樂園:
1) Safari World (己經有齊動物園及海洋表演)、
2) Children Discovery Museum (就在翟度翟weekend market 附近,館內全部都係探索互動,小朋友可以係果度玩足一日)
3) Siam Ocean World (全亞洲最大的室內海洋館,十分值得去睇)
4) Farm Chokchai (農場參觀、可騎馬仔、可餵小動物、農場內的牛奶製品好好食 i.e. 雪榚、牛奶、牛奶糖,還有場外的扒房牛扒好好味,好 juices 又係可以玩一日,不過來回車程幾耐)
5) Sanctuary of the Truth (在芭堤雅,主題係看場內起了 42 年的全木製建築物,而而仲可以近距離接觸海豚及小鯨 (各一條),佢地仲有表演的當然比起香港的海洋公園差幾十皮,但小朋友就睇得好開心,還有場內可以騎馬、坐馬車、餵大、小象,坐大象...,都可以玩到 三、四個鐘)
6) 再唔係去公園坐吓都得,因為她們的公園是可以踏入草地的,我試過同小朋友係果度瞓草地,唔駛擔心比起香港乾淨過好多倍。
如果妳去開 central world plaza 或者住係附近 (grand diamond、NLP, Aroma, Four season...etc) 行過去很容易,果度一連有幾個商場都係做批發的,同一間鋪內買三件就可以得批價,一般小朋友衫都係 B100 - B120 @ 、大人衫都係差不多價錢,當然都有貴D如 B200 - B250 如OL返工衫,牛仔衫褲,但要有心理準備係呢度買野係冇得再講價。
我剛去呢次因為 hubby 約了當地傾野所以請佢地幫忙 book 了架相熟的士 (是全形光粉紅那種),B1500包車一日另外要自費Gas Fee (由朝早 8am - 8pm) 我今次住 Grand Centre Point (在 Four Season 後街) 由我酒店去 Farm Chokchai 唔需要經任何收費的公路、穚,所以要比的就是那 B1500 及 Gas Fee,汽油費係咁計o架,司機一早嚟酒店接妳時會算先入滿,咁到妳完成當日行程時回酒店前佢會去油站入Gas (其實係石油氣的士) 入幾多妳就比幾多,我今次用足佢o架車一日到 8pm 入咗 B487.-
附返都係佰零蚊港紙真係覺得好低。
不過要留意有D車係入電油的,司機話如果好似我地咁行法油費要成差不多 B1000.- 所以選車時 / Book 車留意及講明好啊~
1) Natural Ville
價錢:依家要仟幾蚊晚但agent做緊buy 2 get 1 free
位置:商住區,通常都係租比長期留係泰國做野的外國人住,BTS Chitlom 要成 10~15 分鐘
服務:我 book 一張 kingsize bed 但即日下午已經幫我免費加床,而 frontdesk 的 staff 好 helpful 同埋住第二日都記得我名
房間:乾淨,赤腳係房行都唔會黑腳,又夠光猛
早餐:美式早餐日日都係果 D ,選擇少但夠食
設施:細細地泳池 + 細細 Gym room
2) Centre Point - Petchburi
價錢:最平 五佰零六佰蚊住正旺區 (去水門、Big C 及 Central World)
位置:就在 Grand Diamond 對面,過水門區及 Big C 幾近,BTS 要起碼 15 分鐘
服務:我 book double bed 但 check-in 時見有小朋友就好快免費同我加床,找前台call taxi 冇問題 bellboy 也盡責會再同司機 confirm 多次要去的地點
房間:早期 services apartment 房間大,廚房細但夠用,有小露台但要小心兒童出入安全,Hi-fi 另仲有 frontdesk 有DVD碟借上房睇
早餐:選擇多D,粥、粉、面,多士基本樣樣齊
設施:呢兩年新裝修過,泳池多咗 jacuzzi ,係大堂全日供應免費咖啡及茶
3) Grande Centre Point
價錢:約九佰零近一仟 deluxe 房
位置:就在 Four season 後街 (近四面神) 超近BTS 3分鐘步程
服務:Bellboy 好鐘意同我兩個小朋友玩,找佢地 call 車都是 by meter 的,其中有個英語唔掂但主動提出同我講國語
房間:新酒店上年新開,好新好乾淨,床好舒服仲要一間房有6個軟硬度不同的寢頭,我一個四口夠哂,值得一提是被,佢係真正的一張冷氣被,不是一般用兩張白床單包住張毛毡就當被,所以瞓得好舒服,TV是 32" 的LCD、Hi-fi,同樣有DVD碟可借上房睇,呢間最平的房都有洗衣機我差不多日日開機~
早餐:三間比較最多野食,中式點心都有
設施:泳池大、Env. 做得好好 泳池側有兩大張 sofa bed,可以攤係度睇書、睇住小朋友游水,Gym room 樣樣都新、齊,我都係度跑過兩日,更衣室有 jacuzzi 、乾 / 濕蒸兩房,locker,kids room 夠大有室內及室內仲好多玩具很乾淨,閱覽室....設施多而且係有機會用果種,同樣大堂及 Facilty floor 都全日供應免費咖啡及茶
總平會推介新開的 Grande Centre Point。
忘了提提有意帶 2 個小朋友去旅行的媽媽,如果是兩大兩細的話真係唔使諗自已係網上 book 房 (如:asiaroom.com) 因為呢類的都是同酒店簽定一房max. 為 兩大一小,我最近試過的就係講明兩大兩小 book 唔到 (如 book GCP 的 deluxe 房),最後都要經返 agent 先至 book 到,想慳返 D 手續費都唔得......。
呢樣要留意啊~