自由講場今日: 324|主題: 1298929

收藏本版

發帖

返回列表

跳至頁

查看: 1340 | 回覆: 3

官恩娜：唸經鬼都唔驚

lisagary

男爵府

積分: 6900

發表於 09-10-23 22:59 |顯示全部帖子

英國猛鬼我都知，但冇諗過自己會遇到。好耐之前我去英國旅行，住喺朋友屋企，點知遇到怪事。
一晚我同 3個朋友食完飯返屋企傾偈，傾到大約凌晨兩點幾，大家都覺得有啲攰，諗住去瞓覺，突然我見到有個白影飄過，第一次見到我都以為自己眼花，點知唔夠 10秒又見到個白影。當時我真係驚到唔識講嘢，只係諗到唸「南無阿彌陀佛」，我一路瞇埋眼一路唸，當時幾個朋友都唔知咩事，俾我嚇呆咗。
唸咗一陣，我以為冇事，但個白影突然衝埋我耳邊，講咗兩次「南無阿彌陀佛」就離開咗。嗰次我足足驚咗成個星期，本來我想即刻搬去酒店住，但諗吓一個人住仲驚，結果之後嗰幾日，我去邊都要有 girl friend陪。

江若琳：同鬼等電梯

早前我去泰國拍電影《童眼》，逗留咗成個月，公司安排大隊住同一間酒店，身邊好多朋友都同我講，泰國好多地方都好猛鬼，叫我小心啲，但我冇將朋友說話放喺心。
點知有一晚，我好夜先收工，因為好攰，即時同助手一齊返酒店休息，就喺等嘅時候，發生咗件不可思議嘅事。
做藝人都有一個通病，就係一見到可以反映自己容貌嘅物件，就會不由自主咁整理儀容。我見未到，於是對住門照鏡，當我聚精會神撥頭髮嘅時候，發現身後多咗個影，當時第一個反應叫自己唔好咁驚青，保持鎮定，會唔會係後面有塊鏡，只係反映自己啫，千祈唔好自己嚇自己。當我定一定神之後，即鼓起勇氣轉身睇下後面有冇鏡，證實係冇嘅，而且人都冇個。我即刻驚到唔識反應，惟有繼續等。入到房乜都唔再諗，第一時間瞓覺。

私人傳訊