢會話聽唔到,『洗緊碗開緊水喉,你又喺入面開住水喉,又隔住度門,點聽到啫...』:;pppp:


大宅

積分: 3035

有「營」勳章 好媽媽勳章


發表於 09-3-9 11:07 |顯示全部帖子
原帖由 baby_chu 於 09-3-9 11:02 發表


嗯... 我都有諗過,但係... 咁樣我都會病,99咪仲容易病囉... 佢病咗咪又係要我請假陪佢睇 e生... 好搵自己笨架!

乜有個咁嘅水制架咩??? 我一直都唔知有架,我今晚吓老公先~~~

多謝多謝~~~ ...


水制要睇下你屋企有冇整啦~有既機會都係一半一半,睇你好唔好彩.
你怕佢病,我又冇叫你日日都咁玩.你間唔中整佢一次,每次玩一兩下.唔好玩咁耐咪得囉~真係針唔拮到肉唔知痛架~



珍珠宮

積分: 48082

2018母親節勳章 2018復活節勳章 開心吸收勳章 畀面勳章 hashtag影視迷勳章


發表於 09-3-9 11:10 |顯示全部帖子
佢洗碗好怪架!開水開到斷斷續續咁... 時開時閂,所以澡涼時成日都時冷時熱!

點解佢咁奇怪呢??? 一定係要我入去開熱水爐澡涼先洗碗呢???

我老公有時打趣咁同我講... 快啲 bump 個孫出唻,情況可能會有改善喎~~

自問平時都無得罪佢丫,又事事忍讓,知道佢係舊派人,我都唔敢膽同佢頂咀,廢事家嘈屋閉架啦~~~ 有時同媽咪傾計,都知道... 上一代啲人對媳婦會好克薄,我99唔知係咪以前受氣受得多,覺得99一定要係咁樣對媳婦,所以咁樣對我呢??? 咁... 我將來有機會的話,一定唔會咁樣對我個媳婦囉~~~

[ 本帖最後由 baby_chu 於 09-3-9 11:14 編輯 ]


禁止訪問

積分: 2182


發表於 09-3-9 11:16 |顯示全部帖子
提示: 作者被禁止或刪除 內容自動屏蔽


大宅

積分: 3035

有「營」勳章 好媽媽勳章


發表於 09-3-9 11:50 |顯示全部帖子
原帖由 driedpork 於 09-3-9 11:16 發表
其實使乜咁cc 宿宿喺背後唸計仔啫, 直頭大大方方臨沖涼之前大大聲問你99, "99, 你洗碗未呀? 未我就入去沖涼喇, 如果唔係一陣無熱水呀!", 如果佢要洗先, 你咪等佢洗完先入去沖囉, 如果佢唔郁, 你咪講話"咁我沖涼先喇" ...

佢有心整你既話,就算你講到明,佢都會搵洗手,洗下杯飲水or 其他野做藉口.
我99以前都係咁...自從佢個女搬返黎住,我間唔中開下水,佢個女就會嗌凍.佢就知道味道.仲有,明知係99/姑9是但一個去廚房開水,我一出到黎都淨係鬧c6,係咁鬧係咁鬧(扮野以為係c6開水).鬧到c6頂唔順,就會話唔係佢開.我就話"佢地都知我沖緊涼,點會去開水"鬧多幾次.佢就醒水.
而家佢地知我沖涼都好識做....嘿..



珍珠宮

積分: 35559


發表於 09-3-9 11:57 |顯示全部帖子
原帖由 driedpork 發表
其實使乜咁cc 宿宿喺背後唸計仔啫, 直頭大大方方臨沖涼之前大大聲問你99, "99, 你洗碗未呀? 未我就入去沖涼喇, 如果唔係一陣無熱水呀!", 如果佢要洗先, 你咪等佢洗完先入去沖囉, 如果佢唔郁, 你咪講話"咁我沖涼先喇", 最好喺你老公面前咁講, 順便等你老公睇實佢, 如果佢真係特登咁做, 咪由你老公出聲囉!



真是好一 君子之計。大方又有信實。果然不枉一讀此題。
我也學習了。謝謝!

我會改為善意叫老公提提99 如果99 轉頭又吾記得的話。
無須猜度他人之心機。有些老婦人,真是很糊塗,又小孩子的器量。所以常惹同屋人的燜。

[ 本帖最後由 858D 於 09-3-9 12:03 編輯 ]


珍珠宮

積分: 35559


發表於 09-3-9 12:13 |顯示全部帖子
原帖由 mil660 發表
我99以前都係咁...自從佢個女搬返黎住,我間唔中開下水,佢個女就會嗌凍.佢就知道味道.仲有,明知係99/姑9是但一個去廚房開水,我一出到黎都淨係鬧c6,係咁鬧係咁鬧(扮野以為係c6開水).鬧到c6頂唔順,就會話唔係佢開.我就話"佢地都知我沖緊涼,點會去開水"鬧多幾次.佢就醒水.
而家佢地知我沖涼都好識做....嘿..




這是一個好的後計,在洗澡前用 driedpork 之計。洗澡時還有開水搞到時冷時熱,出來就用 mil660 此後計。

謝謝!我也學習了。


男爵府

積分: 9783


發表於 09-3-9 12:21 |顯示全部帖子
原帖由 baby_chu 於 09-3-9 10:41 發表
幾年唻,我都發覺一件事....

每當我收工返到屋企去澡涼時,無論係返到去即刻澡,定係抖一陣9點幾10點先澡,99都會喺我開熱水爐澡涼時,喺廚房開水洗碗... 佢好早食飯架,我收工返到屋企大約都係 7 點,佢已經食飽飽睇緊電視架喇!一 ...


baby,
為佐以後唔會再冷傷風, 你洗佐碗先沖涼啦....唔好同佢一般見識啦, 你99可能唔想洗碗呢....明無 ?


洋房

積分: 54


發表於 09-3-9 12:23 |顯示全部帖子
無錯, 都係沖涼時話佢知我去沖涼, 都仲開水咪話老公開... 照話!
再唔係....真係唔想家嘈屋閉, 我幫你洗左碗先囉... 99你咪咁麻鬼煩啦.... 怕左你!


男爵府

積分: 5958


發表於 09-3-9 12:25 |顯示全部帖子
試一次佢去沖涼, 你就幫佢洗碗
等佢"嘆"一兩次
佢一定會出黎講, 做咩佢沖涼時做水
咁你咪答佢, "見佢成日做家務辛苦, 諗住幫佢做, 唔知d 水會凍架喎~~~~~
平時你都係咁洗碗架, 我沖涼時d水時冷時熱, 仲熱水爐壞壞地tim
原來關係咁架"

等佢試吓~~~~~


男爵府

積分: 6052


發表於 09-3-9 12:58 |顯示全部帖子
係呀, 等你老公知道佢阿媽d衰野。如果你99都話唔聽, 你又冷親既, 最好用枕頭狀, 我唔信你c6仲係咁幫你99。


大宅

積分: 4801


發表於 09-3-9 13:05 |顯示全部帖子
你地食飯係一齊..?
佢煮定你煮既?
咁點解又唔係你2公婆洗而係佢洗呢?

唔係多人2隻碗洗完先沖好過la.

首頁

尾頁

跳至