夫婦情感今日: 7|主題: 42442

收藏本版

發帖

返回列表

跳至頁

查看: 1991 | 回覆: 4

跟離過婚的人一起的考驗 [複製鏈接]

happymony

複式洋房

積分: 110

1^#

發表於 08-1-12 03:00 |只看該作者 |倒序瀏覽 |打印

做冬當晚因小事頂了兩句,我問佢係唔係要同我分手,二話不說佢就執野走o我第二日如何挽留道歉都改變不了佢要同我分手的決定o 幾日後佢屋都租埋o

分手的理由係: (一)我疑心大,佢認為這是我的性格,冇得改,將來都冇幸福; (二)佢為了要無後顧之憂去同佢個女一齊,因囡囡要求要同媽咪去一齊去玩,他又怕我介意,但又從無同我商量o囡囡是跟媽咪,住在新加坡,一年只返來幾次o

我和他是puppy love (十幾歲,手仔都未拉過), 跟住十幾年都冇再見,直到1998年才再見,大家都有一種特別的情宜結及相逄恨晚的感覺,但我們當時都有男/女朋友,雖然經常一起去玩,都只是發乎情止乎禮的好朋友,2000年,他前妻有了 BB,我們就冇再contact了o

直到06年9月佢突然打電話比我閑談,我都心知不妙,後來見面時得知他前妻有第三者已經兩年,他已痛苦了一段時間要跟他離婚,起初我也有勸他想清楚,比點時間及機會大家,後來3個月後他們正式簽字,而我們不久後就開始了o

初時真的很開心,兩個月後佢就搬了去我屋企(公屋,我是一個人住),重話要同我抽居屋,又話會同我結婚,後來我唔想比層樓捆住所以就否決了,之後一直都相安無事,間中因為他有些物品仍留在他和前妻的家中,我要他拿走,但他常常說那些東西不重要,有時間有機會才拿,但直到我們分手,他都未拿哂,重keep住條鎖匙,你話我點可以無疑心o

直到12月中, 囡囡(6歲)在我們家住幾日(第一次,亦是最後一次),問題就出現o這幾天他跟我一起好像偷偷摸摸,他亦選擇冷落我,第一天他上床跟我一齊睡,囡囡就哭,我就叫佢同囡囡睡,當然我是不介意,他和囡囡難得可以幾天都在一起,但也有一點不是味兒,因他選擇冷落我,做不到平衡o同時,囡囡有感冒,亦傳染了我,再加上晚晚她咳得好利害,晚上要起身照顧她,喂她食藥,我真的好無精神同冇心機o再加上,囡囡成日同我講佢媽咪鍾意D什麼,最大鑊係佢話我聽佢媽咪最鍾意睇老夫子,而我男友就成日叫我大番薯,噤你話我點樣去諗...話雖然要諒解他的處境,但我也有我感受,我只是小小唔開心,並無其他,點解佢又唔可以諒解我o我其實亦好錫佢個女,囡囡也肯跟我,相處得很好o

佢堅決要同我分手,點解唔比時間同機會去解決問題?我們其實很夾,佢亦話如果只是我們兩個就沒有問題,他說最愛的是佢個女,佢寧願自己唔開心也要另囡囡開心o但他跟我分手就可以另囡囡開心?這可以補償得到嗎?還是藉口?

問題是否真的不可解決,定話不想解決?

0 0 0

私人傳訊

大豬既老婆

伯爵府

積分: 17539

2^#

發表於 08-1-12 03:47 |只看該作者

我覺得吾好強求
既然距堅決要同你分手﹐ 就算你點吾捨得都好﹐ 都要留返 D 餘地比自己。或者等過一排﹐ 件事掉淡 D 先再聯絡下距。現在你同距講要再系埋一齊﹐ 註定無結果。

私人傳訊

Vca

男爵府

積分: 5681

3^#

發表於 08-1-12 07:39 |只看該作者

原文章由 happymony 於 12/1/2008 03:00 AM 發表
囡囡成日同我講佢媽咪鍾意D什麼,最大鑊係佢話我聽佢媽咪最鍾意睇老夫子,而我男友就成日叫我大番薯,噤你話我點樣去諗...

唔好意思~ 我知唔應該笑...但我睇到依度真係忍唔住笑~ sorry!

回正題: 你唔好怪我喎...其實我覺得可能你男友發現佢最愛既始終係佢前妻! 你話你地2000年開始冇聯絡，但佢隔成6、7年之後無啦啦揾你......然後同你喺埋一齊、同居+對你既承諾...都好可能係因為佢on the rebound，想揾個水泡! 所以而家用囡囡當藉口~~~你唸吓喎:雖然佢離婚時你有勸佢唸清楚，但你都話佢好痛苦，可能其實係佢前妻堅持離婚，你男友冇得揀，佢可能當時根本唔想離婚喎!

但都有另一個可能性係 - 佢囡囡未接受到你~(不過我覺得依個可能性細d!) 佢囡囡始終仲細，唔清楚大人之間既事! 囡囡梗係想自己Daddy Mummy兩個一齊啦! 但你男友係咪真係咁偉大 - 為咗個女而放棄你就唔知嘞...

其實你同佢一開始喺埋一齊時，你已經知佢係離婚有囡囡同前妻，知道佢係一個有過去既人...你同得佢一齊就要全部接受! 佢有物品留喺前妻家中都好正常~ 佢既然自己都話果d物品唔重要，點解你要堅持佢攞走呢? 最緊要佢個人喺你身邊既啫...

事到如今你都係暫時比你自己同男友冷靜吓先啦~ 佢而家企到咁硬，就算你揾佢佢都未必會同你傾! 亦千期唔好死嘍佢，盞越搞越僵...

私人傳訊