吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 燥到爆!!小產後亞未來奶奶仲要講d我聽左好難受既說話 ...

婆媳關係今日: 0|主題: 27693

收藏本版

發帖

返回列表

跳至頁

查看: 5460 | 回覆: 30

燥到爆!!小產後亞未來奶奶仲要講d我聽左好難受既說話 [複製鏈接]

doudoutsang

大宅

積分: 1068

1^#

發表於 09-8-6 07:07 |只看該作者 |倒序瀏覽 |打印

其實我同男友一齊左8年,同居左6,7年,一直都同埋佢屋企人住既
雖然佢mami係d好古板既人,但咁多年黎,佢mami都幾錫我既,
事緣係咁既~
係上個月我已經有左三個月bb,
但十五號個日小產,冇左個bb

我住左幾日醫院之後返到去個日,夜晚佢mami放左工返黎一見我就同我唔好意思,
話我住左幾日醫院都冇黎探我,咁我都明白既,
同埋我都冇介意過有冇人去醫院探我,我覺得只要男友有黎已經夠嫁啦~
跟住我咪話唔緊要啦~你要返工呀ma,撞唔岩冇假冇計啦~
跟住佢就捉左我入廚房,關埋門同我講
依家咁樣冇左bb咪仲好,
正正經經草幾件錢結婚先再生仔啦
你唔好以前生仔咁容易呀,生出黎又要養又要教
如果你依家咁樣生左仔先結婚,人地會睇你唔起嫁
好似我咁結左婚先,生bb,人地個個都會比面你
你呀~唔好學埋個d死o靚好咁呀
諗住人仔細細生左個仔,嫁左人就可以唔洗做呀
學埋個d人冇用嫁

我聽完勁嬲,哦完一聲應左佢就即刻走返入房關門
係房到望住我男友既時候真係好想同佢講!!!!!
但個個始終係佢亞媽,我又唔係佢老婆,憑咩出聲呀?!
所以都係冇同佢講......剩係自己係到嬲!!!!

佢亞媽真係唔知諗乜嫁!!!!
乜野叫做以為生左個仔就可以唔洗做呀?!
冇左個bb係件好事?!佢緊係咁講啦!!!!個bb唔係佢個肚到,係我個肚到呀ma!!!!!
講到我好似洗哂佢個仔d錢咁!!!!
你以為你個仔係邊個呀?!你以為你地係大戶人家呀?!
我有左呢幾個月黎所有錢我都係用自己嫁!!!!!
無錯你個仔幾個月前係有小小錢,但已經比佢輸凸啦!!!
依家仲差緊人地錢,你又知唔知呀?!
講到你個仔d錢好似比我洗哂咁!!!!

我覺得佢講埋d咁既野完全係冇腦嫁囉~
的確我未嫁比佢個仔,未結婚先產子係反傳統,
但乜野叫做人地睇你唔起呀?!
我唔想結左婚先嫁咩?!
你唔諗下你自己個仔,有冇咁多錢聚我過門?!
依家我唔計較呢d野,肯生個bb出黎跟係地姓嫁!你同我講d咁既野?!

其實可能係你地眼中係好小事一件,但在我眼中冇左個bb,已經好唔開心嫁啦,仲要聽埋呢d瘋人瘋語,最激氣既係我唔出得聲,唔同得人講!!!!
第1我唔想同男友講完會影響到佢同佢mami既感情,
第2我同我屋企人講,佢地會以為我比人刻薄,之後見到我男友既話,會令到我男友好難做人
第3冇朋友好似我咁有類似呢d婆媳問題,講左佢地都唔會明......
所以係到借個位黎比我出下氣..........

0 1 0

私人傳訊

hanbb

伯爵府

積分: 16230

2^#

發表於 09-8-6 07:52 |只看該作者

明白你失去bb的傷痛, 好好保重身體.....

不過呢, 如果單看你未來奶奶的說話, 老實講, 我唔覺得佢真係叫俾說話你聽, 或者差, 相反, 我真係覺得佢都係想你好, 你唔啱聽, 覺得唔開心, 最大問題係這番說話在你一小產就同你講, 如果等多幾個月, 你身體好些, 心情慢慢平伏下來, 佢再同你講同一番說話, 你可能唔會咁嬲,
所以如果話錯, 係你未來奶奶在唔太適當的時間, 唔先安慰下你, 等你心情好d 先講. 係timing 唔好.

1) 任何長輩級, 阿媽, 99 等, 都好難贊成有左bb 先結婚, 發生左就無辦法, 如果有得棟, 佢地一定想係先結婚, 再生bb, 佢地真係覺得未婚生仔係會俾人睇唔起, 佢唔想你俾人睇唔起, 都係為你好

你諗下, 如果經濟可以, 你都想結左婚先生啦, 咁何況係佢呢??

2) 你地係咪經濟上的麻麻地?? 佢叫你
正正經經草幾件錢結婚先再生仔啦
你唔好以前生仔咁容易呀,生出黎又要養又要教
我覺得都係講事實咋, 結婚都仲可以大有大搞, 細有細搞, 簽個名咩都唔搞都得, 生bb 就真係$$$$$$$$$$, 而且要教要養, 你兩個自己都未搞掂, 咁bb 點算?????

3)唉,
你呀~唔好學埋個d死o靚好咁呀
諗住人仔細細生左個仔,嫁左人就可以唔洗做呀
學埋個d人冇用嫁

如果係自己阿媽的話, 我相信都會係咁諗, 我媽由細到大都教我一定要工作, 要靠自己, 靠男人係靠唔住, 靠男人又受氣又不討好, 無經濟又無退路.......可以的話梗係自己有份工好啦, 你睇在職媽媽那邊幾多媽媽頂硬上呀, 唔係全職媽媽唔好, 係有幾多個男人可以讓你好安心做全職媽??
我估佢都知自己個仔無錢無本事, 點養你一家3口????
佢咁講都唔係無道理架.

樓主, 我估你地真係年輕又無咩錢, 佢咁諗其實係好正常,
你可以和她住左咁耐, 你亦話佢一直對你幾好.
你再想想, 你有左這三個月佢有無對你差???
如果真係衰奶奶, 你一有左就應該俾說話你地聽啦, 或者迫你地走, 因為分分鐘你生完仔要佢幫手湊架麻........

唔好因為幾句說話就推番哂以前人地對你的好, 你睇耐d 啦,
如果佢真係衰, 唔會只得這幾句說話咁少囉.

anyway, 保重身體, 多多休息先啦.

[ 本帖最後由 hanbb 於 09-8-6 07:57 編輯 ]

私人傳訊

doudoutsang

大宅

積分: 1068

3^#

發表於 09-8-6 08:25 |只看該作者

hanbb**
其實之前我同男友既雙方屋企人都唔知我有左bb~
我地既屋企人都係係我小產後先知道件事

而我唔係推翻男友mami以前既好~
相反把我同男友兩個亞哥既兩位老婆相比,男友mami叫做對我好好tim~

佢對我講d咁既說話,我聽落係覺得佢覺得我洗哂佢個仔d錢~
但呢個根本唔係事實~如果我係洗佢個仔d錢既話,我聽到呢d說話我會心甘情願囉

的確我依家係冇做野,係因為之前已經作小產
而當初我就係為左想安胎先唔做野,留係屋企休養
當然我都知道生bb要用好多錢,我都有計過我唔做野呢一年會點先行呢一步啦~
同埋我從來冇諗過要等佢個仔養囉~我都係打算生完會出黎做野既,自己出黎返工搵多份錢,就可以留多份錢比bb,我係咁諗囉
生得bb,自己有能力搵錢既緊係想比最好既野自己d仔女嫁啦~

我嬲係覺得佢唔知頭唔知路就周黎話我~
佢令我覺得自己好似呃左佢個仔幾十萬咁,
我激氣係我唔出聲,明明有d野唔係好似佢講咁既,聽完佢講,我都要好似做錯野咁應佢......

我知道人與人相處係唔會100%合拍,一定會有小問題發生....
但我唔明點解佢要講呢d野黎傷害我~
呢d說話佢大可以同佢個仔講~
唔需要捉我入廚房關埋門講,而唔比佢個仔聽得

[ 本帖最後由 doudoutsang 於 09-8-6 08:42 編輯 ]

私人傳訊

ctwy0.0

別墅

積分: 809

4^#

發表於 09-8-6 08:53 |只看該作者

原帖由 doudoutsang 於 09-8-6 08:25 發表
hanbb**
其實之前我同男友既雙方屋企人都唔知我有左bb~
我地既屋企人都係係我小產後先知道件事

而我唔係推翻男友mami以前既好~
相反把我同男友兩個亞哥既兩位老婆相比,男友mami叫做對我好好tim~

佢對我講d咁既說話 ...

我睇完之後都覺得其實你未來99對你唔錯, 佢無講錯架, 雖然呢個年代有左先結婚係好普遍, 但真係唔係有幾多個長輩會接受. 而你自己都識講啦, 小産左屋企人先知, 好多時候誤會出現就係因為溝通不足, 其實你未來99都係苦心婆心架啫, 佢既出發點都係想你好, 唔好唔開心啦, 小心身子呀!!

私人傳訊

boobecky

伯爵府

積分: 17328

畀面勳章

5^#

發表於 09-8-6 09:16 |只看該作者

原帖由 doudoutsang 於 09-8-6 08:25 發表
hanbb**
其實之前我同男友既雙方屋企人都唔知我有左bb~
我地既屋企人都係係我小產後先知道件事

而我唔係推翻男友mami以前既好~
相反把我同男友兩個亞哥既兩位老婆相比,男友mami叫做對我好好tim~

佢對我講d咁既說話 ...

我反而覺得,你bf mami係真的當你自己人先關埋房門同你傾, 始終大家女人, 有d野, 同男人講都唔明, 同埋佢覺得你都係半個新抱, 應該會點醒埋佢自己個仔掛
anyway,我都覺你bf mami係你啱啱小產時就講呢d野係佢唔啱, 係都應該婉轉d, 遲少少等你康復先傾呢d人生大事
至於佢在唔清楚你地經濟狀況而叫你一定要做野唔好靠佢個仔, 我就覺得, 你地都無同佢溝通過, 佢又點會知佢個仔咁大駛反而你先生性呢? 好多野要雙方好好溝通, 既然, 你都覺其實咁多年佢對你好, 又何必嬲佢呢?

[ 本帖最後由 boobecky 於 09-8-6 09:17 編輯 ]

私人傳訊

月師奶

大宅

積分: 3763

6^#

發表於 09-8-6 10:06 |只看該作者

我自己都小產過, 好明白你心情既, 怪只怪你未來99唔識講野啫, 唔應該係你剛出院返屋企就同你講呢d"安慰"說話, 就好似我d朋友咁, 知道我小產後就同我講一大堆, 唔生咪仲好, 你估生左出來唔洗養云云呢d說話, 對我來講都係好礙耳的, 佢地以為咁講係想令我地睇開d, 但唔明白我地那種傷痛囉..........

不過你唔好再怪佢啦, 老人家唔知點安慰你啫, 你好好養身子, 知道嗎?

私人傳訊

鑰匙

大宅

積分: 2424

7^#

發表於 09-8-6 10:14 |只看該作者

樓主, 你奶奶同你講既說話好像"媽媽對自己女兒"講的說話, 佢真係為你好, 佢講得無錯bor~d說話都係安慰你o者, 你咁諗佢...唉~做人奶奶真係難做.

[ 本帖最後由鑰匙於 09-8-6 10:15 編輯 ]

私人傳訊

鑰匙

大宅

積分: 2424

8^#

發表於 09-8-6 10:19 |只看該作者

同埋你未結婚就住左人地屋企咁耐, 佢唔鬧你咪算好囉. 我本人真係好唔鐘意d人未結婚就大搖大擺住o係人地屋企, 你可以話呢d事好平常, 但你諗下, 你以咩身份住人地屋企先, 計起上黎, 你只不過係一個真真正正的外人.

私人傳訊

奀b豬媽咪

男爵府

積分: 6086

好媽媽勳章

9^#

發表於 09-8-6 10:19 |只看該作者

我覺得你未來99其實對你唔錯架,不過佢係d唔岩時候講d唔岩既野,好老實,依家好多人都係有左bb先結婚,雖然係多左,始終都有人覺得唔係咁好,都會有人講
我未同我老公結婚之前,我同我62講過,不如我地生左bb先結婚,因為個時太99,同太62身體都重ok,我地想佢地睇到個(真)孫出世,當我62聽到之後,佢好大反應話,你地千期唔攪d咁既野呀,有d咩事,結左婚先講,我都估唔到佢會咁講架,因為一路佢都好開通,我地同居,佢都冇意見,對我都好好,之後到我地結左婚,就同我地講,講下你地生幾多個,會唔會多過我地,(我62,99有4個小朋友),之後好快我就有左bb,佢地都好開心~
所以我覺得你未來99係錫你既,之不過可能係佢講野唔係好似表達,佢咁講其實都係想你地好,如果佢真係要比野你聽,佢大可以係一家人面前大大聲講,唔使關埋門先同你講
樓主,唔好諗咁多,養好身子,儲多d錢,同你bf結婚,再生個肥肥白白既bb~

奀b仔9月16日出世啦~

私人傳訊

KATRINE

子爵府

積分: 11902

10^#

發表於 09-8-6 10:40 |只看該作者

我覺得你９９講得對ｗｏｒ只不過唔係呢個時候講ｏｒ佢唔懂婉轉喲講姐
你住咗人哋屋企６－７年點解唔ｓａｖｅ錢搬ｏｒ結婚呢，若因經濟問題你生ｂｂ出來唸住搵工咁ｂｂ又點呢，請工人都要錢啦．
講真我唔知你有無俾錢你未來９９，但我好唔ｌｉｋｅ喲女仔住係人哋屋企阻住曬

私人傳訊

boobecky

伯爵府

積分: 17328

畀面勳章

11^#

發表於 09-8-6 11:06 |只看該作者

原帖由鑰匙於 09-8-6 10:19 發表
同埋你未結婚就住左人地屋企咁耐, 佢唔鬧你咪算好囉. 我本人真係好唔鐘意d人未結婚就大搖大擺住o係人地屋企, 你可以話呢d事好平常, 但你諗下, 你以咩身份住人地屋企先, 計起上黎, 你只不過係一個真真正正的外人. ...

give me 5 la
你同我一樣,都好唔鍾意d人未結緍係男朋友屋企到住
自己無屋企咩?乜唔係做女仲開心咩?
我就同老公結緍先一齊住,平時都唔會過夜嗰d架
因為感覺好d

私人傳訊

naviegirl

男爵府

積分: 7509

12^#

發表於 09-8-6 11:21 |只看該作者

原帖由 KATRINE 於 09-8-6 10:40 發表
我覺得你９９講得對ｗｏｒ只不過唔係呢個時候講ｏｒ佢唔懂婉轉喲講姐
你住咗人哋屋企６－７年點解唔ｓａｖｅ錢搬ｏｒ結婚呢，若因經濟問題你生ｂｂ出來唸住搵工咁ｂｂ又點呢，請工人都要錢啦．
講真我唔知你有無俾錢你未來９９，但我好唔ｌｉｋｅ喲女仔住係人哋屋企阻住曬 ...

Agree with KATRINE!

樓主話 ...

你唔諗下你自己個仔,有冇咁多錢聚我過門?!
依家我唔計較呢d野,肯生個bb出黎跟係地姓嫁!你同我講d咁既野?!

不過結婚同生bb係你同bf兩個人既決定&責任, 我諗你99之前無要求你生ma?

私人傳訊

shannnb

水晶宮

積分: 59158

13^#

發表於 09-8-6 11:25 |只看該作者

保重身體啦! 補番下先啦~

我諗可能未來99佢心直口快, 如果佢平時唔係咁衰既人 , 可能佢係想安慰你bb冇再唔好傷心姐, 但係講出黎變左另一個意思姐...

身體緊要啦, 唔好亂諗野...祝福你

私人傳訊

siufung

子爵府

積分: 13005

14^#

發表於 09-8-6 11:40 |只看該作者

樓主99直情真係當你係自己女咁...
佢講野係苦口婆心, 忠言逆耳....

你只要細心想想, 你會發覺呢個老人家, 真係真心對你好:
1) 咁多年以來, 你地相處都冇乜大問題, 仲話佢都幾錫你。淨係呢樣佢已經極好人啦!! 自己阿媽都未必6,7年朝晚相對都咁好相與啦.....
2) 無名無份住0係佢屋企, 老人家好"罩忌", 出出入入點同人交待, 呢位係邊位? 新抱又未係, 阿囝女友又講唔出, 怕人以為你係唔正經女仔。佢上一代0既人較傳統, 接受你0係佢屋企住足咁多年都冇單單打打, 已經係對你極為專重同愛錫....係真心當你係新抱一樣
你諗下, 生埋個b, 又住0係佢度, 正規黎講你同阿b都未係佢家0既人.... 老人家唔係咁中意咁0架...
3) 佢話而家冇左仲好.... 對於一個0岩0岩失去bb 0既人呢句係傷左0的.... 但係你諗深一層, 佢咁講可能係另一種方式0既安慰。意思唔想你諗得太多, 今次當係天意, 下次可以計畫好0的先再諗生bb....
如果佢真係黑心0既, 就唔會因為黎唔到探你而感到唔好意思啦.....
你都唔知, 呢度有大把99, 衰到貼晒地.... 一聽你果位, 真係算係咁喇....
4) 勸你地結婚先... 實在好正路。上一代0既人個個都想仔女正經拍拖再結婚, 結左婚再生bb.... 條路係正規0既路。將心比己, 你而家有個女, 你都一定想佢係咁....
而且你話要儲夠錢至娶到你.... 講真, 結婚豐儉由人, 簽個字食餐飯開開心心, 使你幾千銀, 但就有名有實做人新抱..... 總好過不了期0係99度住住先, 等佢個囝儲夠錢先...
5) 叫你結左先生.... 唔想你做未婚媽媽, 保障你同bb, 注重你入門0既名份.... 咁係專重...
衰0的講句, 你地未結婚, 個b 係叫"私生子", 咁點解唔結左先呢?? 佢講係有道理0架, 雖然你或者唔介意人地點睇, 但你99就唔想人地講你, 睇唔起你.... 一來佢都要顧全一家人面子, 另一方面佢真係肉赤你要背負呢0的污名....
6) 叫你省錢, 唔係想話你使晒佢囝0的錢... 係苦口婆心, 想你地好,早日正經成家姐... 呢0的說話自己阿媽都會講...

你唔好唔開心諗埋一面喇..... 其實你99真係對你唔錯... 好好休養番身子先.... 生bb 以後大把機會... 下次一定有個健康可愛0既bb

[ 本帖最後由 siufung 於 09-8-6 11:42 編輯 ]

私人傳訊

glory911

大宅

積分: 1550

15^#

發表於 09-8-6 11:48 |只看該作者

你唔諗下你自己個仔,有冇咁多錢聚我過門?!
依家我唔計較呢d野,肯生個bb出黎跟係地姓嫁!你同我講d咁既野?!
.......................................................
所以你99米叫你哋儲幾年錢先囉。你99都想你嫁得好好睇睇，唔洗比人講閒話嗟。

私人傳訊

irene_the_pooh

伯爵府

積分: 15328

16^#

發表於 09-8-6 11:59 |只看該作者

原帖由 doudoutsang 於 09-8-6 08:25 發表
我嬲係覺得佢唔知頭唔知路就周黎話我~ 咁你地兩個有冇試過講個真相佢知呢？如果冇，佢「唔知頭唔知路」係正常架喎！你唔講呢件事出黎，我地都「唔知頭唔知路」啦！
佢令我覺得自己好似呃左佢個仔幾十萬咁,
我激氣係我唔出聲,明明有d野唔係好似佢講咁既,聽完佢講,我都要好似做錯野咁應佢......佢對你既態度其實真係好好：有阿媽既坦白，但亦有99既客氣。佢拉你去廚房關上門講，真係做到只得你兩個既環境，咁起碼冇咁尷尬。我唔知你幾多歲，但聽你未來99既說話，佢似乎係一個明事理既人，佢實在都只係講個實情比你聽。至於你話「聽完佢講，我都要好似做錯野咁應佢」，咁點解你又唔講番個實情佢聽呢？我估你可能亦有自己苦衷，又或者已經太嬲所以咩都唔想講。但咁咪就溝通唔到囉！

我知道人與人相處係唔會100%合拍,一定會有小問題發生....你講得好o岩，呢d真係好小既問題，相比起佢對你好左6、7年，一句小小既說話，真係好小事。如果你睇多d我地其他點比99對待，你真係已經還得神落！
但我唔明點解佢要講呢d野黎傷害我~
呢d說話佢大可以同佢個仔講~
唔需要捉我入廚房關埋門講,而唔比佢個仔聽得

私人傳訊

phoebe_sm

複式洋房

積分: 132

17^#

發表於 09-8-6 12:45 |只看該作者

佢都可能係想你唔好唔開心, 不過佢用錯左開解既方法 / 說話方式出左問題啫

況且, 如果佢唔係錫你, 佢冇必要同你講呢d說話, 將心比已, 我都唔會希望我個女有左先結婚.

我媽當初都一樣係咁同我講 (我都係有左先嫁)

私人傳訊

kitmantsoi

大宅

積分: 3599

18^#

發表於 09-8-6 12:50 |只看該作者

我同我C6拍咗11年拖, 同居咗五年先結婚.
結婚一星期後發現有左B, 我超開心cos我結婚就係為生B. 點知我阿B出世後隻99居然話我"唔係有左個仔點会結婚, 未婚生仔, 意外有左唔生唔得..." 我有早左一個月隻99到今時今日都有說話比我聽呀! D三姑六婆真係会有說話講gar, 其實你末來99都係對你好先甘講, 要比說話你聽, 再難聽多百倍都得!
plus你未來99講既野有point!

私人傳訊