自由講場今日: 3319|主題: 1298891

收藏本版

發帖

返回列表

跳至頁

查看: 14156 | 回覆: 36

藝訓班同學潘宏彬　劉華密友親述 28年同性關係

silence

別墅

積分: 792

好媽媽勳章

發表於 09-9-2 02:47 |顯示全部帖子

賭城爆婚停不了，最新有 43歲關淑怡被踢爆早於參加新秀前一年， 85年 19歲仍未當歌手的她已為人妻，嫁給葉姓男子（ Yip Arthur Allen）。

結婚乃人生大事本飲得杯落，但 48歲劉德華上週被揭與朱麗倩去年在賭城註冊，收埋 24年的秘密見光，被迫認妻卻令他陷入苦惱。一直與劉華扯上關係的，除了朱麗倩和抽足天王廿多年水的過氣情人俞可欣外，其實還有一個，正是早年與劉華同性緋聞傳足多年，卻在 98年突然在劉華身邊消失的潘宏彬。

連劉華都話：「最遺憾失去」聯絡的潘宏彬，本刊發現他一心為過新生活，轉行做地產經紀避開昔日「好兄弟」， 11年來首次接受傳媒訪問，現已禿光頭挺住大肚腩的 47歲潘宏彬，親身剖白與劉華「斷交」內情：「（唔搵佢）有咩好遺憾？」直接問他與劉華同性戀傳聞，潘宏彬答得玄：「我點答你呀？」

私人傳訊

silence

別墅

積分: 792

好媽媽勳章

發表於 09-9-2 02:48 |顯示全部帖子

48歲劉華 fit到漏， 47歲走晒樣潘宏彬近年一直在港島區任地產經紀，凸腩光頭的他、每日收工後閒逛街坊家品店、金魚街，住在月租七千的新界村屋。

02年劉華曾在訪問中表示：「潘宏彬呢個人係奇人， 98年突然之間消失咗，搵都搵唔返，保唔到呢段友情我好遺憾！」潘宏彬在劉華心目中地位，可見一斑。

私人傳訊

silence

別墅

積分: 792

好媽媽勳章

發表於 09-9-2 02:49 |顯示全部帖子

潘宏彬早在 84年接受《香港周刊》訪問亦表示，確實曾與劉華半同居：「我屋企住新界，劉德華屋企住得近公司（廣播道），所以我成日住在劉德華屋企。有一次我同朋友玩到凌晨 4、 5點，華仔早已睡，他卻放了一張字條說：『我很倦，等不及你們回來就睡，我弄好西多士你們慢慢吃吧！』我看着那份西多士，心中的溫暖與滿足難以形容！」

劉華甚至 86年發毒誓否認同性戀：「如果我同潘宏彬搞基，就 7年內愛滋病發死！」早年劉華性向有很多謠傳，有傳 96年劉華與張國榮到上海拍《新上海灘》時，據當年有份拍攝的人憶述，劉華在現場不時對身邊的上海猛男另眼相看，有次連張國榮亦忍不住窒他：「你望夠未呀？」

上週四（上月 30日），本刊獨家訪問潘宏彬，對昔日傳聞答得很玄。

潘：潘宏彬　 F：《 FACE》
潘：唔好影我！我已經匿埋好耐啦！
F：點解要匿埋？
潘：想過吓啲新生活！
F：華仔話 98年同你失去聯絡，好遺憾！
潘：有咩好遺憾？朋友嚟 o架！朋友係唔係日日都要見 o架？絕對冇遺憾！一生為師，終生都係師，一日朋友，就終生係朋友。四海兄弟裏面，大家都係朋友 o架嘛！人，一定要有朋友。
F：但傳過你哋兩個係同性密友。
潘：我老豆姓潘，我老母又姓潘，加埋生咗我出嚟，我又係姓潘，咁你明唔明我講咩？
F：唔係好明……
潘：百家姓裏邊一定有 o架！一個姓張，一個姓王……
F：有傳劉德華買過物業畀你，資助你生活喎！
潘：傳呀嘛！我家做經紀 o架！曾經吳君如又傳過！張國榮同陳百強都死咗，想傳都傳唔到啦！我已經唔係呢個圈嘅人，傳咩都唔關我事！

81年，潘宏彬與劉華在第 10屆訓練班結識，結為好友。

'83　 28年前一齊出道， 83年劉華與潘宏彬（右）齊齊合演電影《毀滅號地車》時，一樣青春靚仔。

潘宏彬當年青靚白淨，際遇卻不佳，他也曾說：「雖然慢過華仔起步，卻不代表我只能站在同一個框框裏。」果然他現在跳出框框做經紀。

'91　劉華爆紅，潘宏彬則半紅不黑， 91年自組公司開戲《 91神鵰俠侶》，亦有預角色畀老友。

96年，往台灣發展拍劇的潘宏彬，任劉華《倒轉地球演唱會》，證明情不變。

97年，退居幕後的潘宏彬常陪伴劉華打保齡、工作， 02年劉華才自爆 98年後與潘失去聯絡。

F：劉德華終於承認咗朱麗倩，替唔替佢開心？
潘：唔……係喜事梗係值得開心，唔開心，爸爸媽媽有咩事，咪唔開心囉。
F：係唔係你同劉德華一齊去大馬時介紹朱麗倩畀佢識？
潘：唔知！呢樣嘢我真係唔知！
F：有冇同朱麗倩食過飯？
潘：人生梗係要返工、出糧、食飯、瞓覺 o架啦！你哋都係 o架！同佢一齊食飯，梗有 o架啦！
F：你鶽家係咪有女朋友？
潘：唔係女朋友，係太太。結咗婚好耐啦！你哋乜都係傳，傳啲唔傳啲！出去食飯，又傳個蝦仁炒蛋唔傳個通菜！我唔做呢行，唔好搵我啦！搵我買樓啦！
到了本週一，記者再到潘宏彬的地產公司，再直接問他與劉當年斷背傳聞，他竟答：「我點答你？」問他是否和劉華斷交才結識女朋友結婚，他又說：「我真係唔識答你呢個問題！」臨走還叫記者「寫好啲！」。

[ 本帖最後由 silence 於 09-9-2 03:06 編輯 ]