自由講場

跳至

首頁
12

尾頁
   0


男爵府

積分: 6278

好媽媽勳章 醒目開學勳章 畀面勳章


發表於 10-9-15 00:52 |顯示全部帖子
我個女比人地湊左好幾年, 今年升小一正式返黎屋企住!!
細佬出世半年以黎, 佢都好地地......係間唔中呷下醋!

初頭都預左佢唔適應, 要好好咁陪佢............但我地發覺愈氹愈要求多!!
什至要求日日見以前湊過佢既人, 雖然我地每個星期五六日, 都會比佢過去訓, 但次次返黎到屋企門口就喊!!
問題係佢應承左你, 返到黎又喊!!

到今個星期我終於忍唔住, 同佢講唔好再去喇! 我都好攰, 唔想次次佢去完我都要氹佢一大餐!!
第二日接佢放學, 佢就係校務處唔肯走, 自己打比以前既姐姐, 又喊住要我見佢班主任, 要我一定要再比機會佢!

傾完一大輪!!
可怕既事, 轉果頭佢完全扮無野, 見完老師之後就開開心心咁放學, 返到屋企又唔會抗拒!
但第二日返到學校, 又繼續喊, 話唔想跟我地既時間表!

佢可以夜晚同你傾好, 第二日唔鐘意就搵老師!
但搵老師/ 社工既時候, 可以講好多大話黎博人地同情.......今日居然講, 男人好咸濕, 個個都好衰, 以前有個哥哥非禮佢!!

佢可以講到好似真一樣, 個個都比佢嚇親!!
但當然事實唔係咁!!!

我朋友話佢好病態, 當得唔到/ 達唔到自己要求/ 希望人地關心, 佢會講一d唔合乎年齡既說話, 或者係佢幻想出黎既野! 黎博取其他人對佢既關心!!

我自己就覺得, 佢當我敵人多d!! 佢會同我比較, 連房既大小/ 冷氣既大小都要講, 佢專登同其他人講野, 但只會斜視我, 睇下我有無望住佢!

我真係唔覺得佢係長頭草咁簡單, 佢人前人後既變化太大喇!


大宅

積分: 1470


發表於 10-9-15 00:56 |顯示全部帖子
哇,點解搞成咁..我想,你可唔可以同佢去果邊住二日了解下情況?
心理醫生真係幫到?


大宅

積分: 1470


發表於 10-9-15 00:58 |顯示全部帖子
又或者,會不會是當初佢太唔願意而又唔明你沒有辦法下至送佢比人湊?佢接受唔到下想歪左件事?
你是否有二個小朋友只佢一個比人湊??
如果係,我想你要先解釋返當初既情況比佢知先..同埋話比佢知自己好擔心佢而家既行為..


珍珠宮

積分: 43012

大廚勳章


發表於 10-9-15 01:01 |顯示全部帖子
兒童心理學家應該幫到,我記得之前雜誌介紹過,有個叫施敏珊(唔100%sure個名, 係施祖祥個女),佢處理D心理有問題的兒童,好似幾掂的,不過唔知點搵到佢.


公爵府

積分: 26105

2024勳章


發表於 10-9-15 01:03 |顯示全部帖子
係law, 佢會唔會以為你曾經唔要佢? 所以做一d野引你地注意...


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


發表於 10-9-15 01:24 |顯示全部帖子
原帖由 Since2006 於 10-9-15 00:52 發表
我個女比人地湊左好幾年, 今年升小一正式返黎屋企住!!
細佬出世半年以黎, 佢都好地地......係間唔中呷下醋!

初頭都預左佢唔適應, 要好好咁陪佢............但我地發覺愈氹愈要求多!!
什至要求日日見以前湊過佢既人, ...
樓主意思係, 小朋友幾年都冇返屋企住 ?

如果係咁, 佢掛住湊佢嘅, 要扭計, 都非常正常。

仲有,我唔會一口咬定小朋友係講大話先, 否則真係有問題, 做父母錯過左就返唔到轉頭。

仲有, 小朋友小一只係一個人仔, 生活又有改變, 又多左個bb, 引大人注意亦好正常, 只係用錯左方法, 呢樣野係要傾, 而唔係一味諗小朋友唔正常

言語之間, 感覺到樓主都係d好易唔耐煩嘅人, 小朋友好易feel 到的

港英餘孽生活態度~係咁牛精架喇~點吖


男爵府

積分: 5610


發表於 10-9-15 02:54 |顯示全部帖子
我覺得小一其實已經好大,好識得掌握大人嘅關係同情緒.
無論樓主個小朋友有冇講大話,顯然樓主已經束手無策了.見心理專家唔係乜野咁嚴重嘅事,話唔定問題出響家長度.
我諗起好耐以前我的一個補習學生,她當時讀小二,細個又係俾人揍,番到媽媽身邊就好多情緒問題,因為保姆果家人自從接左佢之後成日贏馬,所以好就佢,餐餐瀨尿蝦.佢番左屋企之後,一樣要餐餐瀨尿蝦.最奇怪係,佢默書錯一個字會大發脾氣,自己罰自己抄幾十次,好掹.我最後都建議佢媽媽帶佢睇心理.


水晶宮

積分: 51853

牛年勳章 好媽媽勳章 醒目開學勳章 畀面勳章 環保接龍勳章 大廚勳章


發表於 10-9-15 02:58 |顯示全部帖子
囡囡話唔想跟你地時間表~
咁其實實際上你家同囡囡以前寄住既家的生活有何不同~?咩事佢要咁'懷念'以前既生活~?抗拒而家既生活~?


子爵府

積分: 13401


發表於 10-9-15 07:04 |顯示全部帖子
我都見識過咁樣既細路, 佢4歲幾單親家庭, 又係鐘意係無中生有, 佢打完小朋友立即轉身扮可憐大喊向身邊大人投訴, 七情上面, 又鐘意講大話, 連佢阿媽都覺係


珍珠宮

積分: 44999

好媽媽勳章


發表於 10-9-15 07:25 |顯示全部帖子
這6年來你都無乜湊過大女, 佢唔想跟你, 甚至反叛你, 很正常喎.

至於是否被人非禮, 我會好好查證先, 唔好咁快就一口咬定佢講大話, 以免心理陰影無法解決影響一世.


子爵府

積分: 11806


發表於 10-9-15 07:33 |顯示全部帖子
見醫生好的,相信佢地有一套方法教你的,咁你又有無同老師講呀 ??? 應該老師都要配合的


琥珀宮

積分: 186443

2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


發表於 10-9-15 07:41 |顯示全部帖子
個小朋友都好aTTENTION SEEKING!! 內裏原因我想都几COMPLICATED, 慢慢同心理DR傾下la; 對比番以往, 現在生活模式, 佢心裏缺乏D咩(應該都係愛, 安全感, 注意力等等), 等佢明白唔應該用佢既方法去得到呢D野!! 試下多d親子活動!


子爵府

積分: 11204

好媽媽勳章 大廚勳章


發表於 10-9-15 08:49 |顯示全部帖子
1.升小一係一個好大轉變,就算一直在你身邊生活的小朋友,都需要時間適應

2.離開了照顧她好几年的姐姐也是一個大轉變


3.細佬係咪一直都係媽媽揍呢,如果係,仲大件事,她會覺得,點解細佬一直是坐係屋企

我都覺得需要見見醫生


珍珠宮

積分: 41995


發表於 10-9-15 09:12 |顯示全部帖子
比人湊了咁多年, 有咩事父母都唔係身邊, 第一時間出現幫忙, 給一個擁抱, 分享, 囡囡感覺妳地的關係較冷淡, 疏離, 係最常.

一前人後兩個樣, 當妳地兩個人時, 佢又點答妳為何說謊.

放學假期會做什麼, 但小不免會同以前生活,較 如湊她的人好錫她.

妳啱啱回來妳地身邊, 建立好的關係最緊要, 做先.

[ 本帖最後由 LILY媽咪 於 10-9-15 09:14 編輯 ]


男爵府

積分: 5520

醒目開學勳章


發表於 10-9-15 09:27 |顯示全部帖子
原帖由 Since2006 於 10-9-15 00:52 發表
我個女比人地湊左好幾年, 今年升小一正式返黎屋企住!!
細佬出世半年以黎, 佢都好地地......係間唔中呷下醋!

初頭都預左佢唔適應, 要好好咁陪佢............但我地發覺愈氹愈要求多!!
什至要求日日見以前湊過佢既人, ...


咁你囡囡, 由細 到 升小一前, 你每個week 有冇接佢返自己屋企住ar? 一個week 探佢幾多次 ?? 個陣的囡囡穜唔穜意跟你r?
我只係想了解多d ..


珍珠宮

積分: 38391


發表於 10-9-15 09:36 |顯示全部帖子
比人湊大都係麻煩多多架啦,就算唔麻煩,我未見過名列前矛果d係比人湊大架囉,可能我見識少啦!希望各位唔係迫於無奈唔到最後一步都唔好將仔女比人湊!日湊都勉強講得通,日夜湊真係


珍珠宮

積分: 38391


發表於 10-9-15 09:39 |顯示全部帖子
原帖由 LILY媽咪 於 10-9-15 09:12 發表
比人湊了咁多年, 有咩事父母都唔係身邊, 第一時間出現幫忙, 給一個擁抱, 分享, 囡囡感覺妳地的關係較冷淡, 疏離, 係最常.

一前人後兩個樣, 當妳地兩個人時, 佢又點答妳為何說謊.

放學假期會做什麼, 但小不免會同 ...
比較就一定架啦!人地湊你,從來都唔敢打鬧管教,細路哥唔明白,咪覺得人地好囉!最大獲都係同細佬比,可能覺得父母錫細唔錫佢!


侯爵府

積分: 21825

好媽媽勳章


發表於 10-9-15 09:40 |顯示全部帖子
今日居然講, 男人好咸濕, 個個都好衰, 以前有個哥哥非禮佢!!

佢可以講到好似真一樣, 個個都比佢嚇親!!
但當然事實唔係咁!!!

點解樓主你咁快否定小朋友嘅說話呢? 我覺得係唔係應該再引導小朋友說出更多心底話呢? 平時唔係你湊, 你有無習慣同佢談天說地嘅呢?


男爵府

積分: 6278

好媽媽勳章 醒目開學勳章 畀面勳章


發表於 10-9-15 10:25 |顯示全部帖子
原帖由 choison 於 10-9-15 00:56 發表
哇,點解搞成咁..我想,你可唔可以同佢去果邊住二日了解下情況?
心理醫生真係幫到?

我只比佢星期五六日返過去, 係因為果家人講好多負面說話, 我好怕佢地有意無意講間學校唔好, 因為佢地之前講過師資唔好!!

所以只可以比果邊既人, 星期一至五, 過黎探佢! 但只係人家都唔得閒!


男爵府

積分: 6278

好媽媽勳章 醒目開學勳章 畀面勳章


發表於 10-9-15 10:30 |顯示全部帖子
原帖由 choison 於 10-9-15 00:58 發表
又或者,會不會是當初佢太唔願意而又唔明你沒有辦法下至送佢比人湊?佢接受唔到下想歪左件事?
你是否有二個小朋友只佢一個比人湊??
如果係,我想你要先解釋返當初既情況比佢知先..同埋話比佢知自己好擔心佢而家既行為.. ...


初初比人湊佢都有成日搵我, 但到細佬出世前, 我已經表明要接返黎住! 因為想細腐出世前, 比佢感受.........呢個家有佢先!!

但因為果邊既人極力反對, 佢地唔想我奶奶湊!! 所以連我個女都出口話, 麻麻湊唔到兩個!!

之後我就連情緒都有問題, 一定要佢返黎, 最後, 本來要佢幼稚園一畢業就要返黎屋企, 但佢地都帶左佢去玩 (都可以話我無企硬, 由得佢玩!)

首頁
12

尾頁

跳至