婆媳關係

收藏本版
發帖
返回列表
跳至頁

首頁
1234

尾頁
   0
carly.c


子爵府

積分: 14434


發表於 09-3-10 10:35 |顯示全部帖子
老公本身打2份工+我1份工,生活都過到去 (供樓/屋企人/生活/養車)
但琴日, 老公其中份工俾人cut左出黎.... 收入少左
佢同我講果時, 口口聲聲話冇事, 但我睇得出佢果刻個壓力有幾大
我果時話, 仲好啦~ 你米可以多d時間部我同個女囉, 我幾驚我生果時你返緊工, 我又搵唔到你呀.,(不過其實我個心好擔心, 我冇講出黎)
因為而家我自己份工都危危乎, 之前公司已經要cut人, 不過我有亞b, 所以仲未倫到我, 上兩個星期又收到風, 下個月會開始冇薪假, 雖然我今個月開始放產假, 但好怕產假後連我都俾人cut出黎, 到時真係唔知點算..

我呢d擔心冇同老公講, 因為我知佢個壓力已經好大既啦, 仲要屋企就快加多個新成員,
琴晚佢成晚都唔係點訓到, 而我直頭係訓唔著, 個腦不停不停咁轉...但又唔知自己係度唸d乜咁

如果一個月扣除供樓/其他雜行, 得返一萬蚊左右, 夠唔夠2個大人+ 1個初生bb生活(仲有父母)..

各位媽媽~我今日個人真係好灰好灰, 可能又關琴晚冇點訓啦.. 但其實真係好累, 我地兩老婆, 學歷唔高, 收入唔多, 但都起碼話一步一步行到而家有算好少少既生活, 打算開開心心迎接我地既小生命, 但點知又發生D咁既野, 睇返個亞嫂, 佢嫁入黎我嫁入黎點解大家既命水咁唔同, 佢可以毫無壓力地生活, 專心係屋企養好自已個身子同肚內既BB, 而我呢冇咁既福份.. 佢可以安訓家中, 99主動煲好保品, 山長水遠送上佢屋企, 而我呢..冇, 佢可以選擇好既生活方式, 好既醫院..而我呢.. 自己知冇咁既能力, 最攪野係上星期屋企有人生日, 99叫大家返去食飯.. 大6亞嫂佢話...佢地去產檢, 行到佢腳痛左幾日, 唔出啦 ~ 99大為緊張, 仲叫我地唔洗返啦咁, 我聽到, 好想好想講,...我日日返工都做到條腰超痛/日日都好累都冇人同情我呀!!!
(不過自己講黎都冇用..)

而家仲要加多份壓力, 我覺得好辛苦, 而家我地兩老婆有困難啦..唉

(唔好意思..今日我個心情真係好灰, 但呢D感受我唔想俾C6知, 因為佢仲辛苦過我, )

[ 本帖最後由 carly.c 於 09-3-15 21:45 編輯 ]
私人傳訊

jacquesau


珍珠宮

積分: 35511


發表於 09-3-10 10:49 |顯示全部帖子
原帖由 carly.c 於 09-3-10 10:35 發表
如果一個月扣除供樓/其他雜行, 得返一萬蚊左右, 夠唔夠2個大人+ 1個初生bb生活..


如果你講, 淨係你老公份人工扣除供樓/其他雜行, 重有一萬蚊2個大人 + 1個初生bb 淨係食同生活日常用品, 點會唔夠呀？

如果係計埋你果份就有啲危機, 因為聽你講, 你好大機會生完bb之後被人裁出黎....

可唔可以唔好供架車呀, 慳返好多架喎....

[ 本帖最後由 jacquesau 於 09-3-10 10:53 編輯 ]
好好過每一天......
私人傳訊

kumkum1708


大宅

積分: 3137

畀面勳章


發表於 09-3-10 10:54 |顯示全部帖子
唔好諗咁多嘢啦...我諗呢度好多媽咪都擔心緊自己份工,但係又擔心得咁多咩,放鬆啲嚟迎接小b啦...至於99,我覺得最好唔期望佢會幫啲咩,我有咗咁耐,佢都係間中問吓咋,至於咩煲湯嗰啲,我從來都唔期望佢會做,所以冇失望過.
同大嫂比,更加唔好,每個人條命都唔同,去私家生b就代表佢好命嗎?亦不見得.
至於生活費,我有一個朋友,一個人養起成頭家,但只有一萬多啲,仲要供樓,養一個小朋友,咁咪一樣可以生活落去,我諗突然有啲咁o既轉變,係會令人冇咩安全感,但生活總要過,倒不如輕輕鬆鬆咁過.
原帖由 carly.c 於 09-3-10 10:35 發表
老公本身打2份工+我1份工,生活都過到去 (供樓/屋企人/生活/養車)
但琴日, 老公其中份工俾人cut左出黎.... 收入少左
佢同我講果時, 口口聲聲話冇事, 但我睇得出佢果刻個壓力有幾大
我果時話, 仲好啦~ 你米 ...
私人傳訊

christy0604


禁止發言

積分: 3097


發表於 09-3-10 10:56 |顯示全部帖子
提示: 作者被禁止或刪除 內容自動屏蔽
私人傳訊

princessash


大宅

積分: 1529


發表於 09-3-10 11:10 |顯示全部帖子
或者考慮下賣左架車先 (因為養車好貴), 其實初生bb唔使用太多錢既, 你媽咪 / 99會唔會幫你凑? 我睇你99都似係幾ok, 或者開心見誠同佢講你地而家既難處, 咁你返工後比佢凑bb, 同佢講你地會比少少家用, 第時經濟情況好d再比返多d佢 lor

至於bb既使費, 貴係尿片同奶粉 lor, 其餘都唔使用太多錢, 唔好太擔心
私人傳訊

sbandliz


大宅

積分: 2106

好媽媽勳章


發表於 09-3-10 11:13 |顯示全部帖子
你有bb, 唔好亂諗咁多嘢啦.

你要同屋企人講, 唔好屈係心到.

等99知道你同老公都需要佢既關心.

至少佢唔會再要你地養d無用既人.



Good luck, hope everything turns out ok.
私人傳訊

Ashley0605


別墅

積分: 516


發表於 09-3-10 11:13 |顯示全部帖子
馬死落地行, 只要兩公婆齊心, 咸魚青菜都可以開心過日子...

不如考慮賣左架, 慳返幾千又唔使做人地嘅免費司機, 仲要大大聲話比6家人知, 以後都唔使出$比大6so
私人傳訊

KCKmom


伯爵府

積分: 15151

hashtag影視迷勳章 醒目開學勳章 畀面勳章 環保接龍勳章 親子達人勳章


發表於 09-3-10 11:15 |顯示全部帖子
原帖由 carly.c 於 09-3-10 10:35 發表
老公本身打2份工+我1份工,生活都過到去 (供樓/屋企人/生活/養車)
但琴日, 老公其中份工俾人cut左出黎.... 收入少左
佢同我講果時, 口口聲聲話冇事, 但我睇得出佢果刻個壓力有幾大
我果時話, 仲好啦~ 你米 ...


樓主, 唔好咁擔心先啦! 如果係你比人栽埋出嚟之後都有一萬 (扣除供樓/雜項) for 一家三口, 一定夠有'突'. 你睇吓幾多人一家幾口只係搵得幾千咋! 睇開你 d post 都知道你地唔係大駛既人, 只不過搵少咗就儲蓄少咗.

你不如向好方面諗啦. 你 hubby 依家咪有多 d 時間陪你地囉. 如果萬一你產假之後真係被栽, 你咪可以專心去揍個女女囉 (不嬲都係你心願). 同埋真係可以順理成章唔駛照顧你大伯一家.

有時人比人比死人, 雖然你睇到你個 big 6 亞嫂好似生得好命咁. 但係你都知全部嘢都係你 99 比佢地架, 好話唔好聽你 99 一唔响度, 到時真係風水輪流轉. 你估你大伯仲可以比到咁多嘢佢咩? 分分鐘亞嫂都要出嚟打 2 份工呀. 同埋我相信你個小朋友一定會比個表弟/妹叻/懂事/有教養, 因為佢擁有對好好既爸爸媽媽. 最起碼你個小朋友唔會比佢既爺爺嫲嫲縱到變小野蠻. 你應該開心先係!!!

祝你地一家三口日日都笑口常開.
私人傳訊

carly.c


子爵府

積分: 14434


發表於 09-3-10 11:16 |顯示全部帖子
頭先打錯左少少, 果一萬仲未扣除雙方父母生活費..
我打算同左我媽傾左先, 可能俾少d佢, or俾唔到佢先.. (我係米好衰女), 希望亞媽唔好唔開心..
c6佢屋企果邊..每個月都有一定供款要c6供,

琴日未同c6好好傾, 因為見佢心情唔係好好, 唔想煩佢住, 亦睇得出佢唔想我擔心所以都仲係我面前有講有笑,..
私人傳訊

chaklongma


男爵府

積分: 5958


發表於 09-3-10 11:22 |顯示全部帖子
唔好要部車, 你地一定夠洗
我bb出世時, 老公都買左部車
一個月可以慳返5,6千架 (parking + 油費 + 牌費 + insurance)

仲有, 使咩再理你個大6亞嫂同99, 最緊要自己一家開心, 你咪當佢普通亞"嬋"囉

至於你公司, 生左之後幾個月, 公司都唔會cut你, 佢地唔驚你告佢咩
到bb半歲啦, 佢地就會action 喇
我自己都係咁比人栽咗出黎

總之, 而家咩都唔好理, 好好養胎
bb d 野就話無得慳啫, 唯有大人慳d
仲要同你99佢地講, 你地收入少咗
等佢地唔好成日以為你地有成億等佢地洗呀
私人傳訊

sbandliz


大宅

積分: 2106

好媽媽勳章


發表於 09-3-10 11:24 |顯示全部帖子
原帖由 carly.c 於 09-3-10 11:16 發表
頭先打錯左少少, 果一萬仲未扣除雙方父母生活費..
我打算同左我媽傾左先, 可能俾少d佢, or俾唔到佢先.. (我係米好衰女), 希望亞媽唔好唔開心..
c6佢屋企果邊..每個月都有一定供款要c6供,

琴日未同c6好好傾, 因為見 ...


你唔係衰 - 係屋企人都會關心你地.
難關係要一齊過.

好/壞唔係用錢去計既.
私人傳訊

jacquesau


珍珠宮

積分: 35511


發表於 09-3-10 11:24 |顯示全部帖子
原帖由 christy0604 於 09-3-10 10:56 發表
加油ar~樓主

不過

扣左必要開支..一萬都夠...會唔會你地可以其他方面節流...買少d野

bb用品考慮買2手...

其實...唔會夠用

我係單親, 自己工作, 人工冇一萬, 租都去左一半,
bb仲有哮喘, 長期都病, 睇e生, 咪一 ...


其實扣除雜項供樓, 有一萬蚊, 咪兩公婆帶飯囉, 夜晚係屋企煮...

bb一個月唔計病果啲, 正常開支都係1,500到...衫可以買平啲或者睇下有無人送囉...bb仔好快大, 唔駛成日買新衫.....基金保險果啲, 無錢咪買細保額或者唔買住囉.....而且個巿又咁差.....

講真, 有啲家庭收入得一萬, 又要租樓, 又要交學費, 咪又係咁過, 點會過唔到呢！
好好過每一天......
私人傳訊

beagledog


大宅

積分: 3828


發表於 09-3-10 11:25 |顯示全部帖子
你唔好諗得太灰, d錢剩係你地family用一定夠, 唔好再幫大伯果邊任何野, 可以的話就叫老公同佢阿媽講, 因為少份工, 要減少家用比佢. 唔使唔好意思出聲, 你地寬待別人即係刻薄自己, 佢地果邊係佢地嘅事,叫你老公唔好心軟.

湊bb千萬唔好比你99湊,免得你又要比多份錢佢,以後又有說話聽,話幫左你地咁多,又要你地出大大份幫返個大伯. 你阿媽幫唔倒就寧願去育嬰園.
私人傳訊

jacquesau


珍珠宮

積分: 35511


發表於 09-3-10 11:27 |顯示全部帖子
原帖由 carly.c 於 09-3-10 11:16 發表
頭先打錯左少少, 果一萬仲未扣除雙方父母生活費..
我打算同左我媽傾左先, 可能俾少d佢, or俾唔到佢先.. (我係米好衰女), 希望亞媽唔好唔開心..
c6佢屋企果邊..每個月都有一定供款要c6供,

琴日未同c6好好傾, 因為見 ...


如果未扣除雙方家用就好唔夠啦, 一係兩邊都cut囉(公平啲嘛)...咁你老公無咗份工, 你放產假出4/5糧, 錢真係少咗喎...我真係唔信你夫家無咗你c6既供款真係開唔到飯啦, 叫你個大陸呀嫂唔好去私家生咪得囉....

原帖由 chaklongma 於 09-3-10 11:22 發表
唔好要部車, 你地一定夠洗
我bb出世時, 老公都買左部車
一個月可以慳返5,6千架 (parking + 油費 + 牌費 + insurance)

仲有, 使咩再理你個大6亞嫂同99, 最緊要自己一家開心, 你咪當佢普通亞"嬋"囉

至於你公司, 生左 ...


基本上, 放完產假, 佢已經可以即補一個月叫你走....好難告得入架.....
好好過每一天......
私人傳訊

MK2006


伯爵府

積分: 17387

醒目開學勳章


發表於 09-3-10 11:30 |顯示全部帖子
唔好咁擔心住, 船到橋頭自然直, 家下大條道理唔洗幫大伯, 直頭問返佢地幫你添(雖然冇咩可能, 串下佢地都好嘛)
bb方面, 初初每星期只需一罐奶粉同一包尿片. 衫唔洗咁多, 多數係屋企用包被包住既, 相信你唔介意用二手嘢既話, 會有bk媽媽送比你囉
私人傳訊

beagledog


大宅

積分: 3828


發表於 09-3-10 11:30 |顯示全部帖子
原帖由 carly.c 於 09-3-10 11:16 發表
c6佢屋企果邊..每個月都有一定供款要c6供,
琴日未同c6好好傾, 因為見 ...


供咩呀, 自己都唔夠使, 唔一定要繼續幫佢地供, 如果係基金保險就cut鬼左佢.

如果係供樓, 你地搬時就唔應該繼續幫佢地供,叫個大伯自己諗掂佢, 佢地供唔掂就賣左佢, 去申請公屋囉.
私人傳訊

carly.c


子爵府

積分: 14434


發表於 09-3-10 11:31 |顯示全部帖子
如果我俾人CUT埋..一萬都冇了, 因為我人工唔多 ,最慘係c6每個月要幫62供大6層樓, 有幾千蚊定左既支出, 一定要出..

c6琴日都講左, "大不了賣左部車佢", 所以我唸佢都有咁既打算了,

我個心好驚, 可能大部分原因係..我地既後備資金唔多, 之前發生太多事啦~ 幫下幫下, 所剩冇幾, 今次到自己有事..真係..連自己都未必幫到..

99果度等c6自己同佢講啦..前幾日99先又打俾我, 問我有冇d衫著唔到, 拎d過去俾亞嫂..(要我送到上門果隻 )
私人傳訊

MK2006


伯爵府

積分: 17387

醒目開學勳章


發表於 09-3-10 11:35 |顯示全部帖子
你99有冇病丫... 你直頭話佢知, 你放完產假會比人炒, 你自己都冇錢買新衫, 邊會有衫多, 叫大嫂自己買啦
原帖由 carly.c 於 09-3-10 11:31 發表
如果我俾人CUT埋..一萬都冇了, 因為我人工唔多 ,最慘係c6每個月要幫62供大6層樓, 有幾千蚊定左既支出, 一定要出..

c6琴日都講左, "大不了賣左部車佢", 所以我唸佢都有咁既打算了,

我個心好驚, 可能大部分原 ...
私人傳訊

beagledog


大宅

積分: 3828


發表於 09-3-10 11:39 |顯示全部帖子
層大6樓係你62, 咁邊個住緊, 冇人住就賣左佢. 仲有你62自己冇錢就唔好買大6樓啦, 你老公又係, 買果時點解要應承供, 你老公要醒d先得架. 可能你62有錢唔想出就叫你c6供, 所以你c6一定要將自己難處講比62知, 睇吓62有冇辦法自己搞掂層大6樓.

你99叫你咩你都你'哦'一聲就算啦, 之後當冇聽過, 唔好激自己同bb.

[ 本帖最後由 beagledog 於 09-3-10 11:40 編輯 ]
私人傳訊

KCKmom


伯爵府

積分: 15151

hashtag影視迷勳章 醒目開學勳章 畀面勳章 環保接龍勳章 親子達人勳章


發表於 09-3-10 11:43 |顯示全部帖子
原帖由 carly.c 於 09-3-10 11:16 發表
頭先打錯左少少, 果一萬仲未扣除雙方父母生活費..
我打算同左我媽傾左先, 可能俾少d佢, or俾唔到佢先.. (我係米好衰女), 希望亞媽唔好唔開心..
c6佢屋企果邊..每個月都有一定供款要c6供,

琴日未同c6好好傾, 因為見 ...


你媽媽仲有冇做嘢架? 如果有, 就算你地真係 cut 咁 d 家用比佢, 佢應該都 ok 架. 因為唔係等你舊錢開飯. 相信你媽媽都會明白, 同你地渡過呢段非常時期. 至於你 99 屋企既供款, 都係時候叫大伯接手啦. 同埋你地應該同 99 屋企講你同公司講話做到生就唔做, 點知咁啱你 hubby 又被公司栽咗出嚟. 所以你地 2 個好徬徨, 錢銀真係好 tight. 家用要 cut 不特止, 可能供款都要大伯接返手.
私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見