原帖由 siuyubb 於 10-7-2 12:17 發表
就算係堅都好多人唔信啦...................我dadi上年比人偷左架7人車.........之後有一日真係比佢見返自己架寶貝車~不過已經比人換左色~~佢cheak過晒知道一定冇錯~報埋警拉晒人..................但之後件事 ...
點解你爸爸咁肯定部車係佢? 仲有件事係幾時發生? 如果係近期發生, 成件事自己無錯, 警察唔受就去申訴專員公署, 去報館, 起碼都搞大件事, 不過你地要有足夠證據肯定部車真係你爸爸喎!
至於呢個case, 唔係人地唔信, 係佢自己衰貪心, 如果係我, 車到我暈陀陀走左先話畀錢我, 應該係我報警拉佢至真! 呢個case, 手袋入面有6000, 人地打唻佢仲要再收人錢, 呢度都無講佢收左人幾錢添呀, 咁點算冤獄呢, 係佢自己貪心在先! 就好似早前有個家長話學校老師打佢個仔, 畀左戶口號碼老師, 最後被人告勒索! 香港係法治社會, 即使對方自願, 為左保障自己都應該先報警, 再定合理賠償和解! 香港點可以私了, 最後講唔掂數, 蝕底果個咪自己囉!!
講野唔好笑又唔識講爛gag
上forum只為吹水唔好同我認真