少年成長

收藏本版
發帖
返回列表
跳至頁

首頁
1

尾頁
   0
sy媽咪


複式洋房

積分: 481


1#
發表於 10-11-12 15:59 |只看該作者
我小朋友11月先足2歲.咁收到學校通知4号可以返學.頭2日家長倍我女女都唔喊,只係对新環景感到好奇.坐唔定.四處走.到星期一開始[url=http://adex.baby-kingdom.com/www/delivery/ck.php?bannerid=1353]BB

[/url]

要自己上1小時都有喊.第2日老師開始有微言.第3日老師一開門湊放學就話:你小朋友今日表現唔係好好.都有喊.又唔埋其它小朋友堆.如果情況再係咁差.我哋會考慮將佢轉下午班,你都係返健康院問吓.小朋友專注力或表達能力係咪出現問題.第4日湊放學就我:xxx.今日好唔掂呀!好差,喊唔停.咁會好影响其它小朋友上堂,又唔接受我哋安慰,我哋唯有唔理佢,等佢自已冷靜吓,到佢唔喊時佢又唔坐好.四圍走.又要爬上爬落.咁好危險.你知啦.一班咁多小朋友.我哋唔可能剩係睇住你一個.希望你明白.請問你有無返過健康院問.你小朋友对圓形物件特别有興趣.仲有佢唔受人安慰.可以係自閉或係其問題.你見其它小朋友情況已经好佐.你xxx只係差佐.你返去留意吓.再通知我哋睇吓点啦!!跟住就關門.我當時無同老師爭吵,因我抱住小朋友唔想嚇親[url=http://adex.baby-kingdom.com/www/delivery/ck.php?bannerid=1353]BB

[/url]

,但我感受係被傷害.被歧視.我[url=http://adex.baby-kingdom.com/www/delivery/ck.php?bannerid=1353]BB

[/url]

未被評定有問題.只係返佐4日學.点可以講到佢好似異類.我下午再打俾老師了解情況,我表示bb

返佐學後,在家中情況返而好佐.食得訓得,健康院哪边就話我女女都唔算好大問題.始終仲细.好多問題都要等佢2,3歲先可以定倫,佢只係2歲,返佐4日學,你想佢点???有D會喊足成個月架,你間學校會唔會包容量係好低呀,咁老師方面就話:可能你小朋友在學校喊佐成朝係會倦.所以回家後你就覺佢乖佐啦,今日第5日,我唔想再爭吵不休.咁只係傷害佐小朋友.我今早同學校講想小朋友停一停學.唔想小朋友情緒受影响.又唔想騷擾到你學校.咁老師即刻俾主任聽电話.主任一聽就話:係咪XXX家長.你係咪想退學??你明天補退學信給我就OK啦!唔該哂.就係咁.我就浪費佐一個月學費.我对小朋友上幼兒園蒙上陰影.我無吵鬧過哪位老師.我條氣好唔順.而家仲要忙住搵私人機構為我bb

做評估.给佢訓練.又要報playgroup.又要搵學校.搞到亂哂陣腳.這學校是港島東區#躍思(柏蕙)幼兒園#一位四眼老師
私人傳訊

jojoplanet


珍珠宮

積分: 31240


2#
發表於 10-11-12 16:30 |只看該作者
呢間學校咁無愛心架..我個仔返K1時..喊咗1個月個時係我C6同佢返學..頭一星期係可以上課室每次走佢都到豬頭咁..先生每日都打來話我知跟住佢上堂係點..跟住只可以係校學門口家長唔比上課室..個仔又係喊...係直至10月佢搭校車先無喊..呢個經驗話我知..如果小朋友係好似我個仔咁返學成日喊無安全感係好需要係一間好有愛心既學校讀..
私人傳訊

花蝴蝶


禁止訪問

積分: 11709


3#
發表於 10-11-12 22:43 |只看該作者
提示: 作者被禁止或刪除 內容自動屏蔽
私人傳訊

ms.aeroplane


男爵府

積分: 9594


4#
發表於 10-11-12 23:05 |只看該作者
根本兩歲人仔,真係可以點呀?間學校擺明收左錢先算!小朋友返學,就算係足歲呀,閒閒地喊足一個月嘅大有人在,四日就咁,係老師有問題多D LAW!唔讀都唔係你嘅損失...!比佢响屋企玩下先啦,比佢返下D PLAYGROUP習慣下守規則,聽指令仲好啦!

私人傳訊

Joshua_BB


侯爵府

積分: 22414


5#
發表於 10-11-13 10:05 |只看該作者
唔值得為D咁嘅學校嬲, 咁多學校, 總搵到間啱你小朋友嘅.
私人傳訊

sy媽咪


複式洋房

積分: 481


6#
發表於 10-11-13 12:13 |只看該作者
今早到學校交退學信and取回bb


物品.見到主任and老師D嘴臉真討厭 仲問:点呀XXX.佢應該係某方面出佐問題.其實正常都唔會唔聽大人勸導and安慰.或者會唔會考慮到轉下午班.可能小朋友早上唔夠訓.下午會情绪好D..我就回答佢:[唔好啦.乜你上.下午班教學方法唔同咩??定係你上.下午班教師質素唔同.唔通下午班教師有愛心D咩,其實我小朋友未被醫生評定有問題.我唸其它唔係專業既人仕都唔好過早標幟佢.呢D係叫尊重,老師你話係咪?何况你話哂都叫做一個老師,唔緊要啦,我都明白而家好多幼兒園都好商業化.我覺得呢間2星级 no good.咪搵間4星级囉,你話係咪呀,真係唔好介意我講說話失禮人.]我仲想繼續講落去.佢已经話囉返我bb


物件給我,怏快打發我走,我再嘈又好似潑婦罵街,我唸呢度每位都係人媽咪,BB





成長發展唔通媽咪唔會留意咩!!我小朋友只係語言能力未清適,缺乏詞彙,我返到健康院仲要俾姑娘話我過份緊張,佢都安排我見醫生可以令我安心D.間咁既死人學校送俾我都唔讀.我唸佢只係喜歡收D好靜既BB





.如果BB





好動或會返學喊個D,都唔好考慮,,都係好好嬲呀
私人傳訊

dolphinwan


複式洋房

積分: 144


7#
發表於 10-11-13 16:31 |只看該作者
你個小朋友同我個仔返學既情況一樣,我個仔兩歲,上個月十月一日開學,到而家返學都仲有喊,又係唔多接受老師既安慰,開頭返三個鐘喊足三個鐘;返學頭三個星期都係坐唔定,係課室度四圍走,到而家開始習慣,肯坐定定係到聽老師講書,不過好唔專心;淨係識講單字同埋手指指,個個老師都話佢好bb,不過我間幼稚園既校長同老師都好有愛心同耐性,開頭我都好心痛佢返學喊咁耐,放左學情緒仲好差,成日發脾氣撞頭,開頭我都好擔心佢有自閉症,於是搵校長傾計,個校長反而安慰我,佢話以往有某d學生會有呢d情況,好正常,因為屋企得一個小朋友,個個都鍚晒佢同埋將所有集中力放晒係佢身上,所以佢返學好難適應同屋企人分離,校長叫我更加要比佢返多d學,慢慢會發覺佢會有改變;到而家返左個半月,見到佢明顯坐得定左,獨立同乖左!
所以樓主,你都唔洗太擔心你小朋友返學既情況,早D同佢退學係好明確,呢間幼稚園D老師同校長真係好有問題,如果再比你個小朋友返學只會嚇怕左佢,搵過第二間啦,我相信有好多都好有愛心既!
私人傳訊

bee918


伯爵府

積分: 17243


8#
發表於 10-11-13 22:59 |只看該作者
呢間學校同老師真係好吾專業而且無愛心, 吾讀無損失! 我隻bee返兩歲班入校果下會喊, 斷斷續續喊左半年, 吾專心又吾中意采人, 老師吾會話佢吾掂, 而係講佢o既實際情況同埋比support. 咁先係辦學架!
私人傳訊

abbymum


大宅

積分: 1318


9#
發表於 10-11-15 00:41 |只看該作者
唔係淨係無愛心, 直情係唔符合幼兒教育的專業要求.

樓主, 應慶幸你咁早發現, 可以快快轉校.
如果你女兒唔喊好 "合作", 你不會發現這學校及校長老師的問題, 只會讓女兒繼續留在這裏接受這班人的 "教育".

(我女兒讀過兩間幼兒園, 剛足兩歲時入讀一間, 後因搬屋, 到兩歲半時又入讀另一間.兩間都是普通幼兒/幼稚園, 而兩間的校長主任老師都不知幾包容忍耐愛護那些剛入學的 "大喊包". 同時會反過來以其對幼兒心理的專業知識開導安慰家長, 並教我們可以怎樣配合. 所以好在你走得早. 不用為佢地激氣!!)
私人傳訊

winkho


大宅

積分: 3186


10#
發表於 10-11-15 11:17 |只看該作者
樓主, 我覺得你唔需要幫BB做評估, 因為你BB仲細. 專注力短係好正常的事. 唔好因為佢地幾句無謂說話,去做埋一D可能冇用的評估, 佢去到3歳, 都係咁先至做評估都未遲.
其實係當時環境BB喊+驚(冇親人係身邊) 做咩都冇用,個老師仲要話佢專注力差, 係嗰個時應該先比愛心+安全感,令到佢唔好驚. 唔係留意佢專注力好唔好. 大人驚起上黎都諗唔到咁多野啦. 更何況佢係一個BB
我大仔番K1 時, 初初佢唔喊, 但見到人喊, 佢就喊. 老師好好帶佢地和其他小朋友一齊玩GAME, 令到佢開心番.又或者叫一些冇喊GA小朋友同佢一齊玩, 等仔仔覺得原來係學校可以好開心. 老師從來唔會因為喊而投訴.
我個人認為, 有些私校/名校(無論係幼稚園, 小/中學)都會係咁, 佢地名氣行先, 因為有名氣有收入(多人報名), 佢地會有一套模式(可以用商業化黎形容), 佢地要所有學生都要跟老師嗰套, 跟唔到的學生就OUT, 唔會去關心, 了解, 因為佢地要保住名氣/ 成續, 絶對唔會花時間在一些跟不上她們模式的學生身上.
呢個世界真係好現實.
私人傳訊

sy媽咪


複式洋房

積分: 481


11#
發表於 10-11-15 12:37 |只看該作者

回覆 10# winkho 的文章

我都想請教吓,我都報佐協康會做評估,但評估+4堂訓練要$3500-,但星期六去健康院見醫生,BB又出奇地同醫生好合作,仲对醫生扮鬼臉,只係語言方面差,亦都安排我做評估,但政府要排半年到一年,咁怕唔怕延誤佐BB黄金時間呢??我返而比C9話我:俾人話兩句就當個女有問題.個女驚就緊係喊架啦!!!D miss攪唔掂就等BB企埋一面泠靜.你点解唔同校長投訴??等學校咁順灘唔駛教就有學费收.個個係咁咪好發......等等!!呢星期都過得有些心力交瘁,所以而家再搵學校都驚驚地,我都唔知應該要到協康會做訓練???同BB返吓PLAYGROUD??報下學期N1插班#如果下間幼兒院又係咁点萛 ??各位媽咪!請给些寶貴意!!thank you
私人傳訊

purple.house88


複式洋房

積分: 141


12#
發表於 10-11-15 22:02 |只看該作者
當然，如果你覺得有問題而又情況許可，早d做下評估求個安心也好。其實語言慢係早小小上學可以有幫助。但你剛讀的那間真係早走走著，好明顯係老師不專業。語言好多時真係要三歲多先定到問題，六歲前係小朋友發展既最佳黃金時期，你多注意一定係好事。如果你係自己湊，上play group玩下先，等佢識下朋友仔，其實好自然都會開口講多d說話。
原帖由 sy媽咪 於 10-11-15 12:37 發表
我都想請教吓,我都報佐協康會做評估,但評估+4堂訓練要$3500-,但星期六去健康院見醫生,BB又出奇地同醫生好合作,仲对醫生扮鬼臉,只係語言方面差,亦都安排我做評估,但政府要排半年到一年,咁怕唔怕延誤佐BB黄金時間呢?? ...
私人傳訊

abbymum


大宅

積分: 1318


13#
發表於 10-11-15 23:19 |只看該作者
看情況你囡囡的情形應不是很急切, 而且語言方面的評估孩子太小可能也得不出甚麼結論. 如果你照顧孩子以來, 都不覺得佢有問題, 只係而家返學比老師講才懷疑, 我建議你暫時省回協康會的$ (因如果真有問題日後要治療大把$要花)可以考慮先排政府評估, 同時去健康院問姑娘攞有關 "語言發展" 的小冊子返家看看（你可以大概依上面所說看看孩子程度是否差很遠）. 同時,按小冊子上面所教多些跟孩子有語言方面的互動. (等到政府評估時可能佢都已有很大進步了)

關於排政府評估, 我有少少經驗分享: 你可先去任何註冊西醫(不一定兒科)拿醫生介紹信, 以我囡囡為例, 我是帶她去看慣常看的西醫, 告訴佢我的擔心, 及請佢寫介紹信比評估中心. 佢當時封信係寫比政府評估中心主任醫生收, 信內容時診斷時覺得我女可能有 "語言發展障礙"(language development disorder), 需要進一步專家意見.(記住帶埋你所選評估中心的英文名稱比個西醫照抄)

然後你可以直接打電話向你所選的評估中心約見姑娘做初步評估, 這步驟是很快的, 好像是幾個星期. 中心姑娘初步評估後, 有需要再見醫生和治療師, 這步大約三個月. 其實評估都算快, 但評估後的治療則完全唔掂 (我要等15個月, 晒氣). 到時真有需要你才找協康會吧.

(不過我不知健康院醫生是否都已為你做了這個步驟?但應該是不用這麼久的)

這是評估中心資料:
http://www.dhcas.gov.hk/tc_chi/information_nr/information_nr.html
私人傳訊

tutik


侯爵府

積分: 24025


14#
發表於 10-11-17 14:03 |只看該作者
其實是否有需要上N班? 回想去年囝囝成日病, 又係比老師話坐唔定, 除了學識唱幾支歌都唔覺學咗嘜??
因為囝囝成日病自己上年都冇做嘢, 早知自己教識得仲多.
個人認為選幼兒班N要好小心, 好多商業化學校唔識處理幼兒情緒, 所以N班首選愛心學校, 嚇怕孩子點算.
致於個別差異, 兩歲人仔睇唔到架, 而且就算係又點,自己孩子你都會接受佢,同佢一齊努力學習,進步是嗎? 教孩子我抱住只顧耕耘,不問收穫.
努力
私人傳訊

Lhin


侯爵府

積分: 22799

2024年龍年勳章


15#
發表於 10-11-17 15:15 |只看該作者
樓主, 你有無同個小朋友玩PLAYGROUP, 我個小朋友上過一間, 幾好, 你有無興趣要D資料.
其實我覺得係間學校有問題, 你個女都係只有2歲, 返到學校喊有咩問題, 可能係間學校有問題令到你個女喊都唔定, 你同個女退學既決定係正確, 呢間唔讀都總有其他學校既選擇.
至於, 做評估, 我覺得唔需要住, 可能你個女係學校既表現D老師覺得唔OK, 先同你講你個女要找人做評估, 其實返N1, 學校對學生有咩要求?
我個仔讀N1時, 都係學吓D生字, 唱吓歌仔, 好開心咁返學.
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見