吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔想因為唔想俾小朋友99湊而唔生...但係......(長篇) ...

婆媳關係今日: 0|主題: 27700

收藏本版

發帖

返回列表

跳至頁

查看: 3430 | 回覆: 40

唔想因為唔想俾小朋友99湊而唔生...但係......(長篇) [複製鏈接]

12 3

asyura

複式洋房

積分: 455

1^#

發表於 10-9-8 09:23 |只看該作者 |倒序瀏覽 |打印

未結婚前99已經聯同佢地既親戚向我地施壓, 要我地早日結婚生仔
又話咩有仔趁嫩生, 趁99仲後生可以幫你地湊大..........
我同c6一早有共識唔想請工人湊, 但都唔想俾雙方父母湊........
我梗係最想自己湊啦, 但在公在私, 我都冇可能辭工唔做, 至少未來三至四年都唔可能
而我99本來幫開佢個女湊既, 後尾個外孫女大個升小學,99已經睇唔到佢既功課, 佢個女就請工人湊同請補習老師, 雖然佢地都住得近, 但99仲係好唔鐘意, 又成日怪個女做咩唔請補習老師去99屋企, 等佢可以繼續湊
唔知係咪咁, 我99更加希望我地早日生仔, 成日叫我地生, 又話生左後可以點湊點湊, 但根本係佢自己一廂情願係到講
而我c6又唔知係咪見佢媽冇左個外孫女湊覺得可憐 (其實我唔明有咩咁可憐, 但99又係c6面前喊晒咁), 同埋99冇咩朋友, 佢好似想生左後俾99湊.......

我好唔開心, 我係絕對唔會俾99湊的
1. 我地一個住新界, 一個隻九龍, 我同c6工作時間唔穩定, 好多時都好遲先走得........我唔想星期六日先見自己個仔
2. 先唔好講新式同舊式湊法, 我見佢湊外孫女時, 有好多教法我都唔認同, 我好驚我小朋友第時會俾佢地寵壞兼變得毫無公德心可言, 但c6唔覺得啲教育方法有問題.........但明明結婚前佢都話過唔想我地個仔, 好似99寵個外孫女咁寵壞晒..........

我又擔心過多三至四年先生, 年紀大已有心無力了.......而且過幾年我都未必辭得工.......

放育嬰院真係唔駛諗, 佢地一定唔會俾我咁做

我本來諗過俾自己媽咪湊, 因為我媽咪管教好嚴 (當然對住外孫會唔會變未知啦), 但至少自己媽咪, 有咩事可以開聲

但媽咪本身有工返緊, 雖然我開聲佢實肯辭職, 但99實大條道理要我地俾小朋友佢湊

我有諗過唔生算了, 但我本身好鐘意小朋友, 見到自己個妹個仔咁得意, 都好想生, 但一諗到湊仔問題就唔想生了

如果生左後我一意孤行, 一定會破壞我同c6既關係, 亦會破壞左我同99間平靜既關係 (不過俾佢湊都一樣會)

佢地而家越係逼得我緊, 我就越想反抗同反感......

請問可否分享如何才可獲得c6支持??

0 0 0

私人傳訊

bastet

伯爵府

積分: 16747

春季勳章好媽媽勳章

2^#

發表於 10-9-8 09:31 |只看該作者

我睇到樓主你寫咁多野, 你自己都唔知想點,
想生? 又話要返工.
咁搵人湊? 又唔想比老人家照顧 (99 /自己mami)
請工人? 又唔想
nursery? 又唔好.....

then, 只有唔生囉......但你又想生
不如你諗清楚先啦! 但凡事有得必有失.
唔明要獲得老公既乜野支持, 唔通你覺得佢地迫, 真係會迫到你生咩? 我覺得唔得囉!

[ 本帖最後由 bastet 於 10-9-8 09:34 編輯 ]

今晚又OT!!!!

私人傳訊

cy101

琥珀宮

積分: 188218

2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

3^#

發表於 10-9-8 09:36 |只看該作者

又唔係同住, 大家一家一主, 有咩問題? 妳自己夠硬淨就得la, 兒女係自己既, 一世都受佢影響來決定生定唔生?

私人傳訊

安室だがな

公爵府

積分: 28938

好媽媽勳章醒目開學勳章畀面勳章

4^#

發表於 10-9-8 09:48 |只看該作者

最好同老公講好先決定生唔生,我結婚當日係我99未開口前已經講明生bb就一定要自己湊,唔會比老人家湊
不過以你依家甘,最好唔好生住.....

私人傳訊

whitecatcat2002

大宅

積分: 3095

5^#

發表於 10-9-8 09:51 |只看該作者

樓主，其實你好想生，只係唔想俾你奶奶湊

既然唔想俾就唔好俾，你係媽咪，絕對有權自己安排，最緊要搞掂你先生，同一陣線，奶奶有乜埋怨，都由你先生頂住。

至緊要令你先生明白俾你奶奶湊既「壞處」（個外孫女就係最好既人版）

你先生話佢阿媽無得湊外孫女慘，你話「第日個ＢＢ俾奶奶縱到壞晒，我地兩公婆重慘呀！」

私人傳訊

EVA222

禁止訪問

積分: 81485

6^#

發表於 10-9-8 10:11 |只看該作者

提示: 作者被禁止或刪除內容自動屏蔽

私人傳訊

asyura

複式洋房

積分: 455

7^#

發表於 10-9-8 10:30 |只看該作者

唔好意思, 可能頭先太急同亂所以自己都講得好亂
基本上生仔呢樣野由我地結婚前到結婚後, 我地計劃都有所轉變, 諗法都變左
我係好鐘意小朋友, 好想自己湊, 但我目前冇法子做到呢樣野
我同c6本來諗住呢兩年生的了, 但暫時未講到邊個湊, 但都有共識係呢兩年既事
因為佢堅拒工人關係, 而我地同媽咪住同一個屋企苑, 我諗住由媽咪日頭湊, 夜晚同放假都自己湊, 後尾睇呢到知道育嬰院都有諗過, 但因為我地工作唔定時, 俾育嬰院個機會好細
但唔知點解自從99冇得湊外孫女後, 我c6諗法變左好多
我知道99好多時會打電話俾c6, 我唔知佢講過咩, 只聽過c6打電話俾佢家姐, 叫佢有工人都要成日帶個外孫女過去俾99見, 又成日同我講99點慘, 仲有意無意間講到好似俾我地個仔99湊都冇所謂咁
c6之前都覺得99同62寵壞個外孫女, 但有次個外孫女當眾扭玩具, 扭到喊晒, 6299即刻順晒佢意
之後我同c6講, 佢地太錫個外孫女, 我c6即刻話唔錫佢錫邊個?
以前佢一定會認同, 同覺得佢地太寵個小朋友........
而家佢好似好認同99佢地管教方式, 又唔覺有問題, 又唔再聽到佢覺得6299太寵小朋友......我好驚........

雖然話仔女係我生梗係我話事, 但盡可能都唔想破壞同c6關係

如果c6唔想俾99湊, 咁99除左俾說話我地聽, 親戚向我地施壓, 我都冇所謂

所以我好想可以令c6回心轉意

琴晚同6299食飯, 佢地先又話邊個邊個又生左個仔, 個位又抱孫.......99又係到幻想到時點幫我地湊, 我地賣左而家呢到搬近佢地 (佢已經成日話我地層樓升左幾多, 而家放賺幾多, 又成日講佢個區邊到賣幾錢........), 我c6冇點醒佢不特止, 仲講笑話到時你唔好話湊又嫌困身, 我地唔理架啦......

我唯有即刻話邊有咁快呀, 我地而家生啦咩?

跟住99又繼續催生仔........我唯有扮睇電視唔應佢.........

私人傳訊

bastet

伯爵府

積分: 16747

春季勳章好媽媽勳章

8^#

發表於 10-9-8 10:43 |只看該作者

其實樓主有冇同老公講過唔想奶奶湊呀? 係當面地講清楚? 好似你冇show 到你唔想比奶奶湊bor !

你老公心軟, 又覺得奶奶可憐, 但你都要同佢認真傾傾, 唔好叫佢再比期望奶奶啦.....

今晚又OT!!!!

私人傳訊

lily_liu817

水晶宮

積分: 64441

wyeth冷知識勳章好媽媽勳章醒目開學勳章畀面勳章環保接龍勳章大廚勳章

9^#

發表於 10-9-8 10:47 |只看該作者

生唔生, 生左俾邊個湊都好需要兩公婆傾好, 大家有共識先可以, 唔可能話想生就生...
係呢版樓主都應該睇到好多婆媳為bb 湊法問到而關係惡化, 小朋友一出世係一張白紙, 佢學成點係好睇湊佢果個, 見過有d 父母會由得小朋友係大街大巷商場訓晒地扭買野都唔理唔話, 見佢咁仲即時買俾佢, 有d 會即時出手打佢or 話佢仲要點扭都唔買!!真係好睇你想小朋友變成點~~99湊你要預左湊法上你無得say!!
你唔想請工人又唔可能辭職又唔放去育嬰院, 咁搵保姆湊得唔得? 生仔呢家野無人可以迫到你....仲有你99無得湊就可憐咩, 我夠可以話俾左個b 你湊湊到佢脾氣壞晒我仲可憐啦~~
樓主你諗清楚你最想o既做法係點, 你係想生o既就要好好同老公計劃下傾下...加油呀!!
p.s 你係bb 媽媽, 除左你無人可以有權安排bb o既野.

原帖由 asyura 於 10-9-8 10:30 發表
唔好意思, 可能頭先太急同亂所以自己都講得好亂
基本上生仔呢樣野由我地結婚前到結婚後, 我地計劃都有所轉變, 諗法都變左
我係好鐘意小朋友, 好想自己湊, 但我目前冇法子做到呢樣野
我同c6本來諗住呢兩年生的了, 但 ...

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

10^#

發表於 10-9-8 11:01 |只看該作者

恕我直言, 我覺得你case係無論你點做, 都一定會被99話.

與其係咁, 不如揀一個自己最想最舒服方法, 反正都會被佢話你, 點解仲要迫自己做最唔想做事(比99湊)?

強烈建議你想想能否全職湊bb才決定生. 如果唔得就唔好生住~

私人傳訊

美亞

禁止發言

積分: 16954

11^#

發表於 10-9-8 11:12 |只看該作者

提示: 作者被禁止或刪除內容自動屏蔽

私人傳訊

beagledog

大宅

積分: 3828

12^#

發表於 10-9-8 11:16 |只看該作者

有咩直接講, 唔講人地以為你冇所謂 = 同意佢地做法.

你一開始唔講已經有問題, 一陣佢地下次下下次又講, 你都唔出聲, 到某一次你出聲,佢地就會覺得你之前又唔講自己想點, 隔左咁耐先反對, 仲會覺得你麻煩,唔一早出聲.

由呢d小小野, 積下積下就係你地將來關係差的開始.

私人傳訊

pomanlife

彩鑽殿

積分: 583226

2024年龍年勳章 2024勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

13^#

發表於 10-9-8 11:18 |只看該作者

樓主, 青春緊要, 還係你事業緊要呢????

女人隨左年紀增長懷孕既機會下降, 既然你鐘意小朋友, 又覺得99教養小朋友唔好, 為何不放棄自己既事業. 做返個全職媽咪????

睇黎你既情況, 只有你做全職媽咪, 先可給bb最好.

私人傳訊

jamie_gd

別墅

積分: 748

14^#

發表於 10-9-8 11:48 |只看該作者

樓主, 你要分析俾你c6知俾99湊嘅弊多過利
現時你哋住梗嗰陣比99住嗰喥, 返工邊個方便, 仲有就係第時返學邊喥好, 呢D你要安排好先同c6講
係呀, c6可能覺得家陣99咁教外甥女無問題, 咁你就唔好用外甥女做例子, 你要出街時用人哋嗰d做例子, 睇佢嘅睇法係點
如果佢認同99但唔認同人哋, 咁佢咪有雙重標準囉, 你就已經可以反駁佢啦

其實我自己係一個在職mama, bb俾婆婆湊, 因為我响香港返工同住, 婆婆住九龍
但要轉車, 所以我都係逢星期三先返去睇bb, 星期五湊走
不過呢d你唔好俾c6知, 因為我俾婆婆湊當然亦係唔想99湊啦
好彩c6一直都唔會旨意搵99湊, 佢都同意我俾婆婆湊
而c6亦知媽咪仲有返part time, 佢返part time嘅時候會將bb俾佢朋友睇
呢d c6亦都唔反對, 總之bb唔係有咩事, 佢係唔反對婆婆點湊bb

私人傳訊

tantanmama

公爵府

積分: 28707

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

15^#

發表於 10-9-8 14:09 |只看該作者

其實你都可以考慮放育嬰園, 每朝返工前送bb返學或湊去你媽屋企, 請你媽咪幫你湊返學放學, 你每日放工後去你媽度食飯同湊bb返屋企, 咁就唔洗俾你99湊, 唔洗你媽湊全日咁辛苦, 你每日放工都有親子時間. 對99解釋就話育嬰園好多好處, 例如bb自理同社交能力好d, 報幼稚園都著數d. 為咗bb將來讀書咁大個理由, 你99都好難反駁. 而你媽住得咁近, 理所當然揾佢接放學而唔洗99咁奔波日日黎幫手湊啦.
至於說服你老公, 呢樣就要靠你喇, 要做人媽咪就要先學識硬淨, 因為你要為咗bb好而要對6299&老公作無限抗爭. 你可以明言, 如果要俾99湊就唔會生, 叫你老公唔好諗住生咗就反口俾99湊, 否則到時盞兩公婆嗌交. 而你99再話要湊, 你要放定風先, 可以輕描淡寫咁話, 你地打算放bb去育嬰園. 佢實會諸多意見, 你老公亦唔會幫你, 你自己要堅持. 唔洗怕因此破壞同老公嘅感情. 如果你老公為咗氹99開心, 就妄顧你同bb嘅幸福, 呢個老公有幾愛你? 你自己諗下值得為佢付出乜嘢.

私人傳訊

爾邊峰

別墅

積分: 727

醒目開學勳章

16^#

發表於 10-9-8 14:54 |只看該作者

原帖由 tantanmama 於 10-9-8 14:09 發表
如果你老公為咗氹99開心, 就妄顧你同bb嘅幸福, 呢個老公有幾愛你? 你自己諗下值得為佢付出乜嘢.

你呢句好"么心", 講中我死穴.
係唔係離婚會好d? 但已有2個小朋友...

私人傳訊

MandyLau921

大宅

積分: 1673

17^#

發表於 10-9-8 15:41 |只看該作者

我知道bb出世後比邊個湊係一個好大既問題, 但亦都係呢一個問題, 令你delay左生bb既計劃, (你自己都講自己好鐘意bb), 有時世事無完美, 要去諗清楚邊樣重要, 將壞既後果減到最低咪得law….
一定要共識, 有人讓步, 如果為左呢個問題而唔生, 我覺得好可惜…..

我62都退左休, 我同老公共識左, 唔會比62湊, 唔想多argue, then老公都好明白, 大家湊bb方法一定會有gap, 同自己媽咪都一定會有, 因為年代已經唔同, 好多野都已經唔係咁樣教

我而家請左工人, so far工人都ok, bb下個月出世喇….
希望你都能夠快d解決問題, 生番個小b啦…….

私人傳訊

jesuslovesyou

男爵府

積分: 5103

育兒性格勳章

18^#

發表於 10-9-8 15:47 |只看該作者

原帖由 tantanmama 於 10-9-8 14:09 發表
如果你老公為咗氹99開心, 就妄顧你同bb嘅幸福, 呢個老公有幾愛你? 你自己諗下值得為佢付出乜嘢.

AGREE!! 忍唔住要出下聲....

樓主，想生就生啦!! 女人可以生BB 的日子唔多ga....!

我都有諗過你諗的問題 (我未結婚..@@)
而我會覺得，理得人丫!!

你堅持要自己湊就OK。正如樓上MAMI 話︰呢個世界無十全十美，有得必有失。若你想自己湊，就無左份工，亦預左99有說話聽....

但你對比, 湊BB的快樂~ 就乜都唔重要了!!

若你老公堅持要比99湊，滿足99既幻想

，

咁你問你C6︰你結婚為乜？為左生個bb 滿足你阿媽？你乜都為你媽，有冇諗過我O地？依家邊個係爸爸媽媽？若你阿媽咁想湊囝，得!!! c6 你返去比你媽湊囉

!! 你先係99個囝呀!!

o係你地有BB前，
你好快D 叫你c6, 同99講, 你地會自己湊啦。
不然到你有左，你99 日日係咁煩你, 你就弊!
你記住︰你係阿媽, 你有最大權決定由邊個湊B~~

大佬....安全理由....若99 整親阿b, 點算!!

真係好怕呢d 老人家....諸多幻想....!!!

仲要控制埋人地住邊!!

你99 真係自我中心得很!! 你地唔可以再縱佢啦!!

你問你c6囉︰結婚為乜？二人建立獨立家庭，好多野應由二人決定，連住邊都要99安排？我地仲細咩!!! 依家唔係唔理99，而係人大了，獨立，重要事情由自己決定!

私人傳訊

asyura

複式洋房

積分: 455

19^#

發表於 10-9-8 17:06 |只看該作者

唔好意思, 冇講清楚
其實係我地住新界, 6299住九龍
我同c6係港島返工
我地未結婚前同居過一段日子, 由c6求婚後買樓自住同搞結婚既野
一開始冇諗過買近我父母, 當然亦冇諗過買近佢父母, 本來諗住買港島
後尾c6同我睇過而家住緊到, 我幾鐘意, 但冇諗過買, 因為我覺得對我同佢都應該要公平, 不過個時我地港九新界都有睇, 當拍拖節目同增加經驗啦
點知c6偷偷地落左訂
佢話知我同屋企人關係好好, 唔捨得離佢地咁遠, 咁佢不嬲唔點痴屋企, 所以就我冇所謂
我個時好感動架, 雖然99知道後好唔鐘意, 又試過俾說話我地聽 (但其實買樓前問過雙方父母都話由得我地架.......跟住買左佢又有所謂......), 但我都冇所謂, 因為有c6支持
後尾經歷過問99拎返key事件, 裝修傢俬事件, 結婚擺酒事件等, 都有因為咁同c6嘈過, 但佢始終有幫我做野, 我都好感激佢

但唔知係咪搬開左住, 同埋99而家成日係c6面前扮孤獨老人吧? 我開始覺得c6越來越覺得99咩都岩 (定唔敢開聲話佢)

其實結婚前c6係唔想生小朋友的, 佢唔鐘意小朋友的, 反而好鐘意小動物, 我同佢掉轉
結果佢完全冇養小動物, 就算我話養, 佢都話唔好, 因為我本身好易敏感 (皮膚, 鼻同氣管都係)

c6都算幾就我的了, 所以我唔想破壞我地之間既關係, 亦唔想逼迫佢
在c6來講, 可能我同佢講唔生仲易過生左後堅持唔俾99湊..........因為c6不嬲都覺得冇小朋友都冇所謂

我諗我真係要好好諗清楚..........我唔想生左個小朋友出來做磨心, 或者要佢係吵鬧中成長

不過現階段我真係冇可能唔做野......

私人傳訊

jesuslovesyou