我個囝囝上兩個星期打針時磅過得16lbs,但佢係早產B出世時得5.5lbs,醫生話佢增長得OK但唔可以與同期BB比較,因為佢始終係早左出世。我無比BB飲fresh apple juice,我比佢飲Heniz apple juice,做左人父母就自然多左壓力,我都好多嘢擔心,真係養兒一百歲長憂九十九。
我地的BB都無機會2010讀nursery的,nursery要足兩歲先收,所以最快都要等到2011年1月做挿班生,我想比囝囝早點返nursery,咁佢可以同其他小朋友玩下,佢返了nursery,我媽咪又可以多D自己時間無咁辛苦。我個囝囝今年九月會返香港基督教服務處的‘幼兒潛能訓練課程’,我同另外七個媽咪一同自組居然中了簽,好多人都話呢個幼潛playgroup係好好架,每一期都有勁多人報名要抽簽唔係有錢就有得讀。我都為BB將來讀書做大B定細B而煩惱,但我D朋友話只要比小朋友早點上playgroup,入幼稚園時會容易適應同學嘢叻D,做細B都唔一定會蝕底喎。
你係唔係第一胎呀?我係第一胎,其實同老公都好想追多個女。