我俾一個月通知個工人，上AGENT到當面賠錢(俾足工資、假放足、機票買好)俾佢走，我送埋5個旅行袋俾佢收拾野呀!!
點知惡夢開始啦!!!5月尾突然收到佢寄返機票俾我。收到佢告我。我就上勞工處啦!!去到調解主任問佢野，佢又認左，我有俾錢佢，係佢欠AGENT錢，AGENT唔俾返佢，SO佢告我。但佢係親手收錢架喎!!個主任問佢，咁你唔報警，你係告AGENT唔係僱主喎!!!問佢明唔明。佢答明，但都要叫我俾錢。連個主任都話，佢都唔知我有乜要再俾佢。但工人可以有權告喎!!OK就又同佢上勞資審裁處啦!!
好啦!!條又仔又再刻意俾錯地址勞工處，佢就自己寄俾我的野就無錯地址喎!!我自己打去問先知，原來我已經遲左見個官。結果，通宵寫申辯書。第二日去見個主任。
個賤人份口供全部都係大話。屈我尖酸刻簿佢喎!!!激到我死。我當佢大帝咁呀!!來我家10個月，都唔敢大大聲話過佢，做野就打破野多過食飯.其他就眼不見為乾淨啦!!!人質在佢手，有邊個敢鬧佢呀!!!
好啦!!辛辛苦苦準備同佢死過。上第一堂，個官已經鬧佢知唔知自己答乜，話所有野都係我迫人佢簽，佢無收過錢、無放過假喎!!個官問佢，你咁都肯??佢話怕我鬧喎!!個官問佢，人地都炒你，你都要驚???佢話唔知。個官話你有無見僱主攞錢出來呀??佢話無見過。
個官就話你僱主買機票俾你，你做乜寄返俾佢呀??工人話佢無收錢，人地話佢知，佢諗諗下就唔返去，SO寄返俾我喎!!
個官話如果僱主係唔俾你，就連機票都寫在紙上要你簽啦!!買機票俾你做乜呀???錢多呀??個工人收聲。
當期時個官鬧完佢，亦有問我地問題啦!!我地亦有齊所有的文件，連見證收簽的人證都有喎!!!
個官跟住舉左好多案例，話依家一個星期都最少10單8單，個個的內容都一樣。但唔知點解好多都做左2﹀個合約先告僱主喎!!!個個乜大話都有。但兩方面，一定係有一個講大話，邊個講大話心知肚明啦!!
再同我地講，你唔好以為工人攞左錢，全部都係佢架!!你地就當捐去慈善機構啦!!!
OF COURSE我地唔俾啦!!!我又無錯。個官就叫我地搵個主任調解下先啦!!OK。
去到調解主任到，個主任就話啦!!方下成見先，大家互相協調社會就和諧"D"。我地就好嬲啦!!唔通要放棄公義就要我地俾咩??我俾左，都要再俾??有無搞錯呀??個個都係咁，佢地就好發啦???法律唔係公平咩??佢就話依家日日都有幾宗依"D"案。放鬆"D"唔好理邊個對或錯，付出少少解決事情。俾機會我地學習見識下喎!!
我地就話無得傾。叫佢同個工人傾先啦!!!我唔會俾。
一傾個工人傾左9個幾字。個主任再叫我地入去,,就話個工人誓神話無收過錢。佢要的數我地都唔會俾。我就話佢要幾多呀!!我都好想知。佢話全數$11379。我話佢都傻架!!!NO!!個主任話都可以6至7千蚊都收。我話無可能。如果我無俾佢，我OF COURSE俾你，佢之前都認左收錢，依家又話無??咁機票收左，又話無，但又寄返俾我喎!!!!
我人至義盡俾一百蚊佢搭車去機場。但要佢道歉。個主任就行過對面房，同工人講，工人就死話要6千。我就好嬲，同老公行去對面房問個工人。
"姐姐，我對你咁好，你要的錢走時我都俾多你啦!!!你告我??你對唔對得住我呀??"工人就低頭，旁邊的人就拍下佢,佢就再望住我，我話我知你要在香港搵工，我都買OPEN TICKET俾你，你想我點???
個官就話唔好咁啦!!上庭俾官安排啦!!
好啦!!再上到庭，個官問和解點呀??我地話唔成功。個官就問我地相方要的價錢。跟住就話，有好多案例無話邊個一定WIN OR LOST架!!依家解決就最好啦!!
官就話，不如3千蚊啦!!個工人話要6千，個官就鬧佢3千蚊係唔係你應得，你心中有數。你告人，你分分鐘一毫子都無呀!!個工人都要答想要6千。個官好嬲:你要一萬都得架!!依家我話3千你要唔要???
跟住問我地俾唔俾?我地話唔俾。跟住個官就舉左幾個例子俾我地知，大意如下"你為左啖氣，嬴左可能俾依家要付出的更多。因為上庭開始，你要俾庭費、佢就可以申請法援，你就自己俾錢打，最後你嬴左,佢無錢賠俾你，你又無得追。咁又係你要俾錢。
我聽到後，開始喊，點解咁唔公平，即係我點都要俾錢???我真係好唔服，但想下佢確實係無付出，而我地就要付出時間、精神。好辛苦呀!!我就要求佢道歉，我就施捨3千蚊俾佢。個官話，佢地唔可以要求工人道歉。再問工人3千蚊要唔要，個工人望下公會的人，即時好開心點頭話好。
我老公問個官，到底我地點保障自己?文件，出糧樣樣簽好，證人都有，都要俾人屈。個官話:無野可以保障你。我自己的工人都係出現金、簽名、佢要告我都無法。我唔好彩。
那一刻...我真係想死。點解我地的法律係咁。明知個工人講大話，都要我賠???我的錢唔係血汗錢咩??
後來，出左庭我行到工人面前，我問陪佢來的人，你係基督教"X"會的人，點解神愛公義，你地幫佢做唔公義的事????佢答我:基督教"X"會，根本就已經唔係基督教，佢只係另一個教會的義工陪工人上庭。佢都係上庭先知我的事。佢都好明白我的委屈。我當時真係好想打佢一身。OF COURSE我唔會咁做啦!!我就走左。
下午去主任到俾錢，我真係俾得好唔咁心，我問個主任，今次俾唔該有無法力效用先??上一次勞工處佢承認左都可以再用更大的大話屈我。
個主任話OK，我俾左錢個工人好開心咁走。個主任問佢，你幾時走呀??你一定要一路順風啦!!果一刻我真係想笑。
我地本來都起身走。個主任叫我先坐低。佢話依家工人好多都係咁，公會越來越多，心情要放開"D"當上左一課，一個月佢見百幾單，我俾得好少架啦!!!以後唔好請工人啦!!連法庭的印尼翻譯都話，我明白你好唔開心，但算啦!!可憐佢，俾左錢件事告一段落。唔好傷心。依家佢地唔係警局就係法庭，日日都有工開。
我想同大家分享的係，真係唔好對工人太信任。我之前對佢好，佢反過來咁對我。我真係好唔開心。錢唔見左唔緊要，係好似俾人呃左一份感情，你對佢好好，佢當你傻仔。
同埋我真係對香港的法律有一萬個失望。法律係俾有錢人同窮人玩的。我地普通人家無份。
依家明明俾人打劫，去左報警，但警察話你知，唔緊要啦!!破財消災。無奈。
我一生一世必有恩惠慈愛隨我,我且要住在耶和華的殿中,直到永遠!
發表於 
返回列表
