總之好火!廿幾歲人成日吹到自己有幾勁日文,番咩工成日要出trip,又去非洲又去山卡啦... 仲大大聲猛呻:"老細叫到要去,無法啦!我都唔知D非洲人識唔識得講英文":;pppp: 你最好去咗非洲咪鬼番黎...你咁叻,咪stay响非洲教剛果人講日文囉!!! SIDE 氣!!!番工番得幾咁HIGH,但連上堂呢D咁簡單守規既野都守唔到(記得有次佢仲响課室飲COKE,學校同亞sir已經再三講到明學校嚴禁學生同老師响課室內飲清水以外既飲料架啦)....真係好火!
我次次番學office已經下班喇(我番夜晚架)...再者我專登走去咁講都未必有作用,我又無可能開名話係邊班邊位學生玩播歌既...再者依家仲有兩三堂就考學校試,有機會唔駛再對住佢(一係佢c,一係我亡... 睇下邊無唔合格升唔到班吖嗱...),所以都費時煩唔搞咁多動作喇.但呢d人真係好討厭囉!我堂堂都見亞sir嗰個充滿無奈同唔耐煩既樣,就知佢都嘔緊白泡...至難頂就係,個亞sir已經係咪都當佢透明唔多應佢(佢懶係舉手問問題就無計,要應佢),佢都依然唔知係對亞sir嗒糖吖定係想一再強調佢係識得講日文...亞sir講下兩句,佢就高八度嗲哂咁話:"(我哥部電腦無得打日文) sensei(先生--->即亞sir)~~~da me yo~~~!!!(咪咁啦...再文雅d--->唔好咁啦../唔可以咁架噃~~~) "我見到亞sir由初時好驚恐好尷尬咁望一望佢到之後第二次佢玩da me亞sir到依家n次,亞sir已經練出一身好武功,完全當佢透明,但佢依然好冧好enjoy咁嗌亞sir' da me yo'~~~~~~~~~~ 聽錯仲以為自己响d咩夜店定夜總會度添....da....me.... 我就真係想叫佢da me, da me唔好再响樹發姣發凳, da me唔好再响樹識少少扮代表但又講錯哂d日文搏俾亞sir gut...da me唔好再上堂唔um口咳痰 and da me唔好再上堂播到d mp3咁大聲騷擾我聽書. da me(打咩....................yo~~~~~~~~~~~~ 真係好想一野打咩佢!唔好再對住我呀..!!!)