細b係9月11日37週1出左世,得1.87kg唔夠重仲未知幾時出院。
生細B過程:
9月10日收工後去家姐度接回亞女,回到家約8點左右,開始肚痛,那種痛係同平時好唔同,於是等埋老公收工返來就入院,去到瑪嘉烈產房11點幾姑娘check左話開左2度要入院,之後駁機顯示10分鐘痛1次,但我自己就完全唔覺得痛,每1小時check 1次血糖度數,4小時打1支抗生素,成晚冇睡過,直到早上7點半醫生來check都係開2度,問我有冇肚痛我話完全唔覺得肚痛,醫生就話帮我穿水,7點50分穿左水,8點10分肚痛,聞笑氣同打左止痛針,細B係8點48分出左世。因亞B細冇剪下面,但都爆左少少,聯左幾針,傷口唔痛。但因為細B得1.87KG唔夠2KG要住嬰兒特別護理病房睡箱冇得出院,醫生話要2星期先出院,我就自己出院先,擠左人奶叫老公每日早上6點幾拿去醫院給細B,之後返工。自已就隔日回去喂人奶,希望細B下星期夠重可以出院。
[ 本帖最後由 多可靚媽 於 10-9-15 13:42 編輯 ]
我有2個寶貝女,大女任何牌子既奶粉都飲,細女飲雅培3號,有1仔1女八哥狗。