自由講場

跳至

首頁
12345...6

尾頁
   0


水晶宮

積分: 51912


發表於 09-10-23 22:59 |顯示全部帖子
如題.

實情我真係唔識呢D規矩,但又好疑惑...究竟係我諗錯隔離,定係真係我有唔妥當呢?

事緣我嫁咗出去十幾年,但我仲有兒時儲既少女漫畫書幾套同部份唱片仲留响我外家我以前間房度,今日我老豆請既新工人黎咗,我間房自然係俾工人住做工人房啦,呢樣我都覺得無咩問題,,,但之後我老豆係咁叫我執野走,話我堆書好日都唔掂下,話我佔用咗佢(老豆)既地方,咁我話會拎番走啦,,,跟住我老豆都好唔夠喉咁猛話我D書根本係垃圾黎,話我無掂過,嗰下我係有D火,我勞勞氣氣咁話:"D書係我既收藏黎(講真係我細個鐘意既漫畫,當年買成套都係一心諗住KEEP既啫),唔睇唔等於係垃圾囉!"跟住我老豆就無再講.

實情我都會拎番走,之前唔拎走係因為我依家住既地方細,無位擺,二黎我又一廂情願以為外家係我真正既家,嗰間房又係我以前間房,咁多年都無人用過我間房或者住,係間唔中做下客房..所以至留咗堆書咁多年無搬過,,,但就幾介意我老豆一句話我佔用咗佢既地方,我嗰刻覺得佢講到我好局外人,唔係一家人咁,,,坦白講個心係幾唔舒服,,,

但實情,究竟係咪個規矩係咁既呢?外嫁女真係唔可以留任何私人物件响外家?呢樣我都好想知,如果答案係,我諗我會個心會好過D啩...

呢次係繼我老豆十年前話,外嫁女唔可以番外家過夜,一晚半晚都唔得之後又一力作...mouth: 我真係唔知係咪中國傳統家庭係有呢D咁既規則定係我老豆又是'發作'....好難捉摸.


侯爵府

積分: 20956

好媽媽勳章


發表於 09-10-23 23:02 |顯示全部帖子
下 我一定唔agree la as 我仲有她野係我阿ma樹 佢而家d 仔女個個都搬走晒 佢間屋不知幾大 我佔小小地方者 應該冇詐形既 2母女冇計la
原帖由 ~仔仔媽咪~ 於 09-10-23 22:59 發表
如題.

實情我真係唔識呢D規矩,但又好疑惑...究竟係我諗錯隔離,定係真係我有唔妥當呢?

事緣我嫁咗出去十幾年,但我仲有兒時儲既少女漫畫書幾套同部份唱片仲留响我外家我以前間房度,今日我老豆請既新工人黎咗,我間房 ...


侯爵府

積分: 24223

好媽媽勳章 畀面勳章


發表於 09-10-23 23:05 |顯示全部帖子
講真我又覺得你老豆冇咩唔o岩喎, 比著我見到D野十幾年都冇打算返黎攞走, 咪=垃圾囉.


翡翠宮

積分: 92376

好媽媽勳章 醒目開學勳章 畀面勳章 環保接龍勳章 大廚勳章 BK Milk勳章


發表於 09-10-23 23:08 |顯示全部帖子
我62都有叫c6搬走佢做仔d野啦! 不過c6唔理佢之麻! 佢都係一時口痕啫,唔好嬲啦!


男爵府

積分: 6116

畀面勳章


發表於 09-10-23 23:10 |顯示全部帖子
我嫁左之後,都係將我自己既野逐D逐D搬走,然後到我生左,又逐D逐D將阿仔阿女既野搬番入去,直到目前為上,外家已經無晒我D野喇,但阿仔阿女既衫同玩具就霸左一間房
平平安安  快快樂樂  健健康康


水晶宮

積分: 51912


發表於 09-10-23 23:12 |顯示全部帖子
原帖由 alicemic 於 09-10-23 23:08 發表
我62都有叫c6搬走佢做仔d野啦! 不過c6唔理佢之麻! 佢都係一時口痕啫,唔好嬲啦!


依家都唔嬲,只係聽完自己覺得有d唔舒服囉!同埋我老豆係咁架!尤其呢期,佢又是姨丈到,一味係咁講埋做埋D野要令你發火,忍佢係只會令佢繼續猛咁搵野黎話你,務求講到你彭一聲大大聲回應佢為止...可能就係咁,今日再加埋佢呢幾句,我至咁敏感.mouth: mouth: mouth:


男爵府

積分: 6096


發表於 09-10-23 23:14 |顯示全部帖子
原帖由 ~仔仔媽咪~ 於 09-10-23 22:59 發表
如題.

實情我真係唔識呢D規矩,但又好疑惑...究竟係我諗錯隔離,定係真係我有唔妥當呢?

事緣我嫁咗出去十幾年,但我仲有兒時儲既少女漫畫書幾套同部份唱片仲留响我外家我以前間房度,今日我老豆請既新工人黎咗,我間房 ...


老人家不嬲都當呢野無用架啦, 何況你嫁咗十幾年都未點過, 唔話係垃圾就奇。


伯爵府

積分: 16057

醒目開學勳章 畀面勳章 環保接龍勳章 BK Milk勳章 15週年勳章 親子王國15週年勳章 親子王國15週年勳章


發表於 09-10-23 23:15 |顯示全部帖子
唔好咁介意係唔係外嫁女啦, 我覺得最重要係d野擺係度, 又唔睇, d老人家會覺得好無謂, 唔關係唔係外嫁女事, 我做女果陣, 我屋企人都成日話我d書阻訂, 叫我掉左佢.
Latte, 又名臭TE或臭喵


水晶宮

積分: 51912


發表於 09-10-23 23:16 |顯示全部帖子
原帖由 moyochan 於 09-10-23 23:10 發表
我嫁左之後,都係將我自己既野逐D逐D搬走,然後到我生左,又逐D逐D將阿仔阿女既野搬番入去,直到目前為上,外家已經無晒我D野喇,但阿仔阿女既衫同玩具就霸左一間房 ...


我都係架...只係嗰堆漫畫早十年前已經俾我老豆唔知做乜收到好埋,連我自己都唔記得,仲以為仲响我房書架度(我外家我以前間房依家D書架,都充斥住我仔D玩具同毛公仔)...係今日佢猛咁叫我搬走自己D野走,我猛好好回應佢話:"好,哦,知道"後,佢好似唔夠喉咁,响我房某一個角落(好多唔係屬於我既物件既地方)指住叫我處理埋D書,我至知原來佢PACK咗落紅白藍膠袋度放咗响雜物堆既最底部...="=

反而俾你講一講,我至醒起,我老豆叫我搬走自己野講咗咁耐,又真係完全無提及過要我搬走我仔D玩具同毛公仔噃...


子爵府

積分: 13832

醒目開學勳章 畀面勳章 BK Milk勳章


發表於 09-10-23 23:17 |顯示全部帖子
我就無留底自己d物品係外家,我只係留底左我個囝係度,不過佢地當我個囝係寶打死佢地都唔會比我帶走


水晶宮

積分: 51912


發表於 09-10-23 23:19 |顯示全部帖子
原帖由 Yan010408 於 09-10-23 23:14 發表


老人家不嬲都當呢野無用架啦, 何況你嫁咗十幾年都未點過, 唔話係垃圾就奇。


其實我唔係真係完全無掂過架,我都有拎走响我書架上嗰堆書番屋企架(早幾年已經拎走),只係我太多書,之前佢又試過自把自為丟哂我所有書出後樓梯一次,嗰次我喊住咁由後樓梯拎番入屋,我成日以為我少咁多書都係因為嗰次至唔見咗咁多本,無諗過佢收咗响雜物堆既最底部...所以我拎黎拎去都係嗰幾套書,唔知其他書仲响度.


男爵府

積分: 6116

畀面勳章


發表於 09-10-23 23:22 |顯示全部帖子
原帖由 ~仔仔媽咪~ 於 09-10-23 23:16 發表


我都係架...只係嗰堆漫畫早十年前已經俾我老豆唔知做乜收到好埋,連我自己都唔記得,仲以為仲响我房書架度(我外家我以前間房依家D書架,都充斥住我仔D玩具同毛公仔)...係今日佢猛咁叫我搬走自己D野走,我猛好好回應佢 ...

算啦!唔洗咁火,可能佢都係突然醒起你仲有D好耐都唔掂既野係屋企,咪叫你順便處理一下囉!你應完佢,過左一排可能佢又會唔記得,無左件事
平平安安  快快樂樂  健健康康


水晶宮

積分: 51912


發表於 09-10-23 23:25 |顯示全部帖子
原帖由 montana 於 09-10-23 23:17 發表
我就無留底自己d物品係外家,我只係留底左我個囝係度,不過佢地當我個囝係寶打死佢地都唔會比我帶走


話時話早八九年前我老豆都嫌我'留低'個仔响佢屋企架!佢同我姑姐講,話我狗又留响度、仔又留响度!!!跟住我姑姐唔知頭唔知路真係以為我蝦我老豆,走黎公審我,話登我仔可憐有個唔理佢既亞媽,但當我一反問番我姑姐,我話我一星期只係星期六晚俾我仔响公公屋企(外家)過一晚夜,咁都算叫做日日呀?我姑姐嗰刻即刻怒啤我老豆,跟住咪轉移目標話我賴低隻狗俾我老豆哽囉,咁我咪即刻屈蛇都偷運隻狗番我屋企住,之後我連星期六晚都'唔駛'我仔去外家見公公,我老豆至變番正常,日日打黎猛同我仔講,做咩咁耐都唔黎探公公,我嗰時都係笑笑口咁答番我老豆,費時個仔留响你度,要工人湊住,你又咁辛苦啦....


大宅

積分: 3604


發表於 09-10-23 23:26 |顯示全部帖子
其實你唔好諗咩外唔外嫁女啦。你咪當你都唔住係你老豆屋企啦,咁咪無謂放自己啲野係佢屋企囉,咁那個已經唔係你住嘅地方啦,咁個間房咪原全比反你老豆囉。咁而家又真係要比工人瞓咯,咁都無咩位啦。我自己都係咁做法,啲老人家當我地嫁左就係外人我地都無計㗎啦,算把啦,我地咪睇開啲囉。


男爵府

積分: 5115


發表於 09-10-23 23:26 |顯示全部帖子
我又反而覺得, 如果外家仲有自己嘢 (當然有多餘空間), 做父母會覺得啲仔女仲係自己身邊, 隨時都會返黎。而我自己間房仲係度, 有時夜都會過夜, 佢地其實好開心架。
樓主, 妳聽後唔好唔開心, 我心唸啫.


水晶宮

積分: 51912


發表於 09-10-23 23:40 |顯示全部帖子
原帖由 moyochan 於 09-10-23 23:22 發表

算啦!唔洗咁火,可能佢都係突然醒起你仲有D好耐都唔掂既野係屋企,咪叫你順便處理一下囉!你應完佢,過左一排可能佢又會唔記得,無左件事


總之呢幾日佢係周身唔聚財,係咁搵野黎嘈囉!早幾個星期又無啦啦話隔離屋成日打開木門(淨閂鐵閘),話人地間屋臭(實情我聞極都唔覺人地間屋有咩味飄出黎),跟住我老豆開住大門咁大大聲話人屋企臭都唔夠喉,呢期日日都好大力閂大門同彭鐵閘,結果鐵閘個鎖都俾我老豆彭斷埋(個鎖係貴野黎架,唔係cheap野,做咗十年都無壞過,應該無咁兒戲啩...),跟住我老豆換咗個平既鎖,到依家都係越黎越大力咁大力彭門彭鐵閘...心諗,佢咁樣人地都唔會驚佢囉.

跟住我屋企其中一個廁所壞咗,我見有人黎整,又見我老豆個廚房洗碗盆又壞咗,我咪好自然提議不如叫埋師傅順便整埋啦,跟住我老豆又是借題發揮,又話嗰D係我哥D野黎,話佢管唔到,唔關佢事,跟住見我無feedback,佢又無啦啦手指指咁指住我黎話:"你地班年青人個腦諗乜,我唔知,成日慳慳慳,買埋D cheap野!" 又關我事? D裝修錢又唔係我出,我又無份參與...我都係無出聲任我老豆講,諗住佢講完就算,點知佢又係見我仲係無發火,又係話睇我以前間房就知我地有幾無腦,話我間房D牆紙爛哂,我嗰下都煩到有D火,我同我老豆講:"D裝修都成十年都有啦"跟住我老豆寸我咁答:"又唔見我個廳D牆紙會咁!"跟住我都勞氣答:"咁你全屋D牆紙都係我同大佬一齊去揀架!呢樣唔好唔記得囉!D裝修又唔駛我出錢既,我做咩同你慳!"原本都想繼續理論講番俾我老豆知,我間房D牆紙咁快殘係皆因嗰面牆前身都係廁所黎,係我嫲當年廿幾年前裝修時監粗封咗個廁所,監粗改建成兩個入牆衣櫃,但始終樓上樓下同一個位都係廁所黎,無可能無水氣囉!但見我老豆收咗聲,我都費時再講.佢識得停下就得喇.

今日仲有好多,太多野,佢咁多年都係咁,佢呢D怪脾氣連老婆都激走埋,但都改唔到,我都唔奢望我老豆會改到囉!始終佢都就黎七十.但真係好煩...有時唔係唔想就下佢忍下佢,但日日都係咁,我都有我既極限囉...依家我都好明點解我大佬咁多年郁D下就鬧爆我老豆,少少野都鬧到我老豆回唔到咀...依家真係感同身受!


水晶宮

積分: 51912


發表於 09-10-23 23:41 |顯示全部帖子
原帖由 riko-uk 於 09-10-23 23:26 發表
其實你唔好諗咩外唔外嫁女啦。你咪當你都唔住係你老豆屋企啦,咁咪無謂放自己啲野係佢屋企囉,咁那個已經唔係你住嘅地方啦,咁個間房咪原全比反你老豆囉。咁而家又真係要比工人瞓咯,咁都無咩位啦。我自己都係咁做法,啲老人家 ...


咁都係...我頭先個心真係咁樣同自己講,叫自己睇開D.


水晶宮

積分: 51912


發表於 09-10-23 23:44 |顯示全部帖子
原帖由 nam802 於 09-10-23 23:26 發表
我又反而覺得, 如果外家仲有自己嘢 (當然有多餘空間), 做父母會覺得啲仔女仲係自己身邊, 隨時都會返黎。而我自己間房仲係度, 有時夜都會過夜, 佢地其實好開心架。
樓主, 妳聽後唔好唔開心, 我心唸啫. ...


我就係咁多年都係咁'一廂情願'地咁諗...但呢期我老豆講埋D野,又真係俾到我好大感覺佢當我係外人咁...可能同自己一直以為既相反,所以硬係覺得有點兒唔開心囉.不過呻咗出黎都無野架喇...!始終佢都係老人家,佢講乜都好,我都係一樣盡量'借D2'多D帶我仔番外家俾佢見下個外孫,咁佢鍚個孫呢樣係真既.


伯爵府

積分: 19745

好媽媽勳章 畀面勳章 環保接龍勳章


發表於 09-10-23 23:50 |顯示全部帖子
原帖由 ~仔仔媽咪~ 於 09-10-23 22:59 發表
如題.

實情我真係唔識呢D規矩,但又好疑惑...究竟係我諗錯隔離,定係真係我有唔妥當呢?

事緣我嫁咗出去十幾年,但我仲有兒時儲既少女漫畫書幾套同部份唱片仲留响我外家我以前間房度,今日我老豆請既新工人黎咗,我間房 ...


唔好唔開心啦. 就算係, 都係舊思想 / 觀念 羅. (好似話女仔唔洗讀咁多書咁羅). 係我黎講, 仔女都一樣, 佢地有需要, 自己吃力d, 都無所謂.

不過冇謂同老人家爭吵哩. 我地仲有幾多時間同佢地相處呀


大宅

積分: 4844


發表於 09-10-24 00:07 |顯示全部帖子
我嫁咗三年都重有外家鎖匙,一衣櫃衫、二格書架放HELLY KITTY 季刊、以後間房雖然現在係細佬同佢女朋友訓,但重有我20幾隻KITTY公仔係層架,另床尾重有一塊之前貼滿相的砌圖架,細佬佢哋成日都叫我搬走曬佢,但媽咪冇出聲要我搬,只你講咗一啲話,呢到永遠都係你屋企,有咩事一定要返屋企,另外一句重絕,同細佬佢哋講,除非阿媽白年歸老,如果唔係我啲嘢一律唔比我搬,因為媽咪幫我湊仔仔,有時我又會係媽咪到訓,所以到宜家都重有好多衫褲鞋襪係外家。

首頁
12345...6

尾頁

跳至