香港18區媽媽會 今日: 2 | 主題: 156882

積分: 6197

42^#

發表於 07-8-16 11:04 |只看該作者

睇完ecf5student嘅一席話, 我哋更加要小心d選校

私人傳訊

zngo

大宅

積分: 1754

43^#

發表於 07-8-16 11:07 |只看該作者

好恐怖,好在我個仔冇讀,高壓對我個仔絕對係有反效果,其實而家d年青人大多數都唔接受高壓,就算老板對我地高壓,大人都好難接受啦.

私人傳訊

積分: 8534

44^#

發表於 07-8-16 14:48 |只看該作者

原文章由 zngo 於 07-8-16 11:07 發表
好恐怖,好在我個仔冇讀,高壓對我個仔絕對係有反效果,其實而家d年青人大多數都唔接受高壓,就算老板對我地高壓,大人都好難接受啦.

雖然話高壓,不過又好受歡迎喎,好難先入到架.
今年有會考成績出來,麻麻地,,可能歡迎成度會減少.
講真,我覺得佢d 老師好勤力囉,舊年暑假,會考班都要返去補課
唔係間間都係咁..

私人傳訊

virgokaren

伯爵府

積分: 18576

牛年勳章

45^#

發表於 07-8-18 14:30 |只看該作者

原文章由樂樂於 07-8-16 14:48 發表
雖然話高壓,不過又好受歡迎喎,好難先入到架.
今年有會考成績出來,麻麻地,,可能歡迎成度會減少.
講真,我覺得佢d 老師好勤力囉,舊年暑假,會考班都要返去補課
唔係間間都係咁..

不過補課的動機是為校譽，定係為學生，就好重要囉！
好多學校 A-level or HKCE 出來成績好，只係因為佢地收左好多外校生(名校出身但又入吾番原校果d)，所以成績都只係反映學校的一部份。

[ 本文章最後由 virgokaren 於 07-8-18 14:38 編輯 ]

私人傳訊

積分: 8534

46^#

發表於 07-8-20 10:03 |只看該作者

原文章由 virgokaren 於 07-8-18 14:30 發表

不過補課的動機是為校譽，定係為學生，就好重要囉！
好多學校 A-level or HKCE 出來成績好，只係因為佢地收左好多外校生(名校出身但又入吾番原校果d)，所以成績都只係反映學校的一部份。

我都覺得佢係想第一年谷下d會考成績好d,為學生又好,為校譽又好,起碼人地肯做,聽話佢地成個暑假會考班都要返,我覺得幾好囉,我仔學校佢地會考班暑假只返去補幾日課咋,雖然溫書要靠自己,但有幾多學生係自動自覺溫書架.

私人傳訊

virgokaren

伯爵府

積分: 18576

牛年勳章

47^#

發表於 07-8-22 13:25 |只看該作者

原文章由樂樂於 07-8-20 10:03 發表
我都覺得佢係想第一年谷下d會考成績好d,為學生又好,為校譽又好,起碼人地肯做,聽話佢地成個暑假會考班都要返,我覺得幾好囉,我仔學校佢地會考班暑假只返去補幾日課咋,雖然溫書要靠自己,但有幾多學生係自動自 ...

你個仔間學校d學生吾駛谷都"勁"啦！
我吾質疑佢地學校吾勤力，不過覺得學校吾係對個個學生都咁好，可能只係重點裁培一批學生出來省招牌。

私人傳訊

積分: 354

48^#

發表於 07-8-25 00:09 |只看該作者

ecf5student：

F學校即是那一間？因為如你所言，仲有4個可能性，包括李嘉誠、田家炳、馬錦明、廖萬石。

我八卦想知...

私人傳訊

Richie_cheung

民房

積分: 5

49^#

發表於 07-8-28 11:41 |只看該作者

我個姪女讀田家炳架
聽講話好似真係呢幾年會轉英中

係就係遠左ｄ
不過校風真係幾好
起碼見ｄ學生番學都整整齊齊
唔會個頭定ｄ校服整到唔似個學生咁

私人傳訊

積分: 8534

50^#

發表於 07-8-28 12:09 |只看該作者

原文章由 virgokaren 於 07-8-22 13:25 發表

你個仔間學校d學生吾駛谷都"勁"啦！
我吾質疑佢地學校吾勤力，不過覺得學校吾係對個個學生都咁好，可能只係重點裁培一批學生出來省招牌。

其實我覺得我仔間學校d 老師唔係咁積極囉,自以為上左車,
反而有d 中中d 老師好積極囉,可能係要努力上車轉英中.

私人傳訊

積分: 8534

51^#

發表於 07-8-28 12:15 |只看該作者

原文章由 Richie_cheung 於 07-8-28 11:41 發表
我個姪女讀田家炳架
聽講話好似真係呢幾年會轉英中

係就係遠左ｄ
不過校風真係幾好
起碼見ｄ學生番學都整整齊齊
唔會個頭定ｄ校服整到唔似個學生咁 ...

係呀,田家炳唔錯架,佢地努力上車當中.

私人傳訊

積分: 354

52^#

發表於 07-8-28 13:27 |只看該作者

如果論校風，可能三間學校都係差唔多，絕大部份學生都好乖，係有個別學生唔太好，但係都好平常。
如果論成績就有野講啦！
我覺得馬錦明最好，佢地講得好清楚，可以去佢地既學校網頁睇，非常好。

田家炳...雖然有人讚過，不過我覺得有古怪，咁多年以黎都隻字不提，有好成績邊會怕比人知。

風采，佢地自己講得好清楚，不過相信一般band 2既學校都比佢地好...名大於實，小心！:tongue:

私人傳訊

virgokaren

伯爵府

積分: 18576

牛年勳章

53^#

發表於 07-9-3 02:49 |只看該作者

原文章由樂樂於 07-8-28 12:09 發表
其實我覺得我仔間學校d 老師唔係咁積極囉,自以為上左車,
反而有d 中中d 老師好積極囉,可能係要努力上車轉英中.

band 2 頭中中係幾積極的，不過，要上車都幾難的
你仔間學校吾積極都有好成績，其實係好事，無壓力底下先至可以打長久戰呀！

私人傳訊

積分: 505

54^#

發表於 07-9-12 10:53 |只看該作者

聽亞sir話李嘉誠好過馬錦明..
又話好多學校唔認同風采教學
有冇人可以講多D.!!

[ 本文章最後由 ling0323 於 07-9-12 10:58 編輯 ]

私人傳訊

積分: 354

55^#

發表於 07-9-12 23:17 |只看該作者

原文章由 ling0323 於 07-9-12 10:53 發表
聽亞sir話李嘉誠好過馬錦明..
又話好多學校唔認同風采教學
有冇人可以講多D.!!

講真...我覺得根本將「田家炳, 馬錦明, 風采」擺埋一齊討論本身已經有問題。呢三間學校唔屬於同一檔次。

如果以今年會考同埋A Level計, 上水粉嶺有四間中文中學係最好既, 佢地...依我心目中既次序...係李嘉誠, 馬錦明, 田家炳, 廖萬石。四間既A Level成績都幾好, 而會考更加客觀冇得拗, 上水粉嶺係得呢四間既中六唔洗收外校生。

亦即係話似乎忽略左李嘉誠同廖萬石, 但就高估左風采。不過據我所知, 好多人都會咁諗.... 所以千期唔好淨係信名氣呀！

廖萬石有邊度好, 以前已經係第二度講過, 唔想重覆。

李嘉誠既成績真係好勁架, 我覺得拍得住陳融, 會考合格率同A Level合格率約九成半 (我睇過佢地學校網頁), 根本就係英中成績。而且李嘉誠係「東華三寶」之一, 僅次於黃忽南同甲寅, 唔好睇小佢。

至於風采, 唉, 佢地既家長就好似買錯股票一樣。開校個陣就係威係世, 冇成績見人就收左一堆band 1學生, 好多學校都應該眼紅。結果... 中文同英文合格率都係得7成幾, 差過救恩同廖萬石一截 (佢地既學生本來能力仲應該係差d添)。宣傳個陣就話到自己好勁, 但係都唔見有任何學生考得好好, 而且中六要收好多外校生, 數目之多...只係好過其他band 3 中學。相反, 最近幾年band 2中學遇著收到band 1學生都算係對得住佢地, 會考可以有人4-6A, 包括救恩, 馬錦明, 馬錦燦, 廖萬石同埋陳朱素華。

最得人驚係風采對待學生既方法, 俾著我一定會第一時間轉校, 如果唔係我會討厭全個教育界...

我囝囝今年至不過歲幾, 不過我都算好留意呢區既中學, 但又覺得好多家長只重視學校收乜野band 既中一學生, 好少留意學校教出左d乜野既中五中七學生, 咁樣隨時會害死仔女架！

私人傳訊

積分: 505

56^#

發表於 07-9-13 01:48 |只看該作者

原文章由 bikkibikki512 於 07-9-12 23:17 發表

講真...我覺得根本將「田家炳, 馬錦明, 風采」擺埋一齊討論本身已經有問題。呢三間學校唔屬於同一檔次。

三間都係中中又在同區....
放學時見D學生幾乖,所以咪一齊問...!!
請問應該邊間同邊間擺埋一齊討論好??
邊D屬於同一檔次??

[ 本文章最後由 ling0323 於 07-9-13 01:55 編輯 ]

私人傳訊

積分: 8534

57^#

發表於 07-9-13 10:57 |只看該作者

原文章由 bikkibikki512 於 07-9-12 23:17 發表

講真...我覺得根本將「田家炳, 馬錦明, 風采」擺埋一齊討論本身已經有問題。呢三間學校唔屬於同一檔次。

如果以今年會考同埋A Level計, 上水粉嶺有四間中文中學係最好既, 佢地...依我心目中既次序...係李嘉誠, 馬 ...

你好勁呀,亞仔歲多咁怏留意中學,
想問你點知d 學校會考成績架,你係入去網址睇定聽人講,因好多學校網址都冇提會考成績.
我聽人講鄧顯中6收好多外人,佢d 學生20幾分都要走,唔知是否真呢?乜教處唔係定左要收本校學生優先咩?

私人傳訊

積分: 354

58^#

發表於 07-9-13 23:18 |只看該作者

樂樂：

其實我提及既資料差不多全部都係來自學校網頁, 只要你細心搵, 一定可以搵到。不過每間學校都用唔同形式表達自己既成績, 最老實又最詳盡既得幾間, 其他學校就簡單好多。另一方面, 心誠同田家炳一直都唔講成績既, 咁我先至覺得有古怪。

加上我有親戚係中學老師, 佢會教我點分析一間學校既成績...最重要係最近幾年我都有姨甥仔女要升中, 所以我比較熟悉近兩年既情況。

ling0323：

正正因為唔同學校都用唔同形式表達自己既成績, 其實真係好難將d學校由好至差排一條隊。單憑感覺又唔可靠...更唔可以因為見到有一兩個學生食煙就話間學校好差 (信不信由你, 呢十年以來上水粉嶺每一間中學都俾我見過有人食煙, 只係次數有分別姐...)。

所以我會用一d較為客觀既方式將學校分檔次, 例如中六需唔需要收外校生 (叻既學校自然有足夠既好學生填滿學位), 會考同A Level 合格率到唔到九成 (九成即是頗佳水平, 九成半已是一般band 1水平, 如果100%的話, 只有鄧顯肯定得, 甲寅都應該得, 不過已經唔係百份百肯定, 其他既學校相信一定唔得), 優良率好唔好 (過到三成已經係好好, 因為公開試既學科優良率其實好低)。最後, 仲要留意增值係唔係好 (因為學校叻可能係因為d 學生本身真係好叻, 成績好似好好, 不過原來已經叫做退左步你唔知)。

所以, 中中黎講, 同時間符合到以上頭三點好可能只係得我講過既四間(冇乜中學會講自己係唔係有增值)。其他中中都唔差, 都係好積極, 只不過今年爭少少先到達呢個成績。比較差既中中...你不妨用我親戚建議既標準自己搵啦！

最後, 鄧顯係勁到痴線既中學, 邊有可能中六要收外校生, 佢地原校生考廿幾分都要轉去其他中學讀中六, 分分鐘一個3A既學生都要喊住走。唔好話北區, 放係全港黎講都算好勁。

私人傳訊

積分: 505

59^#

發表於 07-9-14 10:49 |只看該作者

正正因為唔同學校都用唔同形式表達自己既成績, 其實真係好難將d學校由好至差排一條隊。單憑感覺又唔可靠...更唔可以因為見到有一兩個學生食煙就話間學校好差 (信不信由你, 呢十年以來上水粉嶺每一間中學都俾我見過有人食煙, 只係次數有分別姐...)。

我有冇咁話..!!

????唔記得...!!應該多數冇..:mrgreen:
因為中學生食煙講粗口好普遍.
小學就有講過..
自己小朋友唔係好叻,只想入間乖D學校...
考A唔係我著重考慮問題,
嚴嚴地,課程編排,老師教學熱誠,小朋友開唔開心 ,
有冇成功感..仲有好多 ....
如果唔係都唔會有咁多人有問題!
年頭..(小5)我女有同學跳樓....我唔想冇左個女!!

[ 本文章最後由 ling0323 於 07-9-14 14:31 編輯 ]

私人傳訊