大仔大女媽媽會 今日: 0 | 主題: 177860

積分: 2044

1^#

發表於 10-7-8 23:29 |只看該作者 |倒序瀏覽 |打印

(以下內容係抄自本人在08年8月1日在0806媽媽會中的post, 今年第二胎都有用呢個方法, 覺得非常有用, 所以再同各位新手媽媽分享此內容)

如何幫人奶B(或奶粉)戒夜奶 (必看)

我個B終於戒左夜奶喇, 岩岩好八週時間, 宜家佢一覺訓到八小時, 我終於可以一覺訓天光, 好興奮

你地D人奶B戒左夜奶未呀? 我係跟住本書黎做, 佢話人奶B 6-8週可以戒夜奶, 我7週時才開始跟本書做, 宜家岩岩好8週戒左喇, 如果冇呢本書, 我阿B肯定1歲都仲飲緊夜奶, 因為我之前方法錯晒......

下面我已寫左方法出黎, 可參考, 很有用!!

我阿B d時間以前都好似你阿B, 半夜3點幾會起一次, 有時4點, 但後來我花左幾天時間, 硬性調整佢d飲奶時間, 就係朝早第一餐開始計, 當你七點第一餐, 跟住之後就每三小時餵一次, 每次都要確保佢飽為止, 唔好俾佢飲少少就訓, 幾日後佢會慣左呢個生理時鐘, 即係7am, 10am, 1pm, 4pm, 7pm, 10pm, 3am, 時間未到就算佢喊都唔好餵佢, 過得幾日, 佢就會食埋最後果餐(10pm)就自動訓過夜, 但切記就算佢朝早七點冇醒, 你要一定要七點餵佢, 唔好俾佢拖亂左d時間, 咁樣有好多好處, 你可以有預算咁餵佢, 唔洗佢成日喊你都唔知佢係咪肚餓, 同埋咁對佢新陳代謝好好多, 好過d時間亂晒, 本書話戒唔到夜奶既b, 通常都係平時一喊就餵奶, 佢d新陳代謝亂晒, 又點訓天光呢? 同埋你唔洗一定照上面既時間, 你可以set一個岩你既時間, 如果你想8am先起身, 你可以8am, 11am, 2pm, 5pm, 8pm, 11pm然後俾佢訓, 佢終有一次訓過夜架喇, 原理係當佢新陳代謝每天都穩定了之後, 6-8週的bb都會有傾向訓過夜的, 如果你每三小時餵一次, 佢慣了後就唔會亂喊肚餓, 夠鐘先會喊! 真係好準架, 所以一開始你要嚴守呢個三小時定律, 如果餵得一段時間你發覺阿b三小時係唔夠飽, 你可以2.5小時, 但切記無論如何都唔可以短過2.5小時, 任何係2.5小時至3小時之間的時間都可以接受, 跟呢條form去做, 有9成既b都好以係8週戒到夜奶, 仲要係新陳代謝好好, 好健康添(書係咁講).

切記以下幾點原則:
1. 唔好俾佢食到一半訓著, 一定要完整食完一餐, 如果人奶唔夠佢3小時飽, 就用奶樽補30-60cc奶粉或者pump定出黎補人奶

2. 確定佢飽左之後, 未夠三小時(2.5小時可接受)就一定唔好餵佢, 最多抱到佢夠鐘

3. 一旦你set好左佢朝早第一餐既時間, 例如7am, 如果佢半夜5am喊飲奶, 你照俾佢飲, 佢通常飲少少就會訓著, 由得佢訓著, 但7am一定要照舊餵佢, 唔好因為佢5am飲左就唔理佢, 要弄醒佢黎飲, 如果佢真係弄唔醒, 遲一小時(8am)餵都可以接受, 但之後整天既時間表都要遲番一小時喇

4. 每餐飲完奶唔好俾佢即訓, 同佢玩一陣就放佢落床俾佢喊, 喊得幾次佢就會習慣自己入睡, 最好每餐後都有小睡時間, 最好係下次飲奶的1小時前小睡, 咁佢夠鐘就會醒, 但如果一飲完你就俾佢訓, 佢未夠鐘就會醒, 又會係度喊, 咁你會覺得好煩(因為未夠鐘又唔餵得佢)

5. 如果人奶唔夠佢三小時, 一定要補奶, 補到佢飽為止, 但整個餵奶過程最好唔好超過45mins

6. 16週後就可以慢慢拉張番3.5至4小時一餐, 過得幾日佢就可以減左一餐, 因為16週後每天5-6餐就ok, 但每餐既量要多番d, 一覺係訓9-10小時

7. 餵人奶的話, 唔好俾佢一喊就埋身餵, 咁樣反而佢會餐餐食少少, 好快又餓, 生理時鐘又亂晒, 對BB成長都唔係幾好

8. 人奶唔係一喊就餵先會多D, 3小時呢個週期對母乳製造有一定幫助, 我宜家反而多左奶, 多過以前一喊就埋身餵, 曾經很沮喪, 因為佢一喊我就餵, 令佢次次飲少少, 又唔用力, 對乳房刺激唔夠, 我差點面臨越來越小奶的危機

9. BB半夜醒左喊唔好即刻走埋去, 等5-40mins都得, 因為有d bb俾生理時鐘卡住左, 果個鐘數點都會醒下, 咁就要靠父母去幫佢調整番, 如果佢卡住左而你又次次都餵佢, 令佢咁大個都戒唔到夜奶, 對你或BB都太殘酷且唔健康, 你要幫佢先得..............

以上所有都係跟一本叫"從0歲開始"的書做的, 唔係我個人意見, 但我阿B已經係一個成功例子, 所以冇人話餵人奶的B唔可以睡過夜(餵奶粉的B更容易), 跟呢本書做左之後, 媽媽會更加有時間做自己野, 對每日生活更加有預算, 可做家務或者做其他野, 唔洗俾阿B搞亂晒乜都做唔到, 而阿B亦會更加快樂, 唔洗成日因肚餓而喊, 因為你SET左個食奶週期俾佢, 就係3小時食一次, 點解要3小時而唔係4小時? 係專家話3小時呢個週期係最好的, 16週後才可轉到4小時, 我大致上都講晒書中既重點喇, 我未睇呢本書之前, 曾經好唔開心, 同BB都唔係好快樂, 因為佢成日唔飽(一喊就埋身餵), 而我就冇晒預乜都做唔到, 但跟左本書做之後, 學到好多, 宜家係一個快樂的媽咪和一個唔會成日喊, 有預算的小寶寶, 希望你地都可以同我一樣啦

(書既另一PART係講BB清醒與睡眠的週期, 教人點令BB懂得自己入睡, 同佢喊果時點處理, 唔洗又tum又西, 但又要講好長, 如果有人有興趣我就講, 或者俾我抖一抖先.....

)

補充:
這書的宗旨係-->湊仔應該係幸福且快樂的事, 而唔係要產生一個沮喪, 長期唔夠訓的媽媽和一個長期不滿意經常喊又戒唔到夜奶既BB, 這書可助你成為一個快樂媽媽和BB擁有一段快樂且滿足的嬰兒期!

0 0 0

私人傳訊

積分: 2044

2^#

發表於 10-7-8 23:43 |只看該作者

so far我個仔宜家2歲了, 我好興幸當初有俾時間表佢, 因為有了呢個時間表, 呢兩年佢係訓覺方面真係好乖, 夠鐘放佢上床佢自己會訓, 唔會扭計唔肯訓, 宜家2歲了, 仲日日定時小睡兩次, 晚上睡覺同朝早起床都好準時, 全靠我係佢7週時開始俾時間表佢, 很值得的!!

私人傳訊

AngelaBandy

複式洋房

積分: 283

3^#

發表於 10-7-9 00:20 |只看該作者

thanks for your post.
我好想跟住試下, 但我BB係食奶粉, 係咪一樣照做都得?
我BB 宜家第11週, 每餐食5安, 一直都係佢喊先餵, 大概3.5 至4hr 一餐
我可唔可以一set 就set 4hr 一餐俾佢呢?

同埋我都好想知點train 佢自己訓, 呢幾日愈來愈難令BB訓, 之前only 夜晚難tum, 宜家連日頭佢都唔肯訓

私人傳訊

積分: 2044

4^#

發表於 10-7-9 00:42 |只看該作者

你個係奶粉b, 一樣照做, 但就set佢4小時一餐, 例如7am, 11am, 3pm, 7pm, 11pm咁, 冇咩必要就唔好再3.5小時了, 至於訓覺, 你睇我另外一個"教寶寶如何安靜下來"的post==>http://forum.baby-kingdom.com/thread-3248505-1-1.html

你set時間表俾佢, 配合埋教佢訓覺, 咁就perfect了!!!

我用呢個方法train阿仔之後, 一夠鐘放佢上床佢就會好快訓著, 唔洗理佢, 正!!!

原帖由 AngelaBandy 於 10-7-9 12:20 AM 發表
thanks for your post.
我好想跟住試下, 但我BB係食奶粉, 係咪一樣照做都得?
我BB 宜家第11週, 每餐食5安, 一直都係佢喊先餵, 大概3.5 至4hr 一餐
我可唔可以一set 就set 4hr 一餐俾佢呢?

同埋我都好想知點train 佢 ...

私人傳訊

farfeifar

積分: 1492

5^#

發表於 10-7-9 14:26 |只看該作者

我個仔2個半月自己train自己戒o左夜好奶, 呵呵~其實簡單d只要比佢分到日夜佢好好快都會戒到夜奶同易訓d~日頭光d嘈d, 夜晚就暗d同勁靜, 我個仔一入夜靜下佢就會好快訓著~

私人傳訊

積分: 2044

6^#

發表於 10-7-9 16:24 |只看該作者

其實唔單只用來戒夜奶架, 有穩定同固定作息, bb無論日抖同夜晚都可以話訓就訓, 唔洗tum, 朝朝起身時間超準時, 午睡時間都日日一樣, 真係好值得去定時間表俾BB, 對佢將來都有好多好處, BB有穩定作息, 對一D全職媽媽來講好要, 因為唔洗BB喊果時估下估下佢想點, 有晒時間表, 就會知道佢幾時喊係肚餓, 幾時喊係無聊, 同埋幾時喊係眼訓, 咁媽媽D時間就會易掌握好多, 例如定買餸煮飯的時間表, 呢D都要建立係BB的時間表之上, 所以定間表真係有數之不盡的好處.

原帖由 farfeifar 於 10-7-9 02:26 PM 發表
我個仔2個半月自己train自己戒o左夜好奶, 呵呵~其實簡單d只要比佢分到日夜佢好好快都會戒到夜奶同易訓d~日頭光d嘈d, 夜晚就暗d同勁靜, 我個仔一入夜靜下佢就會好快訓著~ ...

私人傳訊

mrs.cho

積分: 2401

7^#

發表於 10-7-9 19:26 |只看該作者

我個仔戒左夜奶．．．．但我好驚，　因為佢有時會由夜晚十一點訓到第二日十一點，　訓足１２個鐘，　其實有冇問題呢？

私人傳訊

積分: 24996

HiPP勳章(1) 2018父親節勳章醒目開學勳章環保接龍勳章 BK Milk勳章

8^#

發表於 10-7-9 20:04 |只看該作者

原帖由 queeniechan2004 於 10-7-9 00:42 發表
你個係奶粉b, 一樣照做, 但就set佢4小時一餐, 例如7am, 11am, 3pm, 7pm, 11pm咁, 冇咩必要就唔好再3.5小時了, 至於訓覺, 你睇我另外一個"教寶寶如何安靜下來"的post==>http://forum.baby-kingdom.com/thread-3248505 ...

我個b食奶粉, 一日4粒鐘/5餐. 若果佢早上6點要食奶, 或者更早, 咁係咪時間照計, 6am, 10am, 2pm, 6pm, 10pm呢?

其實我真係好想佢係依 7am, 11am, 3pm, 7pm, 11pm, 呢個時間我會易handle d.

私人傳訊

積分: 2044

9^#

發表於 10-7-9 20:05 |只看該作者

無問題, 但我好肯定你果個係奶粉b......

原帖由 mrs.cho 於 10-7-9 07:26 PM 發表
我個仔戒左夜奶．．．．但我好驚，　因為佢有時會由夜晚十一點訓到第二日十一點，　訓足１２個鐘，　其實有冇問題呢？

私人傳訊

積分: 2044

10^#

發表於 10-7-9 20:25 |只看該作者

其實首先你要定朝早第一餐時間俾佢, 一旦定左就要持之而恆, 如果你想佢7am, 你就幫下佢, 方法就係如果佢6am醒左要飲, 你就等15mins先俾佢飲, 拖得就拖, 第二日再拖到6:30am, 到你能夠拖到佢7am時, 咁佢全日就可以照7am開始既作息, 咁佢好快就會朝早7am先要食奶.
但記得一旦你決定了朝早第一餐係7am, 就唔好再改, 每朝都要7am俾佢食第一餐, 如果早左少少就拖到7am, 但如果早好多, 例如佢5am就醒左, 就快手餵少少佢就會訓番, 跟住一定一定7am再叫醒佢餵飽佢, 咁就可以跟住全日個作息了, 仲有如果佢遲過7am都未起身, 你都要朝朝7am叫醒佢, 最多等到7:30am先叫佢都可以接受, 但你下一餐盡可能都係11am, 而唔係11:30am, 咁先唔會將全日既作息都整遲左, 果時我set我阿仔8am, 一樣成功(原本佢朝朝6點幾就醒), 有時如果佢真係食左少少就訓左, 等唔到4小時, 3.5小時都可以接受, 任何3.5-4小時之間的時間都可以接受, 如果經常少於3.5小時就要喊食, 你就要檢討下係咪佢唔可以last 4小時呢? 如果係可以tune番去3.5, 睇下會唔會好d.

p.s. 記得好重要就係一旦你定左時間表俾佢, 就算佢訓左, 夠鐘都要叫醒佢食奶, 確保佢食飽, 咁個時間表先可運作, 佢好快會適應到, 真係會好準時起身同喊食架, 我見過既成功例子太多了!! 有咩唔明可以再問我, 我眼見只要有恆心去做的媽媽都一定成功, 俾心機~

原帖由 細芝麻 於 10-7-9 08:04 PM 發表

我個b食奶粉, 一日4粒鐘/5餐. 若果佢早上6點要食奶, 或者更早, 咁係咪時間照計, 6am, 10am, 2pm, 6pm, 10pm呢?

其實我真係好想佢係依 7am, 11am, 3pm, 7pm, 11pm, 呢個時間我會易handle d.

私人傳訊

積分: 24996

HiPP勳章(1) 2018父親節勳章醒目開學勳章環保接龍勳章 BK Milk勳章

11^#

發表於 10-7-9 21:21 |只看該作者

原帖由 queeniechan2004 於 10-7-9 20:25 發表
其實首先你要定朝早第一餐時間俾佢, 一旦定左就要持之而恆, 如果你想佢7am, 你就幫下佢, 方法就係如果佢6am醒左要飲, 你就等15mins先俾佢飲, 拖得就拖, 第二日再拖到6:30am, 到你能夠拖到佢7am時, 咁佢全日就可以照7 ...

你真係好熱心呀~ 謝謝你意見~

仲有個問題..

每日瞓前那餐奶, 我會俾多1oz佢食, 到早上那餐我就會俾番正常. 若依7am~11pm呢個時間表, 係早上+瞓前餐奶需唔需要俾多1oz呢?

私人傳訊

積分: 2044

12^#

發表於 10-7-9 21:30 |只看該作者

你係訓前俾多1oz佢係咩用意呢? 係咪想佢訓耐d? 如果你俾多d佢係會訓耐d的話, 俾多1oz都無問題丫, 但其實你可以試下, 唔俾多1oz, 俾番正常, 其實係咪一樣呢? 如果效果一樣, 就冇必要俾多1oz了~
但我唔係好明點解你想早上+睡前要俾多1oz呢??? 用意何在?

原帖由 細芝麻 於 10-7-9 09:21 PM 發表

你真係好熱心呀~ 謝謝你意見~

仲有個問題..

每日瞓前那餐奶, 我會俾多1oz佢食, 到早上那餐我就會俾番正常. 若依7am~11pm呢個時間表, 係早上+瞓前餐奶需唔需要俾多1oz呢? ...

私人傳訊

積分: 24996

HiPP勳章(1) 2018父親節勳章醒目開學勳章環保接龍勳章 BK Milk勳章

13^#

發表於 10-7-9 21:36 |只看該作者

原帖由 queeniechan2004 於 10-7-9 21:30 發表
你係訓前俾多1oz佢係咩用意呢? 係咪想佢訓耐d? 如果你俾多d佢係會訓耐d的話, 俾多1oz都無問題丫, 但其實你可以試下, 唔俾多1oz, 俾番正常, 其實係咪一樣呢? 如果效果一樣, 就冇必要俾多1oz了~
但我唔係好明點解你想 ...

其實早上 + 瞓前俾多1oz係我個朋友教我, 瞓前俾多1oz目的係想亞b食飽d瞓耐d, 而早上俾多1oz係因為亞b瞓左咁耐, 所以俾多少少.

私人傳訊

積分: 2044

14^#

發表於 10-7-9 22:59 |只看該作者

哈哈, 原來係咁解! 似乎似係心理因素多過d......

其實你開始定時間表俾佢, 就唔洗搞呢d野, 個bb有時間表, 好快就會好穩定, 唔洗唸咁多計仔去搞佢. 有穩定作息無論心情同胃口都會好d添, 到將來去到食固體食物, 有呢個固定作息時間表做基礎, 個bb真係會好好照顧, 減少左媽媽好多疑慮, 風水佬呃你十年八年, 我tony媽就包你成功

原帖由 細芝麻 於 10-7-9 09:36 PM 發表

其實早上 + 瞓前俾多1oz係我個朋友教我, 瞓前俾多1oz目的係想亞b食飽d瞓耐d, 而早上俾多1oz係因為亞b瞓左咁耐, 所以俾多少少.

私人傳訊

積分: 24996

HiPP勳章(1) 2018父親節勳章醒目開學勳章環保接龍勳章 BK Milk勳章

15^#

發表於 10-7-10 11:45 |只看該作者

原帖由 queeniechan2004 於 10-7-9 22:59 發表
哈哈, 原來係咁解! 似乎似係心理因素多過d......

其實你開始定時間表俾佢, 就唔洗搞呢d野, 個bb有時間表, 好快就會好穩定, 唔洗唸咁多計仔去搞佢. 有穩定作息無論心情同胃口都會好d添, 到將來去到食固體食物, 有呢 ...

我會努力, 多謝你意見, 我打算星期一開始呢個時間表, 希望會成功啦, 到時再update你. thx

私人傳訊

積分: 24996

HiPP勳章(1) 2018父親節勳章醒目開學勳章環保接龍勳章 BK Milk勳章

16^#

發表於 10-7-10 15:23 |只看該作者

多謝你嘅意見, 我會星期一早上開始呢個時間表.

其實之前我都有睇過關於呢個時間表, 佢係2個月左右已經開始自己戒夜奶, 我都想幫佢跟ka. 我每晚都約10:30~1100, 但係亞b每朝5點半左右就醒要食奶, 有時我都忍下唔俾佢, 但佢就勁喊, 你都知呢個時候喊係咁擾人啦, 於是又俾佢食囉....

另外仲想問問, 關於掃風問題, 我亞b食完奶, 佢要一口氣食完奶先肯俾我掃風, 有時佢自己瞓著左就掃唔到風, 咁點算呢? 不過佢就好少嘔奶, 我只係擔心佢食完奶唔掃風呢part, 咁有咩方法可以令佢瞓覺都掃到d風呢?

唔好意思, 謝謝幫忙~

私人傳訊

mrs.cho

積分: 2401

17^#

發表於 10-7-10 21:55 |只看該作者

回覆 9# queeniechan2004 的文章

唔係呀, 我個仔係全人奶b, 不過係用樽餵囉, 而家食7oz

私人傳訊

CSHMaggie

男爵府

積分: 5177

18^#

發表於 10-7-15 13:24 |只看該作者

我都想幫囝囝戒夜奶.如果跟你所講,set佢食奶嘅時間,咁頭日佢半夜都會想食,咁係咪照比？

私人傳訊

vinik

積分: 2961

19^#

發表於 10-7-16 09:58 |只看該作者

我地而家都開始7am, 10am, 1pm, 4pm, 7pm 呢個pattern, 問題係最後一餐, 通常BB(3個月大)食完7pm後, 會到9pm先自己訓(佢都好叻, 識自己err err 下訓
o左), 咁我地又唔想太早10pm叫醒佢食, 可能拖到11pm-12pm先食埋最後一餐, 但佢好準時每朝5am醒, 開頭一兩日會喊, 我地試過餵30ml左右, 7am就開始新一日既第一餐, 問題係我地想佢訓到7am醒, 咁最後一餐應該幾點餵, 餵幾多? 佢而家又好似食多o左, 原本每餐食4oz, 我地開始每餐餵多10-20ml , 有試過特登最後一餐餵多少少, 都冇乜分別。

BELIEVE!

私人傳訊