婆媳關係

跳至

首頁

尾頁
   0


別墅

積分: 966


發表於 09-3-9 16:44 |顯示全部帖子
我好辛苦呀!!你地俾我呻下..屈左年幾..篇野都長左d.

我識我老公果時.我奶奶已經唔在生.只有老爺.姑奶.同兩個叔仔.我同我老公拍拖唔夠兩個月就結婚.雖然無係咩大酒店擺返6.70圍.但衰衰都叫做正式註冊結婚,當晚係酒樓擺返十圍.男女家親戚+朋友.都有著下婚紗.晚裝同d親友影下相!!總算向親友有個交代.我媽咪都不至於係靜悄悄地嫁左個女出去無人知啦!!
講真..唯一最令我老公唔開心.係無特別俾禮金我媽咪.因為當初我地無打算擺酒.只打算最多兩家食餐飯!
但我媽咪話要向親友一個交代.唔緊要.都係應該既.但佢知我地無錢.媽咪好好.話人情用黎賣單.ok咁更加無問題!! 佢係人地面前話禮金唔駛特別俾.但我話晒嫁左個女出去你點都要封返一封利是俾我.但如果你係對我依個外母有心既.你以後對我個女好d或者我都唔介意你多d黎同我飲茶.. 一個媽咪做到咁. 我當時真係好感動!! 但問題亦都開始出現!!

由圍數.一開口同我老公講起碼都一百幾十圍.我食緊飯都差d噴埋出黎.(心諗:乜我地有咁多親戚咩?)當然我都無咁笨真係俾咁多圍佢.我自己私低下預過條數.訂左12圍.佢話我當佢講野死既!!
【結果: 女家十圍坐唔晒】
由餅卡.一開口係咁咦都3,400先啦.唔夠再同你地講.
我買左200張佢話咁少.點夠呀.同你講左起碼都300架啦.我同佢講.我買果時聖xx唔夠咁多張.你唔夠派出聲.我地再買啦!!
【結果: 200張都派唔晒】
主家席: 一開口預我地女家兩圍主席先啦.佢將坐位預算圖.我同我老公去左女家果圍.跟我同佢講.我應該要坐我男家果邊.佢好大聲問我點解.我唯有直說:因為係我嫁過去.佢即刻.ok無問題囉.嫁過去緊係幫返人地架啦.真係覺得好激氣.
但我地都係預一圍主家席.因為佢想預埋我d契媽契爺.阿姨.舅父.等等...佢話既長輩住主家席.但我覺得主家席應該係主人家坐.唔係代表長輩坐.我結婚時廿歲.如果講長輩.差唔多全部親戚都係.咁咪全部做埋主家席囉?
【結果: 一張岩岩好】

因為我老豆話.唔好即場拆利是賣單.借住幾萬銀俾我地.我地自己都有d.加埋賣完單.第二日先俾返佢.我果刻真係好想大聲thank佢..!! 結果..
食完飯走喇!! 我同我老公返屋企.佢地繼續去飲酒盡慶.佢週圍同人講我地擺圍既錢都係佢出.我真係好唔開心.當晚返到我屋企..我喊左好耐.你飲醉你既事.但你唔可以y曲事實.我老公好嬲.第二日即刻過返d錢俾佢.但當然佢無同人解釋返.直到今日我d親友仲以為我地結婚係老豆出錢.but not.之後結婚一星期我老公同我返去食飯.我媽咪話結婚幫我拜神等等..出左$5000 我老公俾返一萬蚊佢.再俾一萬蚊老豆.加多一句【當咩都好啦】
但直到上個月返屋企食飯. 忽然聽到我老豆問我老公記唔記爭佢錢.我真係好嬲.因為根本就無爭佢錢!! 佢話你地d利是我一封都無袋過. 係. 你地係一封都無袋過. 但都係君子約定. 我地人情賣單擺酒俾交代親友.而且都係你地提出依個做法. 今時今日你拎返黎講. 話無收過我地禮金and利是. 講真. 當初你話要依兩樣野 .我地會照俾. 但就擺唔到酒. 最後大家商量後認為擺酒好d.. 但點解我到今日會聽到.你同我老公講【女家人情好應該由我地女家代返.當時你地話無錢擺酒.我借住俾你地.但女家既人情都應該要還返俾我地?】 我地當晚借賣單的 早早就還左..者係你今日追的是人情?我真係好想問 有無攪錯 ? 當日你地講過乜野你地仲記唔記得?

最唔開心..我地連bb都有埋 都就黎出世喇!!
唔開心唔係小b 而係我知道日後仲有大把問題發生!!
我媽咪份人勁怪. 好似我結婚 我乜野都話自己攪掂..
佢唔開心同人講 女大女世界喇 咩都話唔駛我..
唉..咁調返轉 明明攪得掂都俾返d野佢做啦!!
佢又話 你老公果邊d人死架? 我嫁女咋 佢地娶新抱呀.少少表示都無!! 唉 我應該點對你好呀..媽!!!

每個阿媽都希望 個女嫁得好. 老公,老爺奶奶錫晒佢!!
我阿媽就調返轉 佢望都望我同我老公離婚.因為佢一直不滿我老公襯我唔起(我老公大我十年有多).週圍同人講佢唔識佢女"世"..
我老公個個星期都有同我返去食飯.母親節就陪我媽咪.父親節就陪我老豆.連新年做節.正日都同我屋企做完.自己屋企再後補.年初一去女家拜年..初二先返男家!!
究竟你仲想你女"世"公點你先滿意? 係咪要我離婚你就開心?

媽咪 你知唔知如果你再係咁野蠻仲要成日大吵大鬧落去..我真係會怕左你!!!我唔想有依一日呀 你知嘛..??
全世界都讚你係一個好媽媽.仆心仆命為仔女.連你都話自己係為我地而生.為我地而死.健康養大我地就係你生既職責.有你依位媽咪我真係感到好自豪.但有邊個知道.. 近依三.四年.你真係變得好恐怖.錯又唔認.又野蠻.講一套做一套.由得你.你唔知自己有錯.話你.你又話自己食鹽多過我地食米.成日話自己做左幾十年人..咁又點? 做左幾十年人就唔可以有錯嗎? 你好似d恐怖奶奶"黑"薄d新抱(我老公)咁呀!!

又話個女"世"差.又話佢對你唔好.又話佢唔陪你.又話佢點又話佢點.真係好想問返究竟你想點?日日唔返工黎陪你好唔好? 到時你又話佢無出息架啦!!
仲講明..唔準我叫我老爺做老爺.唔準我理佢.連我同佢講我老爺對我好好.叫佢放心.佢地男家唔會恰我.點知我媽咪同我講.駛咩佢咁好心對你咁好呀.佢買俾你d野掉左佢..唉!! 我真係覺得男家都算對我唔錯!! 仲好似朋友咁.. 有講有笑.. 仲想點?

到我老公有所不滿..都唔知幫邊面好..
一邊自己阿媽..一邊自己老公!! 明知自己阿媽唔岩..又唔想委屈個老公. 兩邊哄又哄唔到咁多..
好辛苦呀.. 真係好想好大聲同媽咪講 你當可憐下我啦


別墅

積分: 966


發表於 09-3-9 16:51 |顯示全部帖子
最頂唔順..我老公開頭唔知點叫我dad mum..因為佢地都係相差十幾年..開頭就笑一笑.點下頭!!
後來我媽咪投訴.我同我老公傾過.當哄下佢地.雖然我都明白你會覺得唔好意思.就細細聲淨係叫俾佢一個聽都好.跟住返屋企我老公照做.叫外父外母.我老豆就無野.我阿媽就話咁遲叫不如唔好叫.and好憎聽到佢叫外母.我老公以為佢覺得外外聲唔好聽.就跟我叫媽. 講真..我老公都話佢自己媽咪死左.都唔係好願意叫第二個做阿媽.但佢開心就算.. 點知相安無事左一排.有次有親戚問我老公點叫佢.我老豆話我老公跟我叫媽咪.點知我媽咪彈句出黎【我寧願佢唔好叫】.. 唉!!開頭咪無叫囉..你咪又有說話講..mouth:


男爵府

積分: 5959


發表於 09-3-9 17:05 |顯示全部帖子
請問你係唔係獨女呀


別墅

積分: 966


發表於 09-3-9 17:13 |顯示全部帖子
原帖由 鈍豬925 於 09-3-9 17:05 發表
請問你係唔係獨女呀


唔係呀!! 仲有個妹~


珍珠宮

積分: 41032

好媽媽勳章 大廚勳章


發表於 09-3-9 17:42 |顯示全部帖子
你ah媽同我媽有得'揮"mouth: ,後來,我同佢反左面(除左c6,仲有好多野對我好差....)現在我同我媽好小...好小見!


男爵府

積分: 5958


發表於 09-3-9 17:48 |顯示全部帖子
好彩你無兄弟, 如果唔係佢d新抱就慘囉
佢會唔會更年期呀?
如果係我, 我會少d返屋企
而且會同老公講, 佢做得好好, 係自己亞媽脾氣唔好, 可能佢覺得個女嫁得太快, 自己未有心理準備, 所以咁樣
好好安慰你老公


別墅

積分: 966


發表於 09-3-9 17:57 |顯示全部帖子
原帖由 sandy1425 於 09-3-9 17:42 發表
你ah媽同我媽有得'揮"mouth:mouth:" /> ,後來,我同佢反左面(除左c6,仲有好多野對我好差....)現在我同我媽好小...好小見!



我d隔離鄰舍..直頭讚我媽咪係模範媽媽!!
佢以前唔係咁..佢好似有雙重性格咁!!好睇心情..
我每日最少打一個電話俾佢.乜都傾得一餐..好溫馨!!
如果無打俾佢.佢又心情唔好.就話自己幾慘個點唔理佢!
個個星期返去食飯前佢都會問我地想食乜野.飲咩湯!!
真係..超級溫馨既家庭.期間有講有笑.一齊上網.睇電視.
但返少一次.佢心情唔好.就會有說話聽.又話嫁左就唔駛理阿媽.又講到自己幾慘無人無物.養大d仔女走晒!!
又話咩死左係屋企都無人..根本事實就唔係咁樣!!
如果佢差.我知要點對佢.. 佢好我更加知道要點報答佢!!
但佢一時一樣..就算我係佢肚入面條蟲 都要俾時間我適應呀..!!我唔知我幾時返去食飯 佢覺得自己好幸福.有兒有女.但唔知幾時我返去食飯.佢覺得我地俾緊麻煩佢.唔返好過返.我真係唔知應該點去對待一個超級善變的媽媽!!!
我唔想唔理佢. 雖然依家唔係佢都係咁講..
但我真係唔想要令個阿媽 養大我地d仔女真係走晒!!
留低佢一個無兒無女呀 我又覺得佢好慘..


禁止訪問

積分: 12333

好媽媽勳章


發表於 09-3-9 17:58 |顯示全部帖子
提示: 作者被禁止或刪除 內容自動屏蔽


大宅

積分: 2875


發表於 09-3-9 18:00 |顯示全部帖子
1. 禮金唔駛特別俾.但我話晒嫁左個女出去你點都要封返一封利是俾我.但如果你係對我依個外母有心既.你以後對我個女好d或者我都唔介意你多d黎同我飲茶 - 咪即要俾禮金 + 對我個女好。

2. 一開口同我老公講起碼都一百幾十圍 - 100 X $ 5000 = $ 500000.

3. 餅卡 3,400 - 派唔晒一回事

4. 女家主家席點坐看你阿爸媽決定.

5. 女家既人情都應該要還返俾我地 - 你阿爸媽已告訴你佢地要幾圍。

你媽媽係咪一開始唔like 你C6?

同你C6講佢己做得好好。

[ 本帖最後由 mamihar 於 09-3-9 18:04 編輯 ]


男爵府

積分: 5958


發表於 09-3-9 18:03 |顯示全部帖子
我覺得佢係接受唔到你嫁得咁快
好似比人搶左個女咁, 所以唔like 個女婿囉

得閒同你亞媽做吓心理輔導
話佢知, 你嫁左啫唔係唔理佢, 仲幫佢搵到半個仔黎孝順佢


別墅

積分: 966


發表於 09-3-9 18:07 |顯示全部帖子
原帖由 chaklongma 於 09-3-9 17:48 發表
好彩你無兄弟, 如果唔係佢d新抱就慘囉
佢會唔會更年期呀?
如果係我, 我會少d返屋企
而且會同老公講, 佢做得好好, 係自己亞媽脾氣唔好, 可能佢覺得個女嫁得太快, 自己未有心理準備, 所以咁樣
好好安慰你老公 ...


我有個哥哥.早十年已經係為左差唔多同一問題頂佢唔順.搬左出去.又係因為呻醋個仔好似俾人搶左咁下上啦.但有電話聯絡.都會返黎食飯.佢就成日怨我地無良心.養到我地咁大.走下一個.走下又一個.唉..
個仔都30歲喇!!雖然未結婚.但唔通仲痴住個阿媽好咩?
佢要求我嫁一個合佢心意既男人.但係我角度.個老公係我架嘛.佢對我好 佢合我心意咪ok囉! 況且佢唔係對你差而唔合你心意喎!!而係因為你"厭"我依個老公唔係你揀出黎wo..咁好難做者!!!


別墅

積分: 966


發表於 09-3-9 18:10 |顯示全部帖子
原帖由 chaklongma 於 09-3-9 18:03 發表
我覺得佢係接受唔到你嫁得咁快
好似比人搶左個女咁, 所以唔like 個女婿囉

得閒同你亞媽做吓心理輔導
話佢知, 你嫁左啫唔係唔理佢, 仲幫佢搵到半個仔黎孝順佢 ...


我老公娶我之前.同我媽咪講"外母大人 我知你會擔心我不能帶給你女兒幸福 雖然日後事情我不能保證 但我能保證我會盡一切努力給你女兒最大的幸福.你放心 我同xx結婚後你不會少了一個女兒 相反你會多半個兒子 我會一樣孝順你" 【咁記得內容.因為當然面對面send sms.原因給我媽咪一個有證據的承諾】
依家我媽咪有時都會拎返講!! 話我老公無做到..當初答應佢既事!! 我真係覺得好無奈...


別墅

積分: 966


發表於 09-3-9 18:22 |顯示全部帖子
原帖由 happy168 於 09-3-9 17:58 發表
家家有本難諗的經
你同你老公已經做得好好, 你屋企人歪曲事實啫
我都覺得你同老公講佢已經做得好好, 唔需要理佢你爸媽講咩
相信佢都知道你既夾心人係好難做 ...


雖然我應該希望我家人得到我老公尊重!!
但我都頂唔順同我老公講.如果遇到佢地無理.唔好理.聽完就算!!
好似今次錢依件事.無啦!!我老公已經應承左會還俾佢.叫我老豆遲下俾個實數佢.佢每個月當供數咁供.真係激到我死.講真.如果當時我在場(我同媽咪傾緊計)一定唔會咁.因為我家人最知我性格.我一定唔會妥協!!佢就係我老公度埋手.相反我老公叫我算.話佢都覺得直頭覺得俾人明屈.但當娶佢個女還俾佢又好咩都好..


別墅

積分: 966


發表於 09-3-9 18:24 |顯示全部帖子
唔係一開始就唔鐘意架!!
一開始仲係我媽咪同佢熟先架..後來我先慢慢同佢熟絡再拍拖結婚!!

原帖由 mamihar 於 09-3-9 18:00 發表
1. 禮金唔駛特別俾.但我話晒嫁左個女出去你點都要封返一封利是俾我.但如果你係對我依個外母有心既.你以後對我個女好d或者我都唔介意你多d黎同我飲茶 - 咪即要俾禮金 + 對我個女好。

2. 一開口同我老公講起碼都一百 ...


別墅

積分: 826


發表於 09-3-9 18:28 |顯示全部帖子
我覺得你媽應該係適應唔到你嫁出去...你拍拖兩個月唔夠就結婚,佢都無得warm up....自然就好似傻傻地咁..

我同我c6拍拖8年先結婚,但話結就半年內搞掂(唔係因為有咗,只不過係實在覺得無必要搞成年幾嘛..),我媽同佢媽都好似short咗咁,乜q都講過唔認,一時興奮過頭亂派貼(結果由請十五圍佢哋朋友變咗做請咗三十圍,我哋最後係一個朋友都無得請,因為無晒位..yeah!!!!!),一時就傷心過度話乜春物春唔捨得,又罵我們好咁早結婚、又話有毛有翼識飛,自己搞晒d嘢,唔洗佢哋幫手..(叫佢哋幫手又話乜都唔識,唔好叫佢哋搞)...強嗎?

好在我家c6係有讀心理,如果唔係結婚一役,我們會俾雙方父母搞到痴咗....

第二役係大B早幾年出世,又係失控.....光是為誰煲豬腳薑這個問題就已經搞到埋我舅父同阿E度---初時話死都唔煲(兩邊家長),咁我咪叫個FRIEND煲囉..叫咗又話我哋好唔叫佢哋煲,話唔識都要死狗幫我哋煲,兩位親家約咗出來飲茶開聲討大會,話我們不孝、唔尊重、自把自為....搞到舅父仔電我問發生咩事...我先知我們的母親又發病......

我們的結論係: 他們處於更年期,對所有新角色都會適應不良...

我們的估計係: 下次發病應該係我家娶新袍or c6家嫁女...或是我們搬屋...(我們而家與她們二人住在同一區...)

所以,朋友,睇開d....d舊式人係無適應能力的!

btw,我的處理方法係:見慣不怪,預咗會顛啦! 咁,你就會好過一點...

丫,補充一點,平時她兩老有很多時候當無諗呢d野時係非常正常的人....


珍珠宮

積分: 41032

好媽媽勳章 大廚勳章


發表於 09-3-9 18:40 |顯示全部帖子
原帖由 wahhaha 於 09-3-9 18:28 發表
我覺得你媽應該係適應唔到你嫁出去...你拍拖兩個月唔夠就結婚,佢都無得warm up....自然就好似傻傻地咁..

我同我c6拍拖8年先結婚,但話結就半年內搞掂(唔係因為有咗,只不過係實在覺得無必要搞成年幾嘛..),我媽同佢媽 ...


聲討大會....我都試過,但我立時3口6面講返事實,d 3姑6婆都無聲出...


別墅

積分: 966


發表於 09-3-9 18:43 |顯示全部帖子
係呀..近排令我諗返轉頭咁多不滿..咪就係因為薑醋囉!! 媽咪又獅子開大口.又話要預多d俾佢派.同擺幾多圍一樣.一開口又係話起碼都幾多十斤.救命呀(媽咪講明.費事俾人覺得生bb好似巴蕉閉.所以唔會叫好多人黎食薑醋)咁你仲要咁多黎做乜野呢?
問多句又俾佢鬧.到我忍唔住d脾氣.又係驚動埋d舅父仔+姨打黎問咩事..攪到阿媽要生要死!!!
初頭又嘈邊個煲.佢叫我返去坐月 佢話佢煲.ok 最緊要你鐘意.好彩未煲咋. 佢無啦啦有次話我老公果邊d人無個有用.個個都唔緊張. 薑醋都要女家煲返.ok 咁我老公話.咁我叫返我屋企人煲.shit 佢又話我依家乜都老爺就得.. ok算算算.... 忍住!!!! 兩邊都唔駛煲 我自己煲 最多生完仔返黎搬埋煲薑醋返娘家!! 唔想再有說話聽..
依家可能滿月酒都唔擺喇!! 為免同一個問題再發生. 但又覺得好對小b唔住 大人既問題連累到佢.. 唉!! 佢再咁落去..唔係佢癲係我癲喇!!

原帖由 wahhaha 於 09-3-9 18:28 發表
我覺得你媽應該係適應唔到你嫁出去...你拍拖兩個月唔夠就結婚,佢都無得warm up....自然就好似傻傻地咁..

我同我c6拍拖8年先結婚,但話結就半年內搞掂(唔係因為有咗,只不過係實在覺得無必要搞成年幾嘛..),我媽同佢媽 ...


大宅

積分: 3347


發表於 09-3-9 18:57 |顯示全部帖子
你亞媽係咪痴咗呀(唔好意思我真係忍唔住),亞媽又如何,我係你寧願唔擺酒,咩都唔搞,咪由得佢發癲囉,因為佢知道發癲有用,你會聽佢話咁做,咪得寸盡尺囉,叫翜唔好傻啦,生得個女就預咗佢會嫁人,點解有做到咁啫!~
最後想講,你老公真係好好,如果比其他男人,可能已經唔會再理你亞媽,姊妹嫁得好~
我係驅魔人媽媽


別墅

積分: 826


發表於 09-3-9 19:00 |顯示全部帖子

回覆 # 的文章

丫....算了吧,你叫她煲又死,唔叫她煲又死啦...為咗個人健康著想,ignore佢!!!

真傢! 我而家用咗呢個方法去對付兩位母親,好work..佢哋發作完就會不久回復正常的,我的經驗係--响佢哋發作期間,唔好有任何動作、反應,以免引起不必要的猜測...久而久之,佢哋就自己做佢哋自己做咗事...理得佢哋...

丫..上一胎的滿月酒,可以分享下經驗: 係如我們所料,的確係又發作的....酒一定是要擺的...但野呢,就千萬唔好叫佢哋做..佢哋想做的就會自己做咗.例如無情情你會見到麻麻的親手製作的紅雞蛋出現响每枱上面,又或者會突然見到阿婆拎住成套新衫去你家要你幫阿B著之類...响現場就拾生啦! 但一定要大大聲開大咪去多謝兩邊的老人家,話無佢哋無孫,個滿月酒係為佢哋擺之類....將佢哋有咁高抬咁高,搞到佢哋淚流滿面.然後一個星期後,她們又會回正常...因為適應不良的主因係擔心自己不再被重視嘛...咁大個B同佢哋爭寵喎...好難適應的..

擺啦,費事佢第時又話覺得個孫出世唔關佢事,乜q物q朋友無見過..講埋d咩「有仔女無父母呀」之類之類,又係煩死你呀! 重點係:比佢威!


別墅

積分: 966


發表於 09-3-9 19:07 |顯示全部帖子
原帖由 clc_ivy 於 09-3-9 18:57 發表
你亞媽係咪痴咗呀(唔好意思我真係忍唔住),亞媽又如何,我係你寧願唔擺酒,咩都唔搞,咪由得佢發癲囉,因為佢知道發癲有用,你會聽佢話咁做,咪得寸盡尺囉,叫翜唔好傻啦,生得個女就預咗佢會嫁人,點解有做到咁啫!~
最後想講, ...


我都服左我老公.明知佢超級不滿.仲可以話.算啦.算啦.算啦. 我係佢個女我都頂佢唔順呀!! 有時我都同我老公講 如果唔想你可以唔返去食飯...
自從我岩岩同另一位mama提起.薑醋既事.我阿媽因為咁要生要死.攪到我又俾其他親戚話我唔就下個阿媽.因為又攪到心情差喊左幾日呀.都唔知係咪我忍唔住同媽咪嘈交嚇親bb..跟住成晚踢我都踢唔停!!依件事我老公都嬲呀!! 但佢淨係話..唔好唔開心 你阿媽咁曳 我地罰佢兩個禮拜唔返去食飯..mouth: 岩岩過左個星期六真係無返去呀,係我老公心目中咁樣可能已經係對我媽咪無理同野蠻既一個好大的"情"罰!!
所以我知道到阿b出世佢一定又到嘈滿月酒.我同我我老公私底下已經決定左.唔擺.我地訂好一圍就約佢地黎食.如果因為咁不滿or其他..都無辦法.個bb係我地既.. 結婚已經佢話晒事.有時我都覺得當男家死既應該係我媽咪..所以bb既事我會俾我老公決定,我知佢已經受左好大委屈..
新年時.我媽咪投訴點解男家d人唔黎同佢拜年..我聽完都唔敢同返我老公講呀.

首頁

尾頁

跳至