嬰兒醫護 今日: 0 | 主題: 79094

積分: 7397

1^#

發表於 09-12-21 17:13 |只看該作者 |倒序瀏覽 |打印

厭奶期並非必然出現既階段, 但係普遍性都幾高, 當然我自己都係要面對呢個問題, 係周圍既資訊途徑睇左一些文章, 加上自己親身體驗, 有少少結論可以同大家分享.

事因
寶寶係成長既過程之中, 食奶量係會有所增加既, 健康院同埋好多書籍都有建議既份量, 父母一般當發現寶寶係每次餵奶之前已經表示肚餓, 維持一段時間, 比如連續幾日或一個星期, 係會半安加上原有既份量, 如果奶量一路提升, 健康院既指示係 “佢食得既就可以比佢食啦”

起因
寶寶係三個月尾.四個月頭開始唔願意食奶, 每日奶量可以減至之前既一半, 而且面容未有保持肥漲, 呢個情況可以維持好一段時間, 比如幾十日至兩/三個月都有, 父母更煩惱既係…..醫生同姑娘都話 (標準回答)”係咁架啦, 如果佢既體重合格, 係無問題既”

真正原因 (呢個係我聽聞最安心既)
寶寶係出生頭兩個月, 食奶係一種神經反射動作, 第三個月開始消失, 而且因為父母既關心與緊張, 對肚餓既感覺開始陌生, 寶寶知道有人照顧, 定時有奶食, 求生本能轉弱, 亦由於醫生同姑娘都同聲建議”食得就比佢食啦”, 寶寶其實已經食多左份量, 再者係四個月左右, 寶寶既生長開始放慢;
係呢個情況之下……寶寶身體會出現反應, 一來唔再需要食咁多奶, 二來之前係身體儲存既營養(食多左既奶), 慢慢放返出黎, 三來係佢肚餓就自然有得食, 係精神上同身體上, 佢都唔再有食奶既沖勁, 而且五觀同手腳既觸覺開始成長, 食奶對寶寶無之前咁吸引...

怎樣防止
寶寶出現厭奶之前, 其實係有個過程…..
首先係多肚風, 近黃昏成日肚仔痛, 表示消化不良
第二係多大便, 早一次, 晚一次
第三係嘔奶
第四係食奶勁扭計
第五係厭奶, 唔食奶

厭奶係好麻煩既事情, 因為無辦法掌握寶寶到底幾時肚餓, 要食幾多, 住住要父母慢慢試….食奶如果無定時, 生活又怎會有規律呢, 對寶寶所有既安排都變得被動, 寶寶既腸胃亦因為食過量, 要休息, 訓得唔好, 成日喊……..雖然, 基本上係可以慢慢復原, 不過有身體某部份做成傷害, 亦唔係一朝一夕可以發現, 父母大感頭痛;
另外, 要確定寶寶係唔係會厭奶, 其實非常難, 父母基於愛子女, 想子女盡量食多的, 可以快高長大, 於是乎盡量希望寶寶食多的, 而健康院亦只不過輕輕帶過”….佢食得就比佢食….”, 係呢種種情況之下, 自然步向厭奶

要防止寶寶厭奶,
(一) 父母要明白, 唔係食得多就叫好, 只要體重正常增加便可, 太肥既話…..問題唔係一朝一夕可以發現;
(二) 開奶茶, 米水開奶, 保嬰單, 寄應丸…..唔係解決方法, 多食無益;
(三) 一旦發現寶寶唔願意食奶, 一定唔可以強迫佢, 要比佢知道咩係肚餓
(四) 步向厭奶既過程….唔係單一, 唔係一朝一夕, 亦可以變成其他事情, 父母要明事理, 懂分析, 知輕重…

如果已經厭奶
已經出現厭奶既話, 唯有食返小的既份量, 安守寶寶唔食便算既守則, 靜待寶寶恢復過來, 如果體重稍微回落, 可以等食粥仔既時候, 自然追反.

0 0 0

私人傳訊

ericawong213816

積分: 5839

2^#

發表於 09-12-23 21:34 |只看該作者

thx for sharing

私人傳訊

kenny_san

別墅

積分: 745

3^#

發表於 09-12-29 18:59 |只看該作者

多謝分享, 真係好有用呀!

私人傳訊

LuLuKiuKiu

子爵府

積分: 10869

醒目開學勳章

4^#

發表於 09-12-31 23:39 |只看該作者

謝謝賜教, 穫益良多

私人傳訊

ek4kit

複式洋房

積分: 398

5^#

發表於 10-1-1 10:04 |只看該作者

thx for sharing!!!

私人傳訊

yan's

積分: 1009

6^#

發表於 10-1-1 17:31 |只看該作者

謝謝妳的分享，但係我寶寶而家4個月，完全唔肯飲奶，連水都唔肯飲，每次哭得很厲害，不停咳，甚至哭至氣喘...我用過好多唔同方法..1. 等耐d先比佢食(6-7小時她都不餓) 2. 換不同牌子奶咀(因為本身用chu chu食成個鐘先食得3安，仲成日飲飲下瞓左，第二個牌子用15至20分鐘食左5安，但而家一見到奶就喊！)

我都唔知可以點..

原帖由 rebreather 於 09-12-21 17:13 發表
厭奶期並非必然出現既階段, 但係普遍性都幾高, 當然我自己都係要面對呢個問題, 係周圍既資訊途徑睇左一些文章, 加上自己親身體驗, 有少少結論可以同大家分享.

事因
寶寶係成長既過程之中, 食奶量係會有所增加既, 健 ...

私人傳訊

積分: 7397

7^#

發表於 10-1-1 18:16 |只看該作者

原帖由 yan's 於 10-1-1 17:31 發表
謝謝妳的分享，但係我寶寶而家4個月，完全唔肯飲奶，連水都唔肯飲，每次哭得很厲害，不停咳，甚至哭至氣喘...我用過好多唔同方法..1. 等耐d先比佢食(6-7小時她都不餓) 2. 換不同牌子奶咀(因為本身用chu chu食成個鐘先食得3安，仲成 ...

訓左先食...

私人傳訊

yan's

積分: 1009

8^#

發表於 10-1-1 21:38 |只看該作者

點樣瞓左食？剛瞓著時？定熟睡時搞醒佢？

原帖由 rebreather 於 10-1-1 18:16 發表

訓左先食...

私人傳訊

bbJP

積分: 4982

9^#

發表於 10-1-2 08:58 |只看該作者

原帖由 yan's 於 10-1-1 17:31 發表
謝謝妳的分享，但係我寶寶而家4個月，完全唔肯飲奶，連水都唔肯飲，每次哭得很厲害，不停咳，甚至哭至氣喘...我用過好多唔同方法..1. 等耐d先比佢食(6-7小時她都不餓) 2. 換不同牌子奶咀(因為本身用chu chu食成個鐘先食得3安，仲成 ...

體重有冇輕左?

私人傳訊

LOKLOK904CHOY

別墅

積分: 699

10^#

發表於 10-1-2 12:01 |只看該作者

我個囡 80日,而家開始好似有厭奶期既徵兆,就係黃昏時開始喊唔停.到夠鐘食奶時佢唔食.又不停喊....訓又訓唔林.好易醒,成日喊到個肚好多風.請問這時是否在厭奶期 ?

私人傳訊

yan's

積分: 1009

11^#

發表於 10-1-2 13:06 |只看該作者

在未有厭奶惡化時去醫生同磅過輕左少少，但都係75至90線。

我試左sleep feed...真係work架！昨晚同今早都有五安落肚。

醒左之後果餐便4安了..不過已經好開心！

原帖由 bbJP 於 10-1-2 08:58 發表

體重有冇輕左?

私人傳訊

anlee3

別墅

積分: 663

12^#

發表於 10-1-12 15:41 |只看該作者

My bb is now 6 month-old. He has been 厭奶 for almost 3 months! I have been feeding him when he is asleep, however, I have read some books said it is not good to feed bb when they are asleep.
So....
I am thinking to change the formula.
Do you think it is good to change formula just because of 厭奶?

私人傳訊

積分: 7397

13^#

發表於 10-1-12 16:50 |只看該作者

有一段時間無跟返條帖, 原來已經有幾個回應, 見有的係另一的帖有討論, 係度唔再講啦....
我其實都係苦主, 小朋友大概唔願食奶都有成個月, 雖然過左去, 不過聽講會有再出現既可能, 所以而家對於隻衰豬飲食都係好小心, 至於有咩辦法....呢個係同心理有關多的, 方法你可以試, 唯一唔可以試既係迫佢食, 佢係瘦既, 係細碼既, 比你迫到肥既, 變左大碼....呢樣唔係一件好事黎既......
只要佢食, 訓, 玩, 苛都有, 而且係開心既, 小朋友係會自然成長.....

私人傳訊

sickbanana

積分: 6727

14^#

發表於 10-1-13 10:46 |只看該作者

我仔由3個月開始厭奶到而家10個月都係咁, 一直都係等佢想訓覺先比佢食住訓, 但到大約6個月有一日突然肯食, 仲要4安唔夠要食7安, 呢2個月好開心, 次次夠鐘比佢食又肯食哂7安, 但維持左2個月到又唔再食, 但又變左好鐘意食粥仔, 而家佢十個月好耐冇用過奶樽食奶因為佢唔肯, 用杯或飲管比佢飲, 日頭全日先飲得4-6安咋, 但有時連粥都唔食, 全日乜都唔肯食, 睇住佢瘦, 但過一排又肯, 來來回回咁而家都慣哂, 唔食由佢, 餓一排自然又大食返又會肥返, 不過心理上都仍然好擔心, 希望佢大個d會食野好d, 唔駛成日都瘦猛猛咁

私人傳訊