吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 第三者之分享

夫婦情感今日: 0|主題: 42441

收藏本版

發帖

返回列表

跳至頁

查看: 25500 | 回覆: 132

第三者之分享 [複製鏈接]

12 3 4 5...7

newme

大宅

積分: 2589

1^#

發表於 10-10-26 20:44 |只看該作者 |倒序瀏覽 |打印

唔好誤會，我只係想以我經歷勸誡人唔好行差踏錯。
三年前的今日，我結束了持續四年的感情，對方係有一個幾歲大兒子的有婦之夫。認識佢當時我唔知他是已婚，在他追求我時他才承應，不過我好愛佢，大家開始了，起初幾個月，我不停提出分手，但佢對我好好，每次都氹返我轉頭。但係，那四年，當然有開心，但我心裡有罪疚，對他老婆兒子；也有不開心，與他去街好似做賊，要夾時間地點ＡＣＴＩＯＮ，驚撞到他家人朋友。我同佢講過，如果他真的愛老婆，快些叫我走；如果真係想同我一齊，為何又同時拖住她和我。每次佢都話要多些時間，離婚唔係一下子。

慢慢我就越了解，佢根本不會離婚，可能佢真係有想過，就是與他老婆鬧大交那一刻會「想一想」，之後就沒有這件事。就是在分手前夕，我撞見佢地，亦有他兒子，佢地都係笑笑口，佢一手拖住佢老婆，一手拖住個仔，佢老婆拎住一些食物，準備煮飯，他沒有見到我，我在一角，我問自己第一條問題為何要即刻避開，因為我係第三者，做錯事唔見得光（雖然一直都有這感覺，但那次真的很強烈）；第二條問題係，見到佢地一家人幸福，佢根本就不會離開佢老婆，我係咪應該繼續錯落去；第三條問題我問自己如果繼續，係咪想呢一世都係咁，偷偷，抬唔起頭，而且內疚地做人。

之後一日，同佢食完晚飯，在路上，我特登講開佢屋企，我又問佢買咩比佢老婆做生日禮物（下個月），佢刻意講第二樣野，我繼續講，開始鬧交，鬧到好勁，我話佢好緊張佢同老婆關係，鍚佢老婆，驚死佢老婆知道佢Ｄ衰野，佢回答無，邊有；我特登拎起電話，話，你唔緊張，咁我即刻打電話比佢老婆爆佢大鑊，我唔怕應係第三者（其實我係兇佢，不過我個樣係好惡好認真），我直頭ＳＨＯＷ出佢老婆號碼，按ＣＡＬＬ制，佢即刻搶我電話按ＥＮＤ制，我話你宜家唔比我打，我之後可以繼續打，我亦知道佢老婆公司地址，阻唔到我。佢好驚，佢真係口窒窒叫我唔好，佢話雖然同佢老婆沒有很深的激情，亦算穩定，也不打算會．．．離婚。

那一刻，我話，我心裡一直都知道，不過你今次真係講出口，你知道我會點樣決定，跟住我轉身走，佢叫我唔好走，我一直走。就算佢有打電話比我我都收線，我之後直頭改電話，甚至搬了。

我那時係好傷心，好痛苦，不要誤會，也不要插我，我知道第三者係錯，痛苦係抵死。勸大家千萬不要做第三者，自己痛苦，又連累人，而且如果兩個人（兩公婆）的關係係唔好，係佢地既事，唔應該亦唔需要第三者去介入或催促，就算愛上佢，亦只歎有緣無份，最好遠離。回想，我四年偷偷摸摸的日子，真係好似粒住膠袋做人，真係唔值得。

現今，有男亦有女有搞婚外情，第三者是男或女，牽涉是否真愛，都一樣係錯。你願意做人好似做賊咁嗎？好多人都會話同老婆／老公唔夾，好多問題，絕大部份都係「講野」

0 0 0

私人傳訊

等運到

大宅

積分: 3197

好媽媽勳章

2^#

發表於 10-10-26 21:20 |只看該作者

好多謝你ge分享!

講得好好!好多第三者只會替自己找藉口美化自己惡行!
就算兩公婆之間有問題都系佢地ge事, 根本唔到第三者插入來
明知人地有老婆仲要中個頭埋去就系犯賤,個男人結左婚仲同你一齊擺明系玩你la!所以我成日都話做女人要自愛~!
但最賤都系個男人, 因為佢系始作俑者!

私人傳訊

maisy-lee

伯爵府

積分: 15821

3^#

發表於 10-10-26 21:45 |只看該作者

好佩服你的勇氣,因為真心跟他一起4年, 要離開真係唔易, 有好多第三者係點都會搞到人地離婚先心息.

三年了, 你仲記得係今日, 相信你都好傷, 希望你可以搵到一個心裡只有你的好男人!

私人傳訊

rainbowhere

大宅

積分: 1327

4^#

發表於 10-10-26 22:43 |只看該作者

鬧吓妳先, 做第三者 xy@zs@xzxy

讚吓妳先, 離開一段幾年既感情真係好難, 但明知係錯, 幾長既感情都要抽身架, 妳好叻女.

好鐘意妳依句
好多人都會話同老婆／老公唔夾，好多問題，絕大部份都係「講野」

各第三者, get 到未, 唔好以為自己係救世主先得架.

私人傳訊

momobibi

子爵府

積分: 11028

5^#

發表於 10-10-26 23:20 |只看該作者

要下定决心的确不容易，很佩服你的勇气，希望你可以开心地生活下去

私人傳訊

wongarma

子爵府

積分: 12659

6^#

發表於 10-10-27 02:50 |只看該作者

果Ｄ成日話感情好難控制既禽畜…應該要向你呢個當時仲可以咁理智既叻女好好學習做人喇

私人傳訊

ChammyMAMA

瑪瑙宮

積分: 144450

好媽媽勳章醒目開學勳章畀面勳章

7^#

發表於 10-10-27 10:26 |只看該作者

樓主,你好好呀,夠膽做就夠膽認,好過好多不知所謂嘅第三者,亦都好恭喜你,可以咁快醒,唔好再浪費自己青春,嚟緊一定會有一個更好等緊你架!

緣是天意，份是人為，有緣相遇者，珍惜緣份的來臨

私人傳訊

jerma

男爵府

積分: 8179

好媽媽勳章

8^#

發表於 10-10-27 14:00 |只看該作者

真係好驚，呢個男人真係好叻，可以四年都唔比個老婆發現，可能你真係算係一個厚道咖弟三者。

好奇問吓，點解你會知道佢老婆電話同公司地址咖？

你真係做得好好，當言唔係話你做弟三者做得好啦！我意思係你無比佢老婆知道，起碼對佢無咁大傷害！

希望你可以搵到一個真正愛你咖人！

私人傳訊

newme

大宅

積分: 2589

9^#

發表於 10-10-27 14:39 |只看該作者

多謝各位的祝福，我當時知道佢唔會離婚，只有兩條路比我，一係偷偷摸摸繼續做人第三者，損人不利己；一係走人。我真係唔想再四年又四年成世係咁，所以決心離開

私人傳訊

newme

大宅

積分: 2589

10^#

發表於 10-10-27 14:43 |只看該作者

我有一日電話壞左，佢借左部舊電話比我，裡面有佢老婆電話，我抄低左；至於佢老婆公司，佢曾經講過下，佢估唔到我之後上網查過資料，有公司地址及其他資料

原帖由 jerma 於 10-10-27 14:00 發表
真係好驚，呢個男人真係好叻，可以四年都唔比個老婆發現，可能你真係算係一個厚道咖弟三者。

好奇問吓，點解你會知道佢老婆電話同公司地址咖？

你真係做得好好，當言唔係話你做弟三者做得好啦！我意思係你無比佢老婆知道，起碼對佢 ...

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

11^#

發表於 10-10-27 18:36 |只看該作者

我都好欣賞樓主敢做敢認的態度, 亦懂得何時應該放手...
我也希望你可以搵到一個真正愛你的好男人！

私人傳訊

Nancy20090615

瑪瑙宮

積分: 128420

12^#

發表於 10-10-27 22:15 |只看該作者

好多男人就係咁自私/衰格.
好高興您搵番自己.
希望您第日同意中人組織幸福家庭生兒育女.

私人傳訊

Tonytang

民房

積分: 4

13^#

發表於 10-10-28 11:45 |只看該作者

作為男性, 可以好坦白告訴大家, 一個男人如果如樓主所形容的, 這樣告訴對方自己在婚姻中的不愉快及甚麼想離婚, 我可以99.9%告訴你, 一定是廢話! 試想, 如果真的那麼不開心又想離婚, 為何一直不行動呢! 所以請各位女仕不要再中這種男人的陷阱.
對男人說: 請你們不要再自欺欺人, 亦請不要隨便說離婚, 婚姻須要時間及耐性. 但如果到最後都決定離婚, 請先完結了一段關係再開始新的關係, 這對對方才公平.(特別對那些打算左右逢緣的人).
對第三者說: 請像樓主一樣想清楚, 這樣的男人真的值得你愛嗎? 你真的幸福嗎?
樓主, 為你感到開心, 你有這份信念, 一定會找到一個比他好一百倍的好男人的. :loveliness:

私人傳訊

klm402

伯爵府

積分: 15837

14^#

發表於 10-10-28 12:14 |只看該作者

第3者到底唔0岩, 不過有時我都會想, 感情確好難定對錯, 真的只好怪有緣無份了, 男人總愛享齊人之福, 決定跟一個已婚既人一起唔容易, 中間要面對同接受既都比一段正常感情多同複雜, 後再選擇放棄更加唔係一件容易既事, 但樓主選擇痛苦走返一條應走的路, 呢份勇氣同堅持真唔係簡單.
我希望樓主快快搵到一個真心愛佢, 緊張佢, 而且專一既男人, 永遠都幸福快樂.

私人傳訊

(!_!)

複式洋房

積分: 408

15^#

發表於 10-10-28 20:24 |只看該作者

問題是，還有尊一的男人嗎？尊一可維持多久？

私人傳訊

ndw

子爵府

積分: 13707

16^#

發表於 10-10-30 08:52 |只看該作者

問題是，還有尊一的男人嗎？

我在另一個標題裡講的 X君和我一生唯一的老公都系屬專一的男人。

尊一可維持多久？

X君, 已經做不到愛同一個人愛一生。

但系，我欣賞佢從來唔會一腳搭兩船。佢唔喜歡享齊人之福。據我觀察，假如我做得成佢 0既大婆，就算我願意給佢享齊人之福，佢都唔會享而選擇離婚的。從過去的經歷， X君在感情上也是光明磊落的。

我老公，有希望。我相信這世界裡只有我老公能窮盡其一生愛我和我們的三個女女。

[ 本帖最後由 ndw 於 10-10-30 08:59 編輯 ]

私人傳訊

unicath

男爵府

積分: 5993

好媽媽勳章

17^#

發表於 10-10-30 11:48 |只看該作者

知道你同大家分享需要好大勇氣,欣賞你分享出黎,可以令人引以為鑑

私人傳訊

unicath

男爵府

積分: 5993

好媽媽勳章

18^#

發表於 10-10-30 11:51 |只看該作者

原帖由 Tonytang 於 10-10-28 11:45 發表
作為男性, 可以好坦白告訴大家, 一個男人如果如樓主所形容的, 這樣告訴對方自己在婚姻中的不愉快及甚麼想離婚, 我可以99.9%告訴你, 一定是廢話! 試想, 如果真的那麼不開心又想離婚, 為何一直不行動呢! 所以請各位女 ...

講得好