話說今日中午响巴士站見到個c9摷緊手袋,
跟住手執一個吉 ge 紙巾包,好順手掉落地下,
咁我見佢冇執返嘅意思,
就膽粗租行埋去同佢講:「c9,後面就有垃圾桶咋,唔好掉落地下啦」
跟住個 c9 望咗我一眼但就冇反應,不過最後都執返掉去拉圾桶.
其實呢 d 情况唔係第一次 ge 啦,試個見到個 c9 將類似紙巾就咁揼落地,跟住見佢行埋同我等同一架巴士,
咁我同佢講:「太太,你跌咗嘢喎,」
個太太:「哦,唔要嘅啦」
我:「咁即係揼垃圾」
太太:「由佢啦,掃街嗰 d 人有乜嘢做」
我:「=-=,=-=.」
又有一次,十二點後响寂靜街頭,四野無人,只有長長嘅的士龍,得我一個人行去等車,見到有個的士司機喺街邊同的士之中間小便,而我係聽到有聲,
咁我就大聲呼喝佢:「喂...有冇搞錯,响街小便,你冇嘢呀」.....講完就加快脚步向前走,因為我驚比人打.
我想問,我係唔係多管閒事呀....????
[img][/img]15/4開始麥皮餐,目標減20磅 ^0^y