吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 可以教我怎樣令老公愛自己?

夫婦情感今日: 12|主題: 42426

收藏本版

發帖

返回列表

跳至頁

查看: 16546 | 回覆: 151

可以教我怎樣令老公愛自己? [複製鏈接]

12 3 4 5...8

AAA-Mom

複式洋房

積分: 399

1^#

發表於 10-9-3 13:49 |只看該作者 |倒序瀏覽 |打印

近來和老公的關係好差...我們結婚差不多10年, 2個小朋友....老公是一個好錫小朋友的爸爸...

老公的工作是要上大6, 通常2-3天/星期, 有時有些即日來回...如太夜要留宿就住老闆家. update下BK mama, 我之前寫過些故事, 大致上是如何不信任老公, 如何管他, check 他等....受了一些指導, 近末已改变了好多, 但反而好像他有点得寸進尺...

我盡量中肯公平地說...

我是改變了, 他工作時不打电話不發口信(從前很強勢的我, 电話口信不斷打), 他會自动到時到候打來, 也取消了电話追縱功能, 但有吋仍会偷看他手機, 他當然不知, 但什広也查不到啦, 關係好轉過, 好地地時他始終是較就我的, 所以錢仍由我管, 他户口永不多過1000元, 而他每次上大陸都只会帶幾百元, 因為除了買煙外, 他所有駛費都由公司付的. 但不知為何, 他每次上大6我還是不開心, 也不放心, 又擔心他去滚(但他強調冇$點滾?), 又怕他識到弟個女人, 所以軟硬兼施(但發覺温柔時比較易迫到佢)要他給我安全感, 而他有時, 尤其夜晚就会借老闆电話打比我, 等我知他真的和老闆一起..又或証明他真的在他家等....有時他都有點反抗咁做, 他說好冇面但為了令我安心都照做...但長遠他真的常去大6, 難道我除了咁才信他真的工作中嗎? 次次問老闆借电話都不是好辦法...但我不知怎樣才能有support我去信佢...我知好多人話:婚姻的基礎是信任, 但信任是憑空就有的嗎?我唔知点為之"信"....

有時在大6拿着电話冇セ嘢講的, 他又開始有点發脾氣, 說我打电話去不是想關心他, 只是想check佢...其實單憑电話可以check到セ吖, 我真係想知佢每分每秒做緊咩啫....

他又說我不體貼, 他在hk應酬時, 我常"吹"佢走得末? 有時去到半夜, 我又不肯睡先, 但每早我們要送小朋友上学, 試過大家只睡３小時就要起身, 他想睡多會, 叫我自己送, 但我会認為送小朋友是責任, 他不能因應酬夜返就不做, 我也和他一樣夜訓, 我夠要返工啦!但他就覺得我其實應該早D訓, 明知老公夜返, 弟朝自己夠精神可以讓他睡多會, 而非特登唔訓, 迫佢第朝几辛苦都要起身! 但不知我內心就真的不肯"體貼"佢, 覺得唔公平囉, 點解要我做咁多去就佢?

早几天兒子生日, 他一早開火, 因兒子好過份地不止一次虐待小猫, 我當然護兒心切, 始終他生日嘛, 但他更火, 說他教仔時我專登落佢面....但仔仔only 5, 他發癲咁發我脾氣, 嚇得子女上学都愁眉苦臉...我內心好痛好痛, 覺得他好過份, 什至我用當日的5年前是我為他生仔而要他就範對我好, 但他都不肯, 更說自己冇錯, 個仔做錯生日都要打, 因什広今日不教他將來害了他等...

跟著几天他都冇"多謝"我為他生仔...我覺得自己做女人好慘!跟着有晚他告訴我老闆叫他咋天上大6見客, 我又立即黑面炸形, 之後又嘈過, 他說他收入來源就是要見客做成生意, 冇客見=冇收入, 因他是0底薪, 而每月家庭開支好大, 所以他好大壓力....

然後我会嘈佢, 成日上大陸, 有2奶呀?咁冇セ親子時間la, 養狗呀?.....etc....
他又說: 你好清楚我收入是靠這樣, 難道日日在家, 你下個月冇$又煩過!

又說現在我常煩他, 令他不放去工作, 又說我成日情情愛愛, 我明他要求我放心他上大6工作, 但我也有要求, 想他關心我, 事事以我為先, 多陪子女....但他總說我令他好反感, 我開心否他冇感覺, 又話要提要迫佢關心我是好假他不想做些非出自真心的事...

我有点失控, 他越對我差我越不斷打电話他....

各位, 是否他巳不愛我了,為了自尊,好想分開...但我為了子女, 很難離開.... 有好多書教女人點討好老公...點解要女人"討好"男人...

0 0 0

私人傳訊

beanlala

大宅

積分: 2477

2^#

發表於 10-9-3 14:52 |只看該作者

我想直接D講我覺得你好煩你應該去睇心理醫生如果我係你老公一早走左只是個人感覺不喜勿插

私人傳訊

CarrieTo

大宅

積分: 3717

3^#

發表於 10-9-3 15:12 |只看該作者

你真的很中肯，不過，據你所講，你真的有點過份。

我只是想話你知你好似我舅母，她一生人都不快樂，將老公迫到無晒出息，現在d女都無晒心機，其中有個囡還有點抑鬱。

好難有人可以教到你點做，你要對自己有信心，才會對身邊人有信心。

原帖由 AAA-Mom 於 10-9-3 13:49 發表
近來和老公的關係好差...我們結婚差不多10年, 2個小朋友....老公是一個好錫小朋友的爸爸...

老公的工作是要上大6, 通常2-3天/星期, 有時有些即日來回...如太夜要留宿就住老闆家. update下BK mama, 我之前寫過些故事 ...

My baby girl: Samantha: 10 Oct 2009
Sammi: 15 March 2011

私人傳訊

meowli

大宅

積分: 4348

好媽媽勳章醒目開學勳章

4^#

發表於 10-9-3 15:26 |只看該作者

男人並唔會因你check得緊而唔去滾，何必令到自己咁精神緊張，唔好計較付出多與少，因為每個人都會覺得自己是犧牲得最多，如果你視你老公為親人，就更加唔應該計較，教小朋友多向爸爸說窩心的說話，如去了出差回來，便說"爸爸我好掛住你"，相輔相成之下，你老公可能會變得"痴家"~

私人傳訊

OneTwoThree

男爵府

積分: 5598

5^#

發表於 10-9-3 15:37 |只看該作者

好多男人, 日日放工在家都在以不知不覺地去滾, 你老公要做野迫不得巳上大陸, 唔上去就無錢生活, 工作壓力大又要兩邊走, 你仲要成日check住佢, 我係你老公都對你反感, 點解唔試吓做個體貼的老公婆, 等佢做完野自然會打俾你, 傾吓屋企野, 返嚟同老公同仔女開開心心咁過咪仲好, 我老公放假只會係度瞓覺同諗經再唔係就睇電視, 晚晚放工食完飯洗完碗就做自己野, 好少同個仔有咩親子活動, 咁我又係咪好似你咁做先得? 你知道而家對老公既方法唔work就要諗過其他辦法, 講嚟講去都獨孤一味, 我係你老公都俾你悶死, 唔好再怨啦, 佢都係為一家人生活啫!!

私人傳訊

卉卉

男爵府

積分: 7703

6^#

發表於 10-9-3 15:52 |只看該作者

如果你老公要出去包2奶..你就算點check都無用...有心呃你又有幾難...成世人流流長點check得咁多姐...
其實你咁做...我諗你應該好辛苦...有時真係無咩好嘈..佢真係要搵食....係又好藉口都好..有咩資格要求咁大...除非你可以養埋佢...

其實我都幾羨慕你...有個咁好既老公..如果我咁打電話就比佢鬧死..
初初我都好似你咁...我重成晚訓唔著..唔知佢會唔會滾..我覺得呢種感覺好辛苦...就黎顛...後來諗下...我點擔心都無用..佢要做咩都吹佢唔脹..唔比你知好易...
所以慢慢就無再去諗...比心機做好自己..做人大前提係要令自己開心...何必迫到自己同老公抑鬱呢...雖然小朋友係大家既責任..但係要老公同你一樣咁付出應該唔得...男人就係咁...由佢啦...你要有"小朋友係我為自己生..唔係為老公生"既心態....

私人傳訊

HerKing

大宅

積分: 2770

7^#

發表於 10-9-3 16:00 |只看該作者

樓主，你似乎太緊張了。

我C6都係成日返大6，響香港都唔係晚晚早返。大部份正常男人，結左婚都唔會輕易出軌的，我夠膽講，男人出軌好多時都係老婆迫成的。男人出去搵錢養家咁辛苦，返到屋企梗係想抖下，仲要花時間應付你既質問同懷疑，仲辛苦過返工啦。男人有頭家都係想SETTLE DOWN，唔係想煩丫嘛。做人老婆既如果想老公多D返屋企，最好少說話多煲湯。如果想SEND下SMS比佢既，可以講下屋企既趣事比佢知，等佢掛住呢個咁WARM既家丫嘛。一返到屋企就比老婆轟炸，唔出去滾都心理唔平衡啦。

櫻主，你真係要檢討一下勒！

私人傳訊

Edithcsm

珍珠宮

積分: 49463

熱血勳章醒目開學勳章

8^#

發表於 10-9-3 16:36 |只看該作者

樓主你問 :"點解要女人"討好"男人..."

你有冇諗過, 你討好佢o既真正目的? 淨係為左令佢開心? 唔係.....真正目的係, 佢開心, 自然對你好d, 咁最後開心o個個咪都係你自己?!
唔到以為對人好, 就只有人地會開心, 其實自己都會開心o架, 放鬆d啦~

私人傳訊

Amytell

別墅

積分: 712

9^#

發表於 10-9-3 17:16 |只看該作者

過路的,可能不忠耳,但希望你生活愉快!

你太悲觀了!凡事都向"衰"嘅冧,咁不經不覺會變成"怨婦"的!

快快收拾心情,注入多d正能量,不要只說是為他人,為自己好好生活吧!

不至老公,我冧無一個人鐘意身邊有一個不停埋怨/計較/自我的人生活在同一屋簷下,愛是要有邏輯的,你老公都因為要工作才上大陸跑數,不是去玩,出去爭錢已受好多氣,仲要受完未必有回報,個個星期頻頻泊泊,個個月驚搵唔夠家用,回家老婆有一大堆不滿,小朋友又處於活力十足年紀,想靜吓都唔得,要找一個能安撫/發洩內在壓力的地方也沒有,咁好容易會谷爆,一發不可收拾,一時火遮眼亂發火講錯嘢....而你又唔包容/諒解,咁頭家就會"散"架啦!

你有壓力,他也有的.
你有不如意,他也有的.
你有埋怨,他也有的.
你有不高興,他也有的.

不如一家人開開心心,相聚時只講開心事,找些戶外活動輕輕鬆鬆玩吓,又或者係屋企煮餐海鮮大餐高高興興我逗你嘻嘻,你逗我哈哈,快樂其實好簡單,一家人齊齊整整,行得/走得/食得/訓得,無病無痛,就已經好幸福的了,惜縁惜褔.

傻啦!男人不是"討好"回來的,只要不常計較誰先行一步/誰先讓步多欣賞/感激對方所付出,不要麻木找尋對方的錯漏/缺點,再加以批評...批評....再批評........這樣你不是考驗對方對你的愛,而是鞭撻對方早走早著,慢性精神虐待,受傷最終會係自己.

婚姻不是要爭輸贏,二人三足,不是兩個拍檔誰最快到終點,而是你就我一步,我等你一吓,一齊到終點,所以遊戲規則係共同包容/諒解/接納/改進,而不是"好勝",書本所講的都是提點做人處事的一些生活態度,發放正面/積極/和諧訊息鼓勵讀者好好對待身邊的人,記著婚姻不是比賽"取勝"啊!

人與人之間相處是靠互相尊重,而不是互相猜疑.

首先,你先收拾好自己心情,正面態度生活,慢慢便會有所改善的了,你老公可能勁遲鈍,要你做好多嘢,讓好多步,等好耐,付出好多.....先懂回應/回報你的愛,男人就係咁架啦!係感情世界嘅敏感度係.....負數,加油!成果不是立刻可見,可能要幾星期...幾個月...或者成年架!取非你想孤獨終老啦!你搵過第二個男人都係咁上下架咋,除咗拍拖頭幾年.....哈哈哈

[ 本帖最後由 Amytell 於 10-9-3 17:31 編輯 ]

私人傳訊

dd1hs4mk4

禁止發言

積分: 17

10^#

發表於 10-9-3 17:35 |只看該作者

提示: 作者被禁止或刪除內容自動屏蔽

私人傳訊

fifilung999

複式洋房

積分: 406

11^#

發表於 10-9-3 17:46 |只看該作者

老實講，我覺得你老公好慘...
你想人教你點令你老公愛你
但我覺得你一路既做法都唔係愛你老公既表現囉...

你自己諗下啦

私人傳訊

等運到

大宅

積分: 3197

好媽媽勳章

12^#

發表於 10-9-3 17:50 |只看該作者

原帖由 AAA-Mom 於 10-9-3 13:49 發表
近來和老公的關係好差...我們結婚差不多10年, 2個小朋友....老公是一個好錫小朋友的爸爸...

老公的工作是要上大6, 通常2-3天/星期, 有時有些即日來回...如太夜要留宿就住老闆家. update下BK mama, 我之前寫過些故事 ...

我覺得你真系幾煩女人, 講真, 你老公已經好好, 你再咁迫你老公, 佢冇女人都比你迫到佢有!
你話想佢多D關心你, 咁你有冇呢? 如你老公所講, 你打電話比佢都只系想CHRCK佢, 唔系關心佢工作辛唔辛苦,累唔累丫咁!!~

自尊?我又覺得佢對你唔差啫!你又幾冇尊嚴咁誇張丫, 我覺得你講野同個人都過份緊張LO

私人傳訊

小小小BB

大宅

積分: 3455

醒目開學勳章

13^#

發表於 10-9-3 17:57 |只看該作者

樓主:

七個字形容你: 生在福中不知福

私人傳訊

小manman

翡翠宮

積分: 81270

14^#

發表於 10-9-3 21:14 |只看該作者

一個咁神經質的女人,老公唔走都偷笑喇!!!

要人愛你,你都要諗下自己有乜野值得佢愛先得架!!!

你的行為淨係睇都已經覺得你煩到嘔,真係難為你老公,你既然咁唔信任佢,不如,你放生佢放生自己喇!!!

坦白講,對住你真係好辛苦,真係比你逼到人都癲,你老公根本就唔係唔愛你,只係你的行為令你老公越黎越唔愛你,甚至覺得你好煩厭~~~

你依架要做既並唔係做d乜野去討好你老公,你只需要唔好再煩佢,做番一d正常老婆做的野就已經好足夠,因為你依架做緊的野好唔正常~~~

呢個世界唔係得你老公一個人,點解一日到黑都要懷疑佢???你不如花多d時間關心下你的小朋友,好過成日圍住個老公轉~~~

究竟你明唔明你自己的問題係邊度架姐???

私人傳訊

維港

禁止發言

積分: 55904

15^#

發表於 10-9-3 21:25 |只看該作者

提示: 作者被禁止或刪除內容自動屏蔽

私人傳訊

premum2006

侯爵府

積分: 20718

好媽媽勳章醒目開學勳章

16^#

發表於 10-9-3 22:19 |只看該作者

樓主
你自欺欺人地用"信任"嚟為所作所為自圓其說
總括嚟講
要我學你老公咁"生活"
比死更難受
你知唔知你哩D係"精神虐待"呀
你老公真係絕世好男人
你諗吓點去愛佢好過啦

放低自己，尊重別人
提升內蘊，不為別人為自己

私人傳訊

premum2006

侯爵府

積分: 20718

好媽媽勳章醒目開學勳章

17^#

發表於 10-9-3 22:21 |只看該作者

或者你試吓搵一套1X年前嘅西片睇睇
叫做"危情十日"
個女主角都好"愛"個男主角架

[ 本帖最後由 premum2006 於 10-9-3 23:07 編輯 ]

放低自己，尊重別人
提升內蘊，不為別人為自己

私人傳訊

yauyaubb

大宅

積分: 3921

好媽媽勳章

18^#

發表於 10-9-3 22:31 |只看該作者

恕我直言 ,你係一個只顧自己感受既人 ,你無從你老公既角度去唸下,你老公

私人傳訊

檬檬魚

別墅

積分: 639

19^#

發表於 10-9-3 22:41 |只看該作者

你同以前既我好似, 但我冇你咁誇張, 因為我老公出親街無論返工定去玩, 我一定唔會打比佢, 佢走自然打比我, 只係我有時話佢唔陪我, 我老公已經覺得大壓力走去同第個女人上床搵人關心, 如你老公到而家都冇第個, 你真係好幸福, 放鬆d自己啦, 如果個男人要對你不忠, 你係點都冇用, 佢一定有時間, 冇錢都可以對你不忠, 就好似上次我老公同個女人開房都係個女人比錢, 呢個世界咩事都會發生, 你真係控制唔到咁多架, 我而家都學識放開自己, 開心應該係自己令自己開心, 唔應該等人地比你架, 我放開之後同老公關係好左好多, 但我未肯定會唔會離婚, 但起碼日子會好過d, 你煩少d佢, 反而係佢會成日搵你打電話比你, 如果你而家同老公既生活方式咁辛苦, 點解唔試下第個方式, 你要記住, 你老公唔會因為你check佢懷疑佢而怕左你, 你只會迫佢對你不忠...

私人傳訊